O Sejfula Beriša boksersko reprezentativco  tari ex Yugoslavia udžargja oleskiri familia te ovel atakujmi , a te na ovel an i situacia te del suporto. 

"Ka lav miro pasporto , ka pharavav le thaj ka džav mange tari them kaskoro flago baripaja vazdavale sine ko internacionalno šampionatia , a akana udžargjum te maltretirinel mire familia ko salde 200 metria taro miro kher. odova da udžargjum te ovel mange? vakerel o Beriša, kote maškar o manuša si pendžardo panda anavea "Kubanco"

As o oleste o incidenti ulo an o pašipa lokalno menuvačnicake , kote oleske pendžarde lokalno policajcia so sine mate thaj gazda e kafanake počmingje te maltretirinen thaj te khuven oleskere romnja, džamutre thaj e duj e čhaven.

Hramosardo si konkursi te den pe love suportoske talentirime romane čhavenge tari komuna Odđžaci. I aplikacia si dji ko 27 septembro.

Sar niami akale suportoske si e Romane čhaven so dživdinen an i akaja komuna Odžaci thaj resen bare sukcesia trujal školasko thaj averial aver aktivitetia.

O dokumentia e konkurseske si akala: Notacija, so lel pe taro Ofisoe e romane pučibaske, Fakti bašo resle rezultatia taro kerde aktivitetia (fotokopia tari identifikaciakiri karta taro jekh taro jeria, dokumento kaj so dživdinel dendi tari Policia thaj fotokopia e kontoske jekh taro jeria.

I aplikacia dela pe an o Komunakoro ofiso Odžaci phanlo pliko kote notifikaciaja tergjol e konkurseske " Suporto e talentirime romane čhavenge"