O festivalo ka phravel pe ko 24 avgusti an o 20:30 kote i ungarsko grupa "Viktória Havay and Fakutya", so bašavel romani muzika kote ka oven olencar dens grupa.

Ko jekh avgo drom an o Beograd ka bašaven ko 25 avgusto taro 21:00 o Lelo Nika kote an i priri programa violinaja barabutne ka bašaven i Aleksandra Krčmar thaj o Bogdan Ranković, pendžarutno klarinetisto thaj fruladžia taro Novi Sad so ka bašaven purane romane , srpsko thaj romansko melodie thaj nekobor autorsko kompozicie.

Ko Parko Tašmajdan ko 26 avgusto taro 21 o časo ka bašavel o Nenad Vasiljević an o trio Marko Živadinović (harmonika) thaj Andrej Proror (saksi) so ko odova momenti ka del pe lenge o phursako " Askero Mališa Draškoci" so nekobor berša del o phursako World Music asociacia Srbia (WMAS).

Majšukar fakti si kaj e muzika nane la limit thaj majsig nakhel o hranice si o japonsko bendi " Japalkan" so bađavela Balkansko note thaj romane bijava. 

O terno japonsko bendi bašavela muzika majbut romano meloso so bašaven tradicionalno trube thaj pleh muzika thaj leketrično instrumentia. O jekhto albumo "Ajde, Ajde" editiringje le ko 2015 berš.

Taro odova momenti olende si len bašaviba an i sasti Japonia. O bendi insistirinela ko dživdo bašavipa kote i publika kote so sikavel o avtentično duho thaj i energia e Balkansko etnoseske.