Socijala

O Ex franciakoro president o Sarkozi resla phanlipa sebepi globa ki finasisriba kampanja

O ex franciakoro president Nikola Sarkozi krisime si jekh berp phanlipabašo nakanonikno finansiriba oleskere nasukcesiale kampanjake ko alusariba ko 2017 berš . O 66 beršengoro Sarkozi sine notirime sar došalo taro parisko krisi soske harđingja deš milionia eura pobvuter numa so si mukhlo aso o kanoni. Numa ov nane te ovel ko phanlipa am aka ovel khere elektronsko alkaja ko vas vakergja o krisi.

O Sarkoziu negirinel sa kaj si došalo em vakerel kaj ka đal đi ko agor te sikavrel o čačipa. Oleskoro advokati vakerggja kaj ka del prestavcka bašo akava ando kriseskoro akti. Akava bašo Sarkozi si dujto jekh beršengoro phanlipa . Ko mart akava berš ov ulo avggo ex presidenti Franciakoro so reslja phanlipaskiri globa sebepi korupcia thaj kino bikiniba am aka ovel tromalo sa đi kotre na anel pe defintivno decizia.

Link https://www.bbc.com/news/world-europe-58729505

Havljarde o phursakoa taro EU baši integracia e Romengiri an o 2021 berš ko Paščimalo Balkani thaj Turkia

E Europakiri komisia havljargja e 14 phursakerde baši EU integracisa e Romengiri ko Paščimalo Balkani thaj Turkia . Akava berš o phursako dengja pe manušenge so keren sine promocia ko jekhipa ki faza taro bukjarnipa.

O phursako tari EU ki integracia e Romenge ko Paščimalo Balkani thaj Turkia sine avgo drom notirimi ko 2014 berš em si la resarin te notirinel kaj si importantno I integracia e Romengiri ko procesi taro buvljaripa ko EU em te sikavel o dđanlipa em I misia taro EU te šaj lačharel pe I socialno inkluzia e Romengiri.

Akale phursakoa I EU athinela sa o kerdo zori ko zojrakeriba e Romengoro te šaj realizirinel saste piro potenciali sar jekh a jekh a membrora ko sasoitnipa kote so dživdinena em keren buti.  O phursako ka del suporto te finansisirnen pe avutne proektia thaj šajdipa e Romengfe. O phursako baši integracia e Romenge ko Paščimalo  Balkani thaj ki Turkia , fokusea sako berš ko diferentno umalja. O phursako si finansirime tari Europakiri unia  thaj implementirime tari organizacia Romano aktivi tari Albania.

 

Link: https://www.portal-udar.net/proglaseni-dobitnici-nagrade-eu-za-integraciju-roma-2021-na-zapadnom-balkanu-i-turskoj/

Vakciniriba e Romenge ko Beograd

Resarinaja te vazdel pe  i gind ki romani popiulacia kobor si importantno i prevencia tari vakcinacia mujal o COVID 19 sine organizirime praktikani aktiviteti anavea “Prevencia imunizacia thaj saljariba taro Covid 19“ ko 5 beogradsko komune . Oj sine organizirimi taro ekspertoa ko „Instituti sastipake ki Srbia“ D-r Milan Jovanovič-Batut barabutne e NALED em i Asociacia ko romane pučiba

„Akava audio materialki sine finansisirme taro Ministeriumi kulturake thaj informacie ki Republika Srbia.

I saikerin e audiomaterialeske si stavia e autorenge ko akava proekti., “Puča amen”So si suportime  em kofinansisirme mediumsko saikerinaja e nacionalno minjoritetenge thaj na sikavel o stavi taro Ministeriumi kulturake m informacienge ki Republika Srbia”

Link https://romaworld.rs/vakcinacija-roma-u-beogradu/?fbclid=IwAR3GAwu8IESkqezC78uUsg6mztbYYbYYOVhZfLtCJLS1m7uql1KXukrJ-ho

Panđ Roma thaj Romnja lena than ko alusariba ko čehiakere alusariba ko Parlamenti jekh ko ANO duj bašo Grune, duj bašo ultranacionalistikani partia

Majhari 5 Roma thaj Romnja lena than ko akavca beršeskoro alusariba  ko čehiakoro Parlamenti , o server informacienge Romea.cz dikhlja I lista taro kandidatia tari sako polkitikani partia editirime ko www.volby.cz, oficialno web rig tari Čehiakiri statistikano ofiso ki opservacia kote identifikujngja e kandidaten kaske đanena kaj si Roma. O jekh si o Marsel Ščuka kandidati tari legarutni  ANO o avera duj romane kandidatisa si I Ana Čvalova thaj Emil Vori kandidatia tari Grune Partia thaj duj romane kandidatia baši partia “Tormalipa em direktno demokratiua” taro Tomio Okamura. O alusariba ka ikerel pe ko 8 thaj 9 oktomvri . Isi barabutne 22 alusaribaskere grupe so dengje piri kandidatura akale alusaribaske ko Parlamenti akava berš.

Link http://www.romea.cz/en/news/czech/five-romani-men-and-women-are-running-in-czech-elections-to-the-lower-house-one-for-ano-two-for-the-greens-two-for

FaLang translation system by Faboba

Mangava te vakerav

TV BTR NACIONAL

Momentalno Online

       Isi 434 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali