Politika

O anglovakteskere alusariba ka prolongirinen i statistikani operacia – popis!

I andi decizia ko 12 Aprilo 2020 berš te ikeren pe anglovakteskere parlamentarno alusariba majpakjavutne ka prolongirinel I statistikani operacia – o popis an I them.

Sar so si pendžarde akaj importantno statistikani operacia trubul sine te ovel ko masek april o berš so avela.

Aso o notacie taro lidersko dikhiba so ikergja pe ko president Stevo Pendarovski majrealno o popis ka ovel prolongirime bašo 2021 berš.

Ko jekh o alusariba ka prolongirinen em o procesia ko phanliba konkluziwe ko nevo alusaribaskoro modeli so majpakjavutne ka diskutirinel pe palo anglovakteskere alusariba ko april.

Zaev: Džaja ko sig anglovakteskere parlamentarno alusariba

Organiziriba naničale parlamentarno alusariba si I decizia taro premieri Zaev palo nasukcesi so na reslja datum baši starti te khuvel ki EU . O premieri vakerel kaj ka kerel palem aktiviteto prekal europakoro drumo,

Anglovakteskere alusariba kaskoro datumi kana ka ikerel pe athinel o phanlo lafi maškar o majbare legarutne partie so dela o premieri Zaev palo o rezultati taro samiti tari EU ko Brisel.

„Nane amen vakti našavipaske . Miro propozalo si majsiga anglovakteskere alusariba, majsiga so šaj. SAlusariba kote o dizutne ka anen I decizia em testi bašo o drumo kote so truble te džal I them.

Odova ka ovel miro propozalo ki tajsutni lidersko dikhiba vakergja o Zaev ko savato kana sine le pres konferencia. Ov vakergja kaj sine le idea te del em ostavka.

„Sa o opcie sine mange ko šero, sine man bari holi em frustracia , ama vakergjum kaj nane man nisavo niami te čhinavav ten a marav man majodirga”.

Han: O džovaplipa bašo akava nasukcesi nane ki Utarali Makedonia, numa tano ko EU

O eurokomesari buvljaripaske , o Johanes Han vakerela kaj o džovaplipa baši andi decizias ten a del pe datumi bašo pregovoria e Utarali Makedoniake thaj e Albaniake nane ko akala duj thema , numa ki Europakiri Unia.

„Em salde te ovel klar: O džovaplipa akale nasukceseske nane tari Utarali Makedonia em Albania so pakajana sine ki pozitivno decizia.

Ola kergje plo! O džovaplipa si ki EU so na reslja te kerel odova em bašo andrune problemia.

Akava si salde zijani bašo kredibiliteti tari Unia , na salde ko region taro Paščimalo Balkani numa em buvleste” hramosargja o Han ko “Twitter”

Phravdi akharin taro Kabineto e Presidenteske tari Utarali Makedonia bašo Romano avrutno asistento

O kabineto taro Presidento e Republika Utarali Makedonia implementiribaja pire ingerencie ko deibe taro jekh a jekh šajdipa sa e dizutnenge ki olengiri inkluzia ko procesia ki kreacia e politikenge ki amari them havljarel akharin te sikavel pe interes angažiriba persona – avrutno asistentno ko pučiba taro multikulturalizmi , politika, strategie thaj programa baši inkluzie e Romenge ki Republika Utarali Makedonia.

Te šaj te aplicirinel pe trubul te del pe lil taro interesia kote ka šaj vakerel piro motive thaj CV.
O aplikantia trubul te pherel akala kriteriumia:
– te oven themutne ani Republika Utarali Makedonia;
– te oven pherde beršencar;
– te ovel len kriseskoro akti kaj nane krisime te keren odoja profesia;
– te ovel len majhari uči edukacia VII/1 nivelo jail studie resle 240 ЕКТС taro nanautrno nauke;
– te ovel len džanlipa ki buti ko kanonikani, govermenteskiri jail kriseskoro aktia;
– te ovel le majhari 5 berš bukjarno džanlipa ko butikeriba em aktiviteto e NGO sektorea an I them em avrial taro multikulturualizmo, politike, strategie thaj programe ki inkluzia e Romenge an I Republika Utarali Makedonia thaj euroatalntsko integracie.
– te pendžaren jekh taro trin majistemalkerde čhibja ki Europakiri Unia (anglikane, francusko, germansko). Pendžariba aver da čhibja ka dikhel pe sar prioriteto plus;
– te pherel o šartia te resel sekjuriti sertifikato.
O pisma sikavibaske interesi e dokumentacijaja trubul te den pe ki hramosardi forma dži ki arhiva e Kabineteske taro president ki Republika Utarali Makedonia, ko drom “ Aco Karamanov” no 33A, Skopje, notacijaja „Phravdi akharin ko sikaviba interes ko angažiriba avrutno asistento”, ko rok taro 5 (pandž) bukjarno dive taro dive kana si havljardo akaja akharin dži ko 18.10.2019

Link: http://pretsedatel.mk/%d1%98%d0%b0%d0%b2%d0%b5%d0%bd-%d0%bf%d0%be%d0%b2%d0%b8%d0%ba-%d0%be%d0%b4-%d0%ba%d0%b0%d0%b1%d0%b8%d0%bd%d0%b5%d1%82%d0%be%d1%82-%d0%bd%d0%b0-%d0%bf%d1%80%d0%b5%d1%82%d1%81%d0%b5%d0%b4%d0%b0%d1%82/?fbclid=IwAR3om2nkd29FwsZWbXQBzgWj5TYzi1HwCWE3a0wrihOB1rox_X29642Mph4

FaLang translation system by Faboba

Mangava te vakerav

Momentalno Online

       Isi 93 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali