Šutka NEWS

Šuto Orizari: E čhavenge taro Diveseskoro centro e čhavenge so si an o droma panda nane andi decizia

Palo persikurkeskiri bari jag kote o sasto objekti si zijankerdo, o čhave tari gradinka " 8 April" ko sig vakti alternativno si akomodime ki maškarutni škola "Šaip Jusuf" an o Šuto Orizari, a o čhave taro Diveseskoro centroi e čhavenge so si an o droma sar alternativa si akomodime ko NGO "IRIZ numa panda nane andi decizia kote ka oven thanjarde. Taro ministeriumi baši sociala vakerena kaj keren buti akale čipotake te arakhel pe faisali.

„O Ministeriumi baši sociala sine len dikhiba e legaripaskere timea taro Diveseskoro centari e čhavenge an o droma an o Šuto Orizari so sine astardo e bare jagaja, thaj si an i faza te arakhel pe faisali taro than so trubul akale Centroske e čhavenge so si an o droma an i teritoria e komunake Šuto Orizari vakergja i Žaklina Velkovska legarutni taro MTPS.

Read more ...

O Gege Demirovski nane buteder Presidento an o Konsilo e komunake Šuto Orizari, ko oleskoro than notitirme si i Fatima Osmanovska

Aso anglutne havljarina prekal o FB o Gege Demirovski vakergja kaj ka mukhel i funkcia Presidento an o Konsilo e Komunake Šuto Orizari. Ov aso FB notiringja desave aktia so oven an i komuna Š.Orizari thaj o than kaj i ambulanta ko Š.O. Ki avdisutni bešin e komunake trujal aver nukte an i agenda nukta e funkciake taro Gege Demirovski.

Ko than taro Gege Demirovski akana si i Fatima Osmanovska.

Aso olate oj notirinel o naažurno thaj na korespodentivno buti keriba aso oleskere ingerencie an i Komuna Šuto Orizari.

Read more ...

Mulo tikno bebe an o Šuto Orizari

Mulo tikno bebe an o Šuto Orizari trin dive palo o bijanipa. Sar so vakeren tari policia i daj erati notiringja kote nane lačhe olakere bebea, akhargja Urgentno medicinakiri arka numa o doktori konstatiringja - meripa.

O akti si notirime taro bukjarno doktori ki medicinsko arka.

Aso i daj Gj.S o bebe sine biame an i Ginekološko - akušerska klinika " Majka Tereza".

Palo dendo dekreti taro Javno obviniteli , o ofiso e bebe dengja an i obdukcia.

Read more ...

Bari jag an i Šuto Orizari:Dži ko fundamento thabilo sasto jekh kher a panda trin zijankerde - o komšie evakuiringje e tikne čhaven

Tari policia informirinena kaj ko 18 Novemvri paše ko 10 o časp thaj 50 minutia sine notirime kote an o Skopje ko drom Brsjačka Buna an i komuna Šuto orizari taro akanaske našendžarde faktoria iklili bari jag ko kher taro 48 beršengoro A.Đ. kote an o momento e bare jagake na sine khere, numa khere sine oleskere 5 tikne čhave so ko vakti sine evakuirime taro komšie.

An i vaktavin tari policia notirinen pe kaj trujal oleskoro kher so sine saste thardi , sine satarde panda trin khera ko ploipa taro 26 beršengoro Đ.H, thaj 35 beršengoro Gj.F e duj dženenge sine satarde salde o tavani thaj i konstrukcia, a taro 46 beršengoro N.L. ko kher sine zijankerdi i fasada thaj  e tavaneskiri konstrukcia.

U bari jag sine ačhavdi ko 11,45 o časo tari ekipa e Brigadake mujal jagakere ofisoske.

Read more ...
FaLang translation system by Faboba

I WANT TO SAY

Momentalno Online

       We have 124 visitors watching ROMATIMES.NEWS

Golden Wheel - Entry Application Form

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal