Socijala

O romano aktivisto taro Norčeping, Švedia Almir Sali reagirinela: „ Ma freden i holi taro Zlatan Ibrahimović upral o Roma“

O pendžarutno fudabslko asi tari Švedska o Zlatan Ibrahimović akala dive holjankergja e fanen taro Malme aktea so ulo kogazda e fudabslko klubeske Hamarbi saste 25% akcie

O Ibrahimović plo fudabslko starti sine le ko Malme a posle te resel lumiakoro baripe kote khelgja ko buteder pendađrde internacionalno timia.

Havljarinaja kaj ov sar fudableri pohari agorkergja piro angažamno ko USA o fanoa taro Malme gindingje kaj ka iranel pe odori te agorkerel piri kariera. E fanenge ov sine fudavlsko stari em kergje leske bari statua so sine anglal o stadioni.

O Ibrahimović ko than taro Malme alusargja e Hamarbi sar klubi kote ka investirinel, Odova holjankergja but e fanen taro Malme em thargje i statua a sine hramosarde but bilačhe grafitia sar so si „Meren Romalen“

Odova grafiti ulo sebepi so gindinel pe kaj o Zlatan si Rom, trujal so ov nikana saste em phravdo na deklariringja pe sar Rom.

Ko akava reakcia kergja o romano aktivistio Almir Sali taro Norčeping so akhargja sa e romane aktiviston te reagirinen ko akava grafiti a taro ševdiakoro legaripa rodingje te identifikujnel e manušen so kergje akava akti.

O grafiti nane čače naivno em ilustririnel i natolerancia mujal o Roma tari akaja skandinavsko them.

Dži akana ni jekh nane asatrdo!

Pinda Roma tari Frushe Kruja, Albania bizo hajbe em kebe nakhen o divesa palo phuvjakoro tinaniba.

Premal o romane aktivistia tari Albania, palo katastrofalno phuvjakoro tinaniba so sine ki Albania, pinda Roma upreder 10 romane familie si bizo konkretno arka. Olen nane len ni hajbe ni kebe ko akala phare momentia olenge.

Olenge trujal o hajbe em kebe trubul em šatoria jali aver forma akomodacia soske si avri gtaro pire khera.

Odoleske i organizacia baši integracia Porta Roma akharel sa e Romane thaj naRomane organizacie te den suporto akale familenge so trubul olenge soske si avrial taro khera.

Ola apelirinen em akharena sa e humanitarno organizacien tari Albania em aver te den suporto em te ovel urgentno reagirime odori odole familienge.

Novi Pazar: Amalipe sar egzamplo

I familia taro Ruždi Suljević ko Novi Pazar avili angleder 25 berša. Taro sa vakti sine len čorolikano thaj pharo dživdipa. Ov mulo persi berš em o sasto pharipa e familiakoro prepelo oleskere čhaveske o Jasmin (30) so but phareste resel te parvarel oleskere romnja e Dželjana (27) , oleskiri daj i Jagoda (58) i phen i Semedina (26) thaj o čhave i Ajsel (11), Emran (9) Edin (8) thaj i Darka (5).

Trujal o nanipa em čorolipa ov bukjaja parvarel pire familia bizo te lel socialno jali te mangen devlenge.

Sa taro o čhave džana ki škola. Olen trujal so nane olen pani thaj desavo drom em elektrika, sako drom si uže em namelale. Odova vakeren olengere komšie, so desavo drom den len em materialno arka.

Jekh drom i tikni Ajsela ki škola sine len tema te hramosaren olengere khereske, em oj ko than kartonsko sar so si, oj hramosargja kaj isi len baro ko duj spratia kher, bari avlin pherdi lulugjencar. Kana pučljaja i sikavni agjaar li si čače olengoro kher, oj vakergja oja, ama salde ko olakere sune.

Olate mangen i sasti škola em lakoro klasi taro 4/3 klasi em bizi diferenca kaj si čoroli olaja si sa o čhave em amala, a majšukar amalinja si i Jana Milanović, Ana Acković em i Andrea Ilić.

O novopazarcia džanen i sasti situacia akale familiake em ki akana sig kerdi humanitarno akcia ola e familijake Suljović khedingje em dengje len love 600 eura.

Stipendie taro 315 sikel Roma hramosarde ko avgo klaso ki fundavno škola

Barabutne 315 sikle Roma so si hramosarde ko avgo kalsi tari fundavno škola ko sikljojbaskoro 2019/20 berš ka oven stipendirime ko pervazia e proekteske “ Redovno ko časia: I akcia inkluzirinel e Romen ki fundavno edukacia”

O konkursi si finansirime tari Europakiri unia thaj implementirinel le I Fondacija FIOM ki kolaboracia e asociajciaja Centro edukaciakere suportea “Dendo vas thaj I fondacia baši edukaciakiri em kulturakiri inicijativa Piro palo piro . I resarin sit e arakhel pe stipendie ko konektiriba so majbaro munero Romane čhave ki fundavno edukacia so ka džan ničale te educirinen pe.

O konkursi legarel pe ko periodi taro jekh sikljojbaskoro berš a I stipendija si 400 eura ko berš em si legardi te učharen pe o borčia bašo educiriba, hajbe, šea, školsko pribor thaj materialia sportsko em aver artiklia e siklenge.

Ka šaj aplicirinen sikle Roma so si hramosarde ko avgo kalsi ko sikljojbaskoro 2019/2020 berš kaskere familie lena garantirimo minimalno lovengoro suporto , ama so na lena aver stipendia finansisko lovencar tari Europakiri Unia. Inače o famile nane te našaven o niami te len peske majodoriga o sociajlno arka.
O sikle so ka džan ničćale ki edukacia em sukcesiale ka nakhen ko aver majučo klaso , ka šaj te ikeren I sitipendia odole beršeske em potencialno te len nevi bašo avutne duj sikljojbaskere berša.

O agorutno rook te aplicirinen si 10 decembro , a pobuter informacie e konkurseske šaj te arakhen ki web rig e Fondaciake FIOM , šaj ko ofiso taro FIOM jali ko telefonsko numero 02/2477107 jali prekal e mail Această adresă de email este protejată contra spambots. Trebuie să activați JavaScript pentru a o vedea..

FaLang translation system by Faboba

Mangava te vakerav

Momentalno Online

       Isi 109 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali