Manuša so čoren kašta ko kurko – 10 maj ko Radanski pat ko Štip kergje baro incidenti ko vakti kana e vešakiri poilicia manglja te ačhavel jekh tovarimi Lada kaštencar.

Prekal o informacie tari i policia vakeren kaj o čora na ačhile, nego našena sine. E vešakiri policia manglja te avel majpašwatw ama ola frden sine pali lende kaštencar.

I policia majanglal reslja duj e vordonencar ,a ama ko than resle pherdo aver da Roma em i policia rodingja dopherdo kontingenti policia. Resle panda 5 policiakere vordona, kote so palo odova o Roma akhargje panda javere Romen em odothe resle paše 150 džene.

Tegani uli bari gužva em haosi so bahtake na iklilo pobaro incidenti.

I policia kerel kompletizacia akale akteskeem mujal o Roma ka den kriseskoro akti.

E vešakiri policia vakerel kaj ka džal od akana ki sako avlin em ka dikhel o kašta so isi ko Roma te kerel identifikacia e kaštengiri.

Te sine nekaste namarkirime kašta i globa si 3.500 eura. E vešakiri policia del informacia dži ko diztune ma te kinen akala čorde kašta  em te stimulirinen e manušen so čorena kašta.

Link: https://www.youtube.com/watch?time_continue=7&v=O8gFNAb_u5I&feature=emb_logo

Jekh škola ki Hungaria beršencar kerel sine segregacia e Romane siklenge e aver naciencar , vakergja o majučo kriso ki them ki definitivno andi decizia ko dujtodi , em dengja 100 milionia forinti (310,000 amerikansko dolaria) sar kompenzacia e familienge taro akala čhave.

O premieri Viktor Orban so na pakjala em nane le jekh nivelo gind e Europakere Unijaja em oleskiri percepciono erozia , ko januari ov anglohavljargja kaj I them na treble te perel ko asavke ande decizie em te pukjinen e Romenge kompenzacua  numa trubul te pukjinel jekh forma praktika.

O akti “ Kuria” (o majučo krisi) konektiringja e fundavno škola ko Giongiošpata diz kote so ko nahlo peridi sine sinonimi taro etnikane tenzie.

„O majučo Kriso em oleskoro forumo akceptiringja I anglutne andi decizia so sine pukjiba kompenzacia ko učipa taro 100 milionia forintia” vakerel pe ki informacia tari Kuria. “ O čhave so si Romane sikle sine nakanonikane sgeregirime em na sine len standardno edukacia “

I andi decizia sine salde jekh “bibahtali andi decizia so kerel ko progresi e socialno tromalipaskesoske akalea kerel pe globa e saste dizjake e čačutne jali virtuelno aktia taro minjoritetoa” vakerel o Laslo Horvat, sepcialno deputato taro Orban ko faisalkeriba e romane pučibaske , vakergja bašo žurnalistikani agencia MTI ko video mesažo.

Link: https://uk.reuters.com/article/uk-hungary-roma-segregation-ruling/hungarian-top-court-confirms-roma-unlawfully-segregated-awards-damages-idUKKBN22O2F8?fbclid=IwAR2_emWurlUDR6neG5uuCh9Gq_UwHdLZTglpPORSkCrOWFRdcPPgFizjsPA