Socijala

Čehiakiri policia ka rodel kriseskoro akti mujal o manuša so atakujngje Romen ko Sokolov akava nilaj

E črehiakiri policija startujngja kriseskoro kati mujal grupa terne so kergje atako e Romen ko Sokolov akava berš. Aver rigatar nekobor persone teleperaven sine e policajcon  so kergje odoja intervencia em notirime si ko ofiso taro lokalno legaripa sar akti bašo telepersavipsa e dizutnenge ko sadživdipa.

O policajcia so kergje I intervencia ko odova than sine kerdo rodaripa taro Sektoro andrune  bukjenge em ni jekh tatro policajcia na sine notirime kaj kergje dresavo feleri.

O incidenti sine ko 23 juli ko trenoskoro stasioni ko Sokolov. Grupa agresivno terne manuša mmajanglal atakujgje romane tikne čhavenb a palo odova atakujngje Romen em romnjen . Nekobor Roma sine lokhste ratvarde a jekhe romnjake sine em phagerdo o vast.

O svedokia vakeren kaj ko vakti taro akava atako I grupa dela sine vika “Kale bale, ka muadara tumen, gasno komore tumenge!” I policia palo odova vakergja kaj odola terne manuša sine “ultrasia” tifozia e fudbalsko timoske so khelel ki čehiakiri nacionalno fudbalsko liga.

 

Link. http://www.romea.cz/en/news/czech/czech-police-prosecuting-one-of-the-men-who-assaulted-romani-people-in-sokolov-this-summer-internal-affairs-says-officers

O performansi si le resarinake te tiknjarel o anti romani distrikcia ki Finska

O Roma si majbari etnikani jekhin an I Europa thaj majdiskriminirimi. Ko sinema but raritetno sikavena I diskriminacia e Romengiri olengoro dživdipa, adetia, problemia ki jekhin em sar etnikani jekhin.

O performansi si ki finsko čhib “Kalo, majkalo, romano”(Musta, Mustempi Romani), hramosardi em režirimi tari Elina Izara Olikaininen phravgja personalno em historikani perspektiva e finsko em romansko Romenge. O performansi lela zorlo stavi . Si la dokumentarno faktia e Romenge historia so datirinela taro XVII veko trujal diferentno dikhiba dži avdive. O režiseri kamel te čhinavel o traiva sar so si o rasizmi so isi upral o Roma an I Europa avdive da.

 

I direktorka thaj olakoro timi kergje buti bare samaja ko backstage Oj drabargja o raportoa ko rodaripa e Romenge ki FRA. Kergja intervju buteder Romencar ekspertoa, anibaske decizie, organizacie em Roma tari Finska em Romania.

Trujal o režiseri jekhvaš taro akteria si taro etnikano minjoriteto – Ko vakti kana drabarel pe o raporto tari FRA I Oda bahtake taro Betoven I oficialno himna tari EU thaj palal džaketia ko romano flagoskoro koloria I grupa pohari lela o care učharede flagoa tari EU sar so I slika taro Ilja Repin, Barge Haulers. Ki Volga.. 80 % taro europakere Roma dživdinen ko poire thema ko čorolipa sako trinto REoim nane le khere pani, sako trinto romano čhavo sovela ki familia bokhalo bar jekh drom ko masek.

O Teatro Kamle ko Pori kerel 30 berša sar so funkcionirinela. Olengoro performansi si dijalog so kerel magično ki publika. Sako scena so džala sig phravel nevi perspektiva ko anti romani hoš em khelel zoralo progresi ko hoš. I publika ačhola džangavdi, I publika dživdinel e performansea po desavo drom dela lake šampanjsko  dejbaja reklame te astaren buti. Isi em video mesažia ko khelde episode.

 

O zorale video intervjuia e eurodeputatoa Siirpa Pjetikšinen o direktori taro Institutoi asakon proektirime ko duvaru e teatraske. I Pietkisinen akcentirinel kaj o hakoa nane sar so si o akti e Romencar kana sine paldime taro ollengere khera a o fundavutne niamia sar so si edukaciua m hut inane len, O lorole Roma tari Romania em Bugaria avile ki Finska te šaj egzistirinen pe čhavenge prekal I buti sar so si o magazine ”Baro editiriba”  Romani daj so mangel devlenge ko droma vakerel kaj našti te vakerel o anav taro piro čhavoi .

 

O performansi si le importantno informacia e romane historiake. O kanoni kaj humlavena e Romen ki Švediakiri imperia em paše 1,5 milionia Roma si viktimia ko Holokausto ki nacistikani Germania liparen pe. Na džanel pe jail o Roma tari Finska sine muadarde ko konc logoria ko vakti taro Dujto lumiakoro maripa ama o teatarsko timi gele ko Talin lokalno trenoa ko lipar monumenti  e viktimenge taro odla konc logoroa Kloga em dikhlja kaj milja Roma sien mudarde odothe. Ki Finska o Roma mren pe sine jekha jekh sar o avera ko dujto lumiakoro maripa ama palo maripa I diskriminacia mujal o Roma sine sa dži ko avdisutno dive.

 

O performansi si baro, umetnikanoi em bizo kompromiso kerel bare gindia na bistrel o humoir em o dilinipoa e dživdipaskoro, Isi but tragedie ama em asajbe tato, khelibam em impulse ko čačipa em korkoroironia kote I punlika trubul te arakhel o percepcoie e romane kulturakere.

Ko performanski vakerela pe o garavdo darhinalipa. O protagonistoa ilustririnena sar sako drom piro romano identiteti ov sumirime kaj o “ Parno andral, si Rom tare dadeskiri rig”.

