Politika

Kobor sine aktivno ko Parlamenti o duj romane deputatia o Amdi Bajram em o Samka Ibraimovski ?

O deputati si le niami em trubul te avel ko Parlamentarno mitingoa em te lel than ko buti e parlamenteske em ko aniba decizie em kanonia.

 

Akala engažmaneske dendo ko parlamentarno alusaribay tari rig e džianeskoro, o deputati lela neto plata , so pukjinen le o dizutne  so si paše 1.200 eura jali paše 60 mile  eura ko thavdipa taro jekh mandate. Numa kobor olendar ikeren pe dži ko akala momentia?

 

Ama odoleske savore, emo kola so but na avenan ki buti ko Parlamenti sako masek  lena peske e deputatengiri plata so si dende taro plo džiani.

 

Prekal “Miro deputati” raporti numero 22 ko periodi juli – decembro 2019 , o romane deputatia ake kobor droma avile ko Parlamenti o Amdi Bajram thaj o Samka Ibraimovski.

 

O deputati Amdi Bajram ko period juli – decembro 2019 berš sine 37 droma ko parlamenti, na avilo 12 drom orpavdano em 6 drom naorpavdano. Ko jekh iklilo 6 drom em dengja deputatsko pučiba.

 

O deputati Samka Ibraimovski ko odova periodi alo ko 55 mitingoa ko parlamenti, bizo te ovel otsutno. Sar deputatengoro pučiba iklilo salde duj droma.

O Roma tari Siria

Barabutne si so si len Domarsko dialekto ki Siria, em si identifikujme sar Dom em Navar jali majpendžarde sar Roma em notirime si kaj ki Sirija isi maškar 100 -250.000 Roma a isi teze kaj olengoro numero si em 250 -300.000 Roma.

 

O butipe taro odola Roma nane nomadia. Isi em jekvaš nomadsko grupe, nesavi em phirena ki them. Ko Alepo I jekhin Dom si majpakjavutne em majbari , a isi baro numero em ko Damask, Homs em Latakeh.

 

Ola si uče marginalizirimeko sasoitnipa em si anavkerde sar Kurba (ko Alepo pendžarde sar ʾərbāṭ) thaj Kareš ko utar em o Navar (buvleste anavkerde sar Levant) ko aver thana.

 

Akala thana istemalkeren diferentno grupe so šerutne si hulavde sar socio – ekonomsko profiloa. I romani jekhin hulavdi si ko klania.

 

Pakjala pe kaj o Domaria migriringje tari India prekal Persia. Ola sine sar indisko nomadsko kasta em sine majbut kovačia jali muzičaria. I čhib si indo – arievsko, phanli e centralno em Utarpaščimali India.

 

I čhib e Domarengiri ko Paše Purav si pendžđarde sar Navari. O Domaria sikaven plo darhi em sar Kurdistania, turkiakiri jali arapsko presia. Sine trampa ki arapsko čhib.

 

O egzinomi “navar” nesavo drom istemalkerel pee m sar teleperaviba, sar namoralno dživdipe manuđšeskoro, so si asociacia taro okola so mangen devlenge, nomadia jali čora.

O Soros dela milijarda dolaria ko netvorko e universitetengoro, a isi love em romane studentia

O ungarsko-amerikansko investitori em filantropi o George Soros planirinel te donirinel milijarda dolaria e universitetenge so ka zojrakeren i demokratia em educirinen pe o marginalizirime jekhina.

O Soros odova vakergja ko margine e Lumiakere ekonomsko forumo ki Švajcaria. Mangipaja odola love ka istemalkerel pe o aktia so si konektirime akanutne netvorkojataro universitetia ki lumia, reakcia taro globalno takjaripa, politikane trendia em protestno aktivitetia.

 “Persi berš o majzorale lumiakere takatia o USA, Kina , Rusia ačhile ko vasta taro potencialno em aktuelno diktatoria, a o numero taro autoritativno lideroa bajrol” vakergja akava 89 beršengoro milijarderi.

O love so ka oven istemalkerde e studentenge taro marginalizirime jekhina maškar so si thaj o Romane studentia, vakergja o Soros.

O Ex presidento e germansko fudbalsko federaciake (DFB) Felix Lineman, bičhavgja šel e manušen ko Aušvic

I Fudbalsko Federacia tari Germania (DFB) vakergja kaj o ex president e federaciakoro Felix Lineman direktno si džovaplime so bičhavgja šelen manušen ko Logori ko Aušvic kote sine em mudarde.

 

I Federacia vakerel kaj o Lineman so sine Presidento taro 1925 dži ko 1945 berš , sine direkt konektirime ki registracia e Romengiri sar šefo e kontrolno centroske baši kriminalno policia ko Hanover , so sine sar preliminarno faza olengere deportaciake ko Aušvic.

 

Ko palokurko notirinen pe 75 berša taro tromalipa taro Aušvic , a e Fedubalsko Federacia tari Germania ka promovirinel em dela ysuporto ko Dive taro Holokausto.

 

- Akava berš notirinel pe o bibahtalipe taro pobuter taro 20.000 Roma so sine mudarde ko Aušvic em hošinel pe džovaplipa primal akaja populacia , vakergja o president taro DFB o Fric Keler.

 

Link: http://www.zurnal.rs/fudbal/velika-petorka/92014/bivsi-predsednik-fs-nemacke-poslao-nekoliko-stotina-ljudi-u-ausvic?lang=lat

FaLang translation system by Faboba

Mangava te vakerav

TV BTR NACIONAL

Momentalno Online

       Isi 632 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali