I situacia manuša bizo khera si hor atako upral o manušikano integriteti, socijalno teleperavipa thaj niami ko dživdipa. Odova si (prima facie) ki avgo percepcia jali teleperaviba ko niami te ovel tut kher em phagela baro numero manušikane niamia. O manuša so si bizo khera , em kana si thanjarde ko Centroa , si len zaruripa taro hajba, buti, sastipaskiri protektiva thaj suporto ko mentalno sastipa  thaj o trauma so isi le.

Agorutno drom kana sine kerdo globalno rodaripa – tari rig e UN ko 2005 berš . notiringja pe kaj paše 100 milionia manuša si bizo khera ki sasti lumia. Paše 1,6 milijarde manuša nane len adaptirime kher (Habidat, 2015). An o 2021 berš, e Lumiakoro ekonomikano forumi editiringja kaj bizo piro kher isi paše 150 milionia manuša ki sasti lumia.

Taro akava fenomeni nane imuno ni I Utarali Makedonia, kote asavki forma tari akomodacia dela o Lolo Kriso thaj o institucie ko pervazia e Ministeriumeske baši socijala.

Taro akava punkti ko skopjakoro Momin Potok vakerena kaj dji akana sar so si putardo angleder 15 bersha napalal nane  dji akana neko te merel sine an o akava stacionaro ko jevendaskoro period. Ola vakerena kaj o rodaripa kerdo taro olengoro profesionalno timo so kaerel buti ko punkti , vakerel kaj da bi jekh manuš oficialno ovel manuš bizo kher ov si  le pobuter faktoria thaj parametria:: Adiktivno natura prekal o alkoholi, narkootično supstance, komari - hazardi, psihijatarskoo problemoa thaj nasvalipa, čorolipa thaj socialno inkluzia, bizi buti, thaj imotno  problemoa.

Sar populacia pobuter si murša. Isi em džuvlja da , ama lengoro numero si but potikno ki paralela muršencar, kote o procento si 80:20, vakerena taro akava punkti.

Majbut manush achola bizo kher si individualcoa, ko prosek 55 bersha phuripe, so si slabo familiarno korelaciencar , jail uopshte nane len korelacia e familiaja. Raritetnoo si familiarno te oven bizo khera.

O proekcie taro Themakoro ofisi baši statistika e dizutnenge an i Makedonia dži ko 2070 berš si but negativno. O statitičaria akale proekcijaja bičhavena apel dći ko legarutne te keren strrategie bazirime taro informacie, I migracia si konkluzno e demografsko avutniaske.

Te gelo agjaar majodoriga dži ko 2070 berš i Makedonia ka oven la salde 1,25 milionia manuša.

„O rezultatia si analiza taro proekcie dizutnenge thaj sikavena kaj ko desavo sig vakti but pharestr ka šaj te normalizirinel pe I buti e demografsko situaciake dži kote nane interventno faisalia” vakeren taro Themakoro ofisi baši statistika kote o informacie sikavena kaj ko beršeskoro nivelo ko prosek paše 12.000 manuša emigririnena tari them. Trujal emigiririba e Makedonia si la problem em e tikne natalitetoa . O statitičaria vakeren kaj trubul te anel pe bukjarno takati  a majšukar scenari te ikljol pe tari akaja situacisa si integracia an I Europakiri Unia. Akala kalkulacie keren pea so o informacie taro Popis taro 2021 berš.