Politika

Ko akala alusariba ka ovel li Roma kandidatia deputatenge ki lista ko avgo 10 thana?

Trujal so o interes si but sar kjadrovsko adutia so I partia ka rodel  I pakjiv taro dizutne , so o partie havljaren kaj ka sikaven ko kurko so avela.

 

Ko partiakere štabia keren o agorutne konsultacie trujal o alusariba e kandidatenge deputatia ko liste ko šov alusaribaskere jekhina so ka oven ko 12 aprilo.

 

Okova so si interesno ki romani politikani ekipa I lista kandidatia Roma so ka oven bizi diferenca Prekal naoficialno informacie taro štabia sa o Roma kandidatia figuririnena ko pozicie so ka garantirinen avutno deputatengoro mandato.

 

Amdi Bajram, SRM, Samka Ibraimovski PCER, Asan Ferat SDSM Fata Osmanovska SDSM, Erdžan Demir VMRO DPMNE, Erdžan Selimi ROM. Ljatifa Šikovska SDSM, Aksel Ahmedovski PDPR, Orhan Jašarevski DPR, Merdžan Demirali SDSM Kumanovo Gege Demirovski oleskiri nevi NPR thaj avera.

Sa akala kandidatia taro plo koaliciano partnero ni jekh na si pozicionirime ko odola liste učeste numa sa si ola mašakr 10-to em 20 than ki lista.

 

Akava indirektno sikavel o fakti kaj ka ovel baro terensko butikeriba dži kote mangen o romane kandidatia te ukljel ko than so garantirinel šansa te ovel deputato.

Odoleske trubul pharo Sizisovsko butikeriba te animirinel e Romen te šaj ikljona masovno em te kerel direkt progresia ko elektorati.

O Ungarcoa kergje protestoa mujal i antiromani kampanja taro Orban

O nacionalistikano premieri tari Ungaria kote i EU buteder droma bičhavgja kritika sebepi so na respektinel o manušikane niamia , vakergja i them te ačhol „kašuki“ ki kriseskiri decizia te pukjinel i lovengiri kompenzacia e romane čhaven taro gav Giogjoshpati kote ko than love dela praktika.

 

Pobuter taro duj mile Ungarcoa barabutne e Romane famileincar em NGO organizacie iklile akava vikendi ko protesto mujal antiromani kampanja taro Viktor Orban legaripaja transparentoa „ O avutnipa na kerel pe natoleranciaja“ em „ Ni jekh nane upral o kanoni“.

 

O Orban vakerel kaj “e kriseskiri decizia baši segregacia vazdingja desave mediumen odolea so dela bare love te del pe desave Romenge“

O advokatia dengje antvorto kaj o Orban phagel o manušikane niamia.

 

Ko kurko paše 500 psihologoa dengje piri signatura mujal e govrementeskiri kampanja so motivirinela natolerancia mujal o Roma em avera dizutnen.

Ko jekh o Roma ki Unagria so paše taro 5 dži ko 7% taro sa o dizutne ki akaja them.

 

Link: http://www.portal-udar.net/madjari-protestuju-protiv-orbanove-antiromske-kampanje/

Nacionalna Partia e Romengiri – NPR– nevo politikano subjekti ko makedonikano politikakoro stejdži

Angleder nekobor divesa ko socialno netvorko FB taro personalno profilo o Gege Demirovski editiringja fotografia kote so dikehela pe lil kaj si dendo dži ko Civilno Fundavno Kriso ko Skopje dendo si rodaripe te evidentirinel pe partia anavea Nacionalno Partia e Romengiri.

Odova sikavela kaj i Nacionalno Partia e Romengiri si nevo politikakoro subjekto ko makedonikano politikakoro stejdži . Kana ka agorkerel odoja registracia majpakjavutne kaj o NPR ko avutne alusariba so si preliminarno notirime ko 12 Aprilo ka lel oj da than.

Premal o Gege Demirovski o NPR si nevi Partia so ka rošarel tumaro avutnipa. Dali o NPR čače ka ovel nevo romano politikano faktori ka sikavel o vakti.

Ko jekh em maškar o simpatizeria taro NPR isi baro optimizmi kaj akaja partia ka anel jekh nevo politikano drumo.

Premal o pae informacie taro NPR olakoro presidenti si o Gege Demirovski, a ko presidiumo si konektirime šukare pendžarde em profilirime anava . Maškar olende si akanaske o Aguš Demirovski, Dilsen Alijevski, Ismail Rasim , Šerafedin Sefer.

 Ko sig vakti udžarel pe oficijaliziriba akale neve politikane subjektoske em ko sig vakti šđaj te havel pe em ko makedonikane mediumia. Trujal so o šerutno ofiso ka ovel ko Skopje, planirinen te keren em pire regionalno ofisoa ko Veles, Kumanovo, Bitola thaj Prilep.

Te ovel šukaripaske em pozitivno momentenge.

Sar o dizutne tari Rijeka sikavgje sar te keren o hrvatsko političaria

Taro 1 Februari 2020 berš garvasialipa sine te ovel pe dizutno e Rijekake . Na salde soske akaja hrvatsko diz uli Europakiri šerutni diz tari kultura , numa sebepi o ruj e dizjakoro so deceniencar buntovno karakterea., maripa bašo jekhipa „ solidariteto“ so telokerel o diferencie em antifašistikano karakteri.

A sar šaj aver čhane tari diz so ko momenti na paririnel e themaja kote si, thaj oleskere trujalipaske . I diz kote majodoriga barabutne dživdinena Hrvatia, Srblie, Italijancia, Albancia, Bošnakia, Čehia,  Ungarcia, Crnogorcia, Slovakoa, Roma, Makedoncia em Slovencia. Barabutne em jekhutne telal i parola e taktoncar tari i gili „Bella Čao“

Odoleske o hrvatsko političaria so propagirinena negativno retorika  so ikaven sine o lafia ko 90-to berša. O Riječania ikergje lenge lekcia so nikana nane te bistren ola, trujal so na sine ko akava akti odothe ko momenti.

Ko agor so te vakerel pe  trujal Bravo Rijeka. Sikavgjen sar šaj em aver čhane , manušikane mujal i natoleranciua so kerel bare daravina em kojrakerel amen.

 

FaLang translation system by Faboba

Mangava te vakerav

TV BTR NACIONAL

Momentalno Online

       Isi 452 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali