„Avdive desave ROMA čorgela mange tari avlin! Isi la kher, valajni sine ko 25-to te džal ki Germania. Trubul li te čoroel pe kaj ka resel pe?” si o FB statusi tari desavi Emilia Malite Palavkovci(sar so si olakoro FB profilo) kaj si čordo jekh džukel.

Akava posti si le šel hulavipa em buteder komentaria majbut diskriminatorsko em apel te arakhen pe “murša” so ka arakehn e “romen o čora”. Sosoke ko aver ka čorel ki akaja them numa salde o “Roma” nali? Ola čorena em džukela so valjani te ove legarde avrial tari i them.

Amalalen odola Roma (kote si nane ni dikhle kaj ola čorgje) em si targetirie kaj ola čorgje e džukele em te ovel čače agjaare kaj desave Roma čorgje džukele . olemde isi anav , a na bare bukvencar te hramosarel “O ROMA čorgjele” em odolea te notirinen pe kaj sa o Roma si ČORA!.

Kana ake bizo dokazia sikavel parmakoa kaj o Roma  si o čora ka ovel šukare te vakerel barem ko si odola Roma, dali si parne jali kale Roma, dali si muslimanoa, hristianoa, budistia, dali si homo jali hetero, dali si fania taro Vardar, Škupi, Juventus. Ko si o Roma so čorgje olakere džukele? Si li Kovačia. Džabmbaza, Barutčie. Kola Roma? Jali sa o Roma si čora?

Jali e Romenge si importantno sar jekh replika taro o filmi “Ivkova slava” kaj: “ Isi diferentno Ropma, a odova si kaj isi Roma, Roma em Roma”

Jali i replika taro o filmi “Ko to tamo peva” kana ko busi si čordo jekh novčaniko em den vika: “Soske ka kontrolirinen amende ko čorgja o novćaniko, džanel pe ko šaj čorela akate” sikavibaja ko duj Roma so sine ko busi em bizo te pučen ole sine marde taro sarinende!”

Fakti si kaj “kotor taro aktivistia e džanvarienge” so roden te arakhen pe “MURŠA” te aralhen e džukele em te ikeren jekh lekcia e “Romenge sar bibahtali sorta” si fania em radikalno fašistoa em  neonacistikani srpsko grupa “Levijatan” so si mujal imigrantia em mujal o Roma.

Te ove aktivisto em fašisto nadžala. Ane decizia so ka ove! P.S. Me sem Rom! Na sium perfektno, em ako desavo drom grešinav . dođšakeren mande a na miro etnikano identiteti! Autorsko teksti taro đurbalisto Dehran Muratov.

Link: https://civilmedia.mk/se-znae-deka-romite-se-tie-shto-kradat-pa-duri-i-kuchina/

8E Europakiri Komisa persi kurko vakergja kaj kerel aktivitetoa ko moldipa upreder taro 25 milionia eura e Paščimale Balkaneske so ka oven lende taro EU IPA fondora.

Akala love majanglal ka den suporto e teleperavde kategoria dizutnenge ko vakti tari pandemia e Kovidea konektirime em o Roma, džuvlja viktimia taro terori, čhave, phure manuša em persone so si len invaliditeto.

Akava si kerdo ki kolaboracia e Europakere Konsiloa, UN džuvlja, UNICEF, UNDP em o Lolo Krisi vakeren tari i Europakiri Komisia.

O PR tari EK Ana Pisonero - Hernandes vakerela bašo save proektia  kerel pe lafi.

- Sar antvorto mujal o COVID 19 si pučiba ko dejbe suporto e Romenge, agjaar so o sumarom love tari EU sar suporto  ko proektia rupingja saste 12,4 milionia eura - vakergja i Pisonero Hernandez.

Jekh taro proektoa si em o ROMACTED II,regionalno proekt finansirime taro IPA fondia a implementirime taro Konsilo Europakoro. Akava proekto ka implementirinel pe ko 75 komune tari Paščimalo Balkani em Turkia.

Link: https://romaworld.rs/iz-ek-kazu-124-miliona-evra-za-tri-projekta-za-rome/