Руска двојка која ја осуди инвазијата на нивната земја во Украина, прими бегалци во нивниот хотел во Србија, аспирант за ЕУ, но традиционален руски сојузник кој се колеба во осудувањето на Кремљ за неиспровоциран напад врз Украина.

Но, за десетици Украинци, хотелот во централна Србија, управуван од Михаил Голупцов и неговата сопруга Вера, е добредојден.

„Кога некој е во неволја, прво треба да му се помогне, без разлика од која вера или етничка припадност, без разлика кој е и од каде е“, изјави Голупцов за РСЕ.

Од 2019 година, тој и неговата сопруга водат хотел во Прњавор, мал град во централна Србија.

„Воден од овие принципи, ја напуштив Русија во 2014 година кога го анектираше Крим, бидејќи не сакав моето семејство да живее во земја која зема дел од територијата од своите соседи“, вели Голупцов, додавајќи дека украинските бегалци се добредојдени да престојуваат во неговиот хотел онолку долго колку што им е потребно, со храна и сместување бесплатно. Според податоците на Комесаријатот за бегалци, околу 13.000 стигнале во Србија заклучно со 23 март, а околу 3.000 нашле сместување кај роднини или пријатели. Во моментот има 48 бегалци од Украина во прифатните центри во Обреновац, во близина на Белград и Врање, во јужна Србија.

Link: https://www.slobodnaevropa.mk/a/%D1%80%D1%83%D1%81%D0%BA%D0%BE

fShare

Tweet