Socijala

Po jekh mandato e duj romane politikane partienge ko Bujanovac.

Po jekh mandato ko komunakoro parlamento ko Bujanovac resle o duj romane politikane partie. I Partia bašo Romano jekhipa (RSJ) reslja 671 vote, a i Unimi partia e Romengiri  (UPR)  reslja 390 vote . O mediumia vakeren kaj i Demokratikani partia (DP) taro Nagip Arifi resljav viktoria ko lokalno alusariba ko Bujanovac em khedingja pobuter taro 5000 vote em 10 mandatoa.  Ko dujto than si i Srpsko progresivni partia (SNS) 80 vote pohari tari avgo ama palem 10 mandatoa. I Partia bašo demokratsko aktiviteto

(PDD), reslja 3.700 vote em 8 mandatia, a o Demokratsko progress (PDP) 4 mandatia em paše  1.950 vote.

 

Link: https://rominfomedia.rs/?p=18070

Podmitujme Roma taro Vranje dengje piri vota javere kandidateske, em o votibe si navalidno

Baro skandali ulo ko vakti taro alusariba ko Vranje . Odothe ko kurko trujal o parlamentarno alusariba ikeregje pee m lokalno alusariba. Grupa Roma kote isi šubikerin kaj sine lenge dendo love taro SNS te den piri vota olengere kandidateske ko lokalno alusariba.

Numa ola kergje feleri em piri vota dengej bašo numero 4  ko listo so si bašo parlamentarno alusariba. Odothe sine o kandidati tari partia e Ungarcongiri.

I buti si so ko Vranje isi salde šov manuša so dena vota a si Ungarcia. Odova alo lenge sumlivo kana gejnen sine o vote em odoleske I legarutni partia dengja sar protokoli bašo anvalidno votiba so I komisia akceptiringja le.

O kurko so avela ko trin thana ko Vranje em o trujalipa ka ovel palem votiba.

Protestoa taro Roma ko Kjustendil , Bugaria.

Erati sar andi konsekvenca taro bugarsko legaripa ki romani mahala ko Kjustendil , Bugaria trujal o anglutne 14 divesa karantini dopherdo valjani te bešen panda 7 dive phanle ko karantini. Odova kergja bari holi em revolti maškar i Roma ko Kjustendil so akate si paše 15.000 Roma. Ola vakeren kaj akaja konsekvenca si diskriminatorsko em navalidno bizo efekti. Kerel pe lafi baši mahala kote dži akana si registririme salde 16 nasvale Roma taro COVID 19 so si identifikujme em si bizi fakti te šaj anen panda 7 divesa karantini ko odova than. Odoleske akala Roma akana si mukhle bizi disavo suporto em fundavutni egzistencia. Ola ko majbaro numero keren buti so si len sar diveseskoro profito em jekhutniforma te špaj parvaeren pe em egzistirinena. Ka ovel li fajda taro akala protestia ka sikavel o vakti.

E Romenge taro Belvil dendi si lovengiri kompenzacia taro diz Beograd, sebepi i dislokacia ko 2012 berš

Palo 5 berša lungo krisoskoro lavirinti  o duj Roma so sine zorea dislocirime taro pire khera ko Beograd, a palo odova sine akomodime ko jekh magacino ko Niš i apelacia ko Beograd angja decizia kaj trubul te pukjinel pe lenge po 2.6000 eura plus kamata.

E Europkaoro Centro romengere Niamenge (ERRC) sine sar jurisdikciakoro subjekto e duj dženege em panda jekhe romseske so ko maškar vakti mulo.

Ama o krisi na lelja sar faktori kaj o Roma dživdinen segregirime em odole kherenge nane len nisavo dokumento so si riziko kaj šaj palem te oven odothar da dislocirime.

  Trujal so si dendi akaja kompenzacia em kotorvale kompenzirinel pe olengoro niami, o krisisa majodoriga legaren i praktika te ignoririnen o buvlo diskriminiriba e Romen ki Srbia. Vakerel i Andrea Čolak, advokati ko ERRC so kerel sine buti ko akava akti.

 

 

Link: http://www.portal-udar.net/romima-iz-belvila-dosudjena-naknada-stete-protiv-grada-beograda-zbog-iseljenja-iz-2012-godine/

FaLang translation system by Faboba

Mangava te vakerav

Momentalno Online

       Isi 415 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali