По смртта на неговата мајка, кралицата Елизабета во четвртокот, на 8 септември, принцот Чарлс станува крал на Обединетото Кралство и на 14 други земји, како најдолгоочекуваниот престолонаследник во британската историја.
Чарлс го очекуваат тешки предизвици во својата нова улога, со оглед на тоа што неговата мајка беше многу популарна и почитувана, но замина во време кога угледот на кралското семејство е нарушен, а Бакингамската палата се соочува со обвинувања за расизам.
Чарлс е соочен со овие предизвици на 73-годишна возраст, како најстариот монарх кој го презма тронот во кралската лоза, која се протега 1.000 години наназад.
Во текот на својот живот, тој беше растргнат помеѓу модернизацијата на монархијата, обидувајќи се да го најде своето место во општеството кое брзо се менува и станува порамноправно, додека истовремено се обидуваше да ги одржува традициите кои и даваат привлечност на институцијата.
Оваа тензија се рефлектира и во животот на неговите синови.