Politika

Makedonikane parlamentarno alusariba 2020

O dešto ko nice parlamentarno alusariba ki Makedonia ka oven ko 15 juli 2020 berš em primal I Alusaribaskiri lista isi 1.814.263 manuša. O vote ka šaj den pe ko barabutne 3.480 alusaribaskere thana ko šov alusaribaskere jekhina, a isi kandidatia taro 15 politikane subjektoa em partie.

O votiba ka ovel taro 07 dži ko 21 o časo. Akala anglalvakteskere parlamentarno alusariba ka ikeren pe koi šov alusaribaskere jekhina ki sasti teritoria tari I them.

Ki kandidatsko lista ka arakhen pe emromane politikane subjektoa em kandidatia.

O Govermento tari Utarali Makedonia rebalansea taro budžeto tiknjargja o love so trubul te den pe e Romenge bašo 34%

Ko thavdipoa e bešinake ikerdi ko 15 maj 2020 o Govermento e Utarale Makedonikae, angja decizia te kerel trampa ko budžeto ko 2020 berš resarinaja kaj i nevi situacia e Covid 19 virus i kriza. Neve rebalansea o Budžeto so trubul te del lovengoro suporto ki startegia e Romenge  em si tiknjardo bašo 34% odonosno taro 73 milionia denaria (1,2 milionia eura) ko 48 milionia denaria (paše 800.000 eura) (fundavno budžeto).

Ko pervazia e budžetsko benefitenge ko prioritetno reonia tari Strategia e Romenge 2014-2020, kerde si akala trampe:

Ministeriumi bašo transport em konekcie – Taro barabutne planirime budžeto 40,000,000 denaria, (650 milje eura) rebalansea o budžeto si tiknjardo bašpo 50%, o nevo budžeto si 20,000,000 denaria (325 mile eura)

O Ministeriumi baši sociala – taro 8,330,000 denaria (paše 130 milja eura), tiknjardo si 26%  thaj akana si 6,141,000 denaria (100 milje eura)

Ministeriumi baši edukacia planirime budžeto sine 21,982,000 denaria, (350 mile eura) e rebalansea akana odova si tiknjardo bašo 15% em akana si 18,782,000 denaria (paše 300 mile eura)

Ko šartoa kana o Kovid 19 kergja serioznio ekonomsko implikacie em sastipaskere upral savorende a majbut telel i Romani populacia e tiknjaribaja o Budžeto love ki implemnetacia ki Strategia e Romengiri panda buteder teljargja i pozicia em majčoroli uli i romani populacia.

O čhinavipa e Budžeteske ko deiba suporto ki implementacia e Romane strategiake si kontra taro propozalia tari Europakiri Komisia kote ko raporto ko progreso bašo 2019 berš notirinel pe kaj „ačhol panda but te kerel pe ki implementacia e strategiake resarinaja majbari integracia e romane jekhinake“.

Ko sig vakti em ko Idrizovo: Ko phanlipa kerdo si majbaro kriso ki them

Suportoa tari Europakiri Unia ko pervazoia tari IPA akcisko programa “Suporto e sektoreske Jurisdikcia” kerdi si majbaro kriso ki them ko kompleks phanlipa Idrizovo. O sasto akava kotor ka ovel ko than taro 1000 м2 em si le kapaciteto taro 120 persone.

Faktea kaj o serioziteto taro phare kriseskere aktia em siguritetno faktia akava kriso  kapacitetoa taro 120 persone ka kerel te ovel krisiba e phanlenge ko okola aktia te oven barabutne ko kompleksi phanlipa Idrizovo.

Resarin akale tamikeribaske o komplekso ko kriso ko sklop e phanlipaske Idrizovo em odothe te keren pe krisoskere aktia mujal manuša so kergje phare kriseskere aktia kop hare aktia em o gtransporti e personenge so kergje phare kriseskere aktia.

Odolea ka tiknjarel pe o riziko kaj šaj te ovel našđipa  ko vakti taro transporti dži ko krisia. Dopherdo akava kriso ka istemalkerel pee m šparinel pe love transporteske e phanle em krisime manušeneg em ka rasteretirinen pe o phanlipaskere ofisia em I policia so len sine than ko aniba e phanlel dži ko krisia.

Reakcia taro Presidenti e NPR o Gege Demirovski

Phravde dava pučiba ko instutucie ki them, si li amen o Roma, sar lojalno dizutne akale themake, siem jekh a jekh e averencar_ Em amen da siem taro rat em mas!

 

Trubul li amen da te dživdina sar sa o aver nacie ki them. Jali trubul te parvara amen amende em amare čhaven (e Makedoniakoro avutnipa) prekal o kante gunoeske?

 

Sa o kurke ko Skopje si phravde kerena buti normalno, a o kurko ki Šutka si phanlo (I korkoro metodologia si sar magla) em odova salde 30 minutia pali andi decizia taro diasvo nastručnjako.

 

O nevi pandemsko klriza si noviteti ki sasti lumia, a na salde ki Makedonia, ama ma te keren eksperimentoa akale naciaja, soske o čačipa ka dikhel pe.

 

Akharav e institucien tari them em e president Pendarovski definitivno te ovel dat savorenge, a na salde nekaskesoske em tajsa isi dive.

 

Respektoa savorenge!

Presidento e Nacionalno Romane Partiake

Gege Demirovski.

FaLang translation system by Faboba

Mangava te vakerav

TV BTR NACIONAL

Momentalno Online

       Isi 670 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali