Музика

Erati an o Kumanovo ikergja pe 11-to "Roma truba fest"

Erati rakate an o Dizjakoro ploštadi an o Kumanovo ikergja pe p internacionalno festivali taro pleh orkestria "Roma truba fest".

Ko festivali than lele 8 eorkestria thaj pobut giljavutne tari makedonia thaj Srbia.

"Čeren e rakjake sine o Orkestari taro Džambo Aguševi jekh taro majšukar lumiakere trubačia a specialno misafiri e rakjake sine i jekhto truba tari Guča an o 2016 berš o solisti Hristian Trajković.

Повеќе...

E Elvis Prisli si le romane darhie!

Aso o akcentiriba e amerikansko magazineske"Gypsy Roma Traveller",e Elvis Prisli si le romane darhie. Oleskere parapapia sine Roma so dživdinen sine an i Germania. Ola ko starti taro 18 veko emigriringje an o USA. Ko jekh o magazini akcentirinela kote e dajakoro čhajorikano anav taro Elvis sine Smith, thaj sar so notirinela o magazini sine "but istemalkerdo anav maškar o britansko Roma".

Повеќе...

O Šaban Šaulić bahtalo, oleskiri čhaj i Ilda biangja unuka: Me unuka si la vošta sar i Andželina Džoli

Ko 21 septemvri akava berš ko Beograd ki Ginekološko akušersko hospitalo an o drom Višegradska bijandili i tikni Ema. I Ema si čhaj tari Ilda Šaulić a ko jekh thaj unuka e pendžarutne stradno artistoske o Šaban Šaulić.

- Bahtali sium so phergja pe mange i majbaro dživdipaskiri rolja a odova si dajakiri rolja. Pakjava kote ko dživdipa ka ovel man panda lačhe asavke momentia. " - vakergja i Ilda ko vakti kana ikljol sine taro hospitali. Ko hospitali pali olate ale olakoro rom o Bojan Vučković, i daj i Gordana thaj olakiri phen i Sanela sos saste vakti sine bahtale.

Повеќе...

Bajsa Arifovska - muzikiri magia tari Makedonsko Kamenica

I Bajsa Arifovska si unikatno an i lumia tari tradicionalno makedonikani muzika. Oj bašavela majhari ko 15 instrumentia, komponirinela, thaj 11 berša si profesori an o DMBUC "Ilija Nikolvski Luj" kote e siklen educirinel sine nacionalno purane instrumentia. Akana kerel buti sar instrumentalisti thaj asistenti e orkestareske ko nacionalno asambli "Tanec".

Pobut taro 20 berša dromarela an i sasti lumia thaj buvljarel i storia e makedonsko tradicionalno muzikake , thaj okola so respektirinen olakiri buti anavkeren la sar "maestro". Dži akana sine lašel koncertia , kergja buti bare artistonencar, thaj si jekhto Romani so komponiringja muzika bašo baleti.

Повеќе...