Со поставување на знамето на Ромите на јарбол пред зградата на Владата на Република Северна Македонија, интонирање на химната на ромскиот народ и свечен прием, денеска беше одбележан Меѓународниот ден на Ромите, 8-ми Април.
Во свечената сала на Владата, истакнати претставници на ромската заедница, меѓу кои координаторт на Мрежата за системиски и трајни решенија Зоран Димов кој беше и модератор на настанот, вицепремиерот за европски прашања Бојан Маричиќ и Агим Нухиу, заменик-министерот за правда пратеничката Љатифе Шиковска, директорот на Агенцијата за вработување Беким Мурати. Во своите обраќања ги истакнаа заложбите за продолжување на стремежите за еднаквост и правичност на ромската заедница почитувајќи го веќе изградениот концепт „Едно општество за сите“.
Учесниците на денешниот настан ја потенцираа важноста на суштинските политики за унапредување на ромската заедница втемелени во усвоената Стратегија за инклузија на Ромите 2022-2030 година, како дел од јавните политики за изедначување на степенот на вклученост и интеграција на таа заедница во општеството.
На настанот, Мрежата за застапување за системски и трајни решенија за интеграција на Ромите, во која членуваат 15 ромски НВО организации, додели плакети на Роми од различни сфери на општествениот живот за исклучителен придонес во развојот на ромската заедница.
Воедно беше прочитана и Декларацијата од страна на смата Мрежа.