 

I anti romani hoš si fakti kotikne em zorlae scene taro performanso so si džanle ritmizirime . O kamipa maškar o Roma em o gadže nane lokhe, O finsko Romnja identifikujme primal o šeja em o sekjuriti sako drom kana khuven ko marketia dikhena len em nane ljubezno primal olende. Ki Europa si panda majbilačhe nego ki Findska em buteder manupa merena sako berš sar rezultati taro kerdo terori sar so si ki Utarali Makedonia.

 

O performansi si kerdo aso pendžarde romane falgoa em I decizia taro Ministeriumi andrune bukjenge ki Finska o 8 Aprili 2021 berp kaj o Internsacionalno Romano dive vazdel pe romano falgo . O performansi agorkerela e romane himnaja Džrlrm, Džrlrm so giljavcel I Esma Rdžepova romani giljavutni tari Utarali Makedonia. I himna si andi decizia te ovel ko fundiriba e mitingoske tari Internacionalno Romani Unia  IRU angleder 50 berpa ko 8 April 1971 kana o IRU angja decizia bašo upreanavkerde simbolia.

 

Učekvalitetno treatarsko performansi.

 

Trailer: https://youtu.be/Av12a0LxFxM

 

Kalo, majkalo Romano. Tatro kamlengoro Pori. Scenario thaj režia Elina Izara Olikainen, scena kostimoa Mirka Nirhinen, koreografia Heli Keskikalio, flamenco Marija Kause, dizajn toni thaj roš Johan Vartola, video Kale Kuisma. Šerutne rolje khelena: Jasmin Ahsanulah, Henrik Hamarberg, Kai Taner thaj Outi Vuoriranta.

O romane đuvlja na tromana te oven viktimia e neve “Javno soba”

Pire vaktavinaja dži ko sarinen iklile pobuter romane NGO sar reakcia taro akana sig editirime eksplicitnoi fotografie thaj video ko socialno netvorko.

Ki leste si akcentirime

Respektirime

But siem bibahtale agorutne aktencar taro seksualno teleperaviba e džuvlenge thaj terne romnja ko socialno netvorko.

Ko dive 21.08.2021 berš ko socialno netvorko Facebook editirime tari fan rig https://www.facebook.com/semmsuvada,kotew so sikavde si kompromitiračko fotografie  thaj video kote demoralizirena em teleperavena e personba .

Ki odoja Facebook rig ko 06.10.2021 berš sine editirime akahrin te kheden fotografie em video taro romane džuvlja thaj čhija resarinaja te sikaven pe sar so si vakerdo ”phravde sikavde o namoralno džuvlja”

Ko odola editiriba isi privat fotografie thaj video traro Romnja so si tari Republika Utarali Makedonia ama em taro aver threma a ko disave fotografie dikhen pee m olengere tikne čhave . Sa o sikavde editacia ki odoja FB rig kergja but negativno komentaria em natolerantno retoriksa bašo nesave individueem akharina taro linč so teleperavela pe o personalno identiteti e Romanjenge kaskere fotografie si sikavde.

Odoleske akaharen pes a o romane džuvlja so direktno si akceptirime em avera so dikhena akaja FB rig te notirinen akala aktia sar materijali bašo teleperavibve dži ko institucie jail asociacie Em akharen pe o institucie sar si si:

Ministeriumi andrune Ofiso kompjutersko  kriminali thaj digitalno forenzika - https://mvr.gov.mk/default

Osnovno javno obvinitelstvo– https://jorm.gov.mk/osnovno-javno-obvinitelstvo-skopje/

Agenciia ki protektiva personalno informacienge - https://dzlp.mk/...

I komisia ko čhinavipa em protektiva ki diskriminacia - https://aspi.mk/imateli/30456/...

Urgentno te reagirinen aso o reslo informacia em te eliminirinen akale nalačhe praktike so si len resarinake te peraven o digniteti e romane džuvljake!

Na troma te mukha palem te ovel akava sar so sien “Javna soba”

Sar sasoitnipa na troma te mukha te teleperavel pe o personalno identiteti em natolerantno retorika e džuvljakoro kaskiri jekhutni resarin te peravel pe o digniteto e romane džuvljake – tergjol ki reakcia.

RDICM sar provajderi ka implementirinel praktika bašo 8 pedagoško asistentia e siklenge ko fundavutne škole

Avgo dromeske sar aktivno merke bukjarnipaske i Agencia bukjarnipaslke ko Skopje ka  implementirinel praktika bašo profesia Pedagoško asistenti e siklenge ko fundavutne škole aso verifikujmi Programa praktikake taro provajderi e praktikane so ka ovel o Asociacia Romano biznis centro.

I praktika ka ovel trin masekoa . Ko vakti tari i praktika e kandidtatenge Pedagoško asistenti ka polođinel pe ispiti so ka ove praktikane thaj teoretaki . Palo trin masekoa praktika ola kana ka položinen ka resen sertifikato akale profesiake sar Pedagoško asistentnoi. I sasti praktika taro ofto kandidatia akana taro Skopje ka implementirinel o RBICM em ka ovel finansirimi taro AVRM.

Palo o agor tari praktika em resle sertifikatia avgo akti si ola te arakhel pe lenge buti ko nesave fundavutne škole ki teritoria tari diz Skopje.Ko dikhiba ko Govermento tari Utarali Makedonia taro premiereskoro kabineto o konsiliari romane pučibaske o Elvis Memeti thaj o prezidenti ko RBICM Zoran Dimov kergje diskusia akale temake thaj notirinen sine akaja praktika te implementirinel pe em ko aver komune ki sasti them.

 

FaLang translation system by Faboba

Mangava te vakerav

TV BTR NACIONAL

Momentalno Online

       Isi 446 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali