Ko vakti e atakoske bare jagaja ki rakj maškar 19 maj ko romane tikne khera ko autodrom Argentuil . Niko nane ratvardo.

O dizutne sine iznenadime enm soven sine kana o molotovo koktelia so thargje o kampo kote thabile but khera. O Florin jekh taro roma ko kampio vakerel: “ Sovav sine ko dušeko avri. Pazinav sine. Ov dikhlja štar false benizinea sar avile taro atodrom. Akahargja savoren te ikljol avrial em akahargja mujal jagakiri ekipa.

I bari jag buvljola sine sigate. O aver rom anavea Imed vakerel kaj na  sine len vakti te ikaven em te len pani tari len Sena te šaj ačhaven I jhag. Jekh molotovo koktelo khuvgja ko generatori em kergja bari eksplozia. Thabile 70 kolibe. Ačhile efta jail ofto. I jag čhinavel pe sine 5 saatia. Enja persone sine čhivde ki sportsko hala.

Akava si štarto asavko incidenti. O avgo sine ki rakj maškar 1 thaj 2 maj. Sine panda jekh atako ki rakj maškar 4 em 5 maj. Numa o Roma ačahvgje I jag korkoro, Sare ikeren sine straža taro odova momento. Premal o Florin akana o Roma si legarde ko sigzurno than. Ov vakerel kaj sa olengere šeja thabile em nane e čhavente den so te han.

Šerutno problem si akana olengiri akomodacia soske o kampo saste si thardo. Sebepi I pandemia taro Covid 19 akana odova but phareste džala.

Link: https://ran.eu.com/brandanschlag-auf-roma-in-frankreich/?fbclid=IwAR1-1yorkuPsEehzoXbLhs70ZZQATpq1-Hwrkh53wEPygBsRxlmUOAGjY-E

Ko desave dizja ki nekanutni Socijaličko Federativno Republika Jugoslavia em avdive 40 berša palo meripa taro Josip Broz Tito , notirinel pe e Ternengoro dive , kote ki nekanutni them kerel pe sine sar biando dive e presidenteskoro Tito.

Trujal so oficialno si biame ko 4 Maj, o 25 Maj sine notirime oleskoro biando dive. Ko odova dive o pioneria, o terne, studentia em o preperutne taro askeria ki SFRJ lena sine than ko tradicionalno kergje sletia, so ikerel pe sine ko stadioni taro JNA.

Prekal I ceremonia , nekote maškar ki publika jali centro e manifestaciakoro ka ikljon sine nesave pendžarde sportistia, jali sikavde terne manuša so prastana sine ko stadioni ka ukljen sine ki tribina kote sine o Tito em leskiri romni I Jovanka em oleskere paše manuša, legaribaja ko vasta I Štafeta ternipaskiri.

I štafeta sako berš sine diferentno dizajnirimi, emo late sine čhivde o mesažoa taro terne taro SFRJ taro sa o teganutne republike dži ko president.

O Tito tikne protokolea lel sine I Štafeta vakeribaja kaj legaripaja e vastencar taro terne nakhavgja milja kilometria taro Triglav dži ki Gevgelia.