Šutka NEWS

Kaste isi majbare šanse te ovel avutno dizjakoro šerutno an i komuna Šuto Orizari

I politikani kriza an i Makedonia panda si bizo agor. O planirime aktivitetia thaj lokalno alusariba akana si nesar an i "učharin" sebepi so panda nane formirio Govermento thaj Parlamento thaj alusar Presidento an o parlamento. Odoleske panda na džanel pe kana šaj te oven o lokalno alusariba.

Numa o partie na bešen tromale. O romano politikano bloko thaj i pozicia dizjakoro šerutno an i jekhutni romani komuna Šuto Orizari . I pozicia thaj i fotelja si interesno sakoneske, numa salde jekh šak legarel i viktoria. Startujngje o kalkulacie thaj e elektoratea. Ki sako forma startujngje agjaar vakerindo "kamljariba" e elektorateske, a akana majaktuelno si - khediba humanitarno akcie e socialno teleperavdi kategoria manuša, o majčorole an i komuna. Bukvalno savore "marena pe" ki savi forma te ovel majpaše e narodoa. 

Read more ...

Pali bari jag an i Čhavorikani gradinka 8-to April an o Šuto Orizari, thaj o čhave taro Diveseskoro Centro e čhavenge an o droma pučena: Em akana sikavnie, kote amen ka sikljova?

E Diveseskoro Centari e čhavenge an o droma thabilo saste thaj sa so sine oleste ando sa si našavde, o čhave so si akomodime thaj chidime taro droma, akana si palem an o droma. A kobor si phare te rese i pativ oleste, te sikave le ko fundavno higiensko tertipia, te konektirine le ko edukaciakoro procesi, te urave le, te parvarele, te legare opservacia oleskere sastipaskere situaciake, te sikave le kaj isi majbut numa o dživdipa po droma... soske nane ko aver te kerel odova !!!

Dukhala but kana dikhea kobor kamel thaj kobor si importantno odova so dikhena le ko Diveseskoro Centaru kaj odova si oleskoro kher thaj akana pučela " e akana sikavnie, kote amen ka sikljova?"

Read more ...

O manuš anglal sa - Humanitarno aktiviteto bašo suporto e Diveseskere centroske e čhavenge an o droma - Šuto Orizari

O ofiso taro " O manuš anglal sa" kerel organiziriba thaj akharela ko jekh humanitarno aktiviteto so ka ikerel pe an o 21 marti 2017 berš (dujtodi) , an o Koncept 37 , e Diveseskere centroske e čhavenge an o droma - Šuto Orizari , so thabilo saste an o 1 marto akava berš.

Ko akava aktiviteto ka ovel tromali aukcia taro fotografie taro pendžarutne makedonikane fotografia, so šaj te kinen pe a odolea direktno ka keren donacia thaj ka ovel čhivde bokso e donacienge thaj ko jekh ka donirinen sako kinde pijbaske.

Read more ...

Šuto Orizari: E čhavenge taro Diveseskoro centro e čhavenge so si an o droma panda nane andi decizia

Palo persikurkeskiri bari jag kote o sasto objekti si zijankerdo, o čhave tari gradinka " 8 April" ko sig vakti alternativno si akomodime ki maškarutni škola "Šaip Jusuf" an o Šuto Orizari, a o čhave taro Diveseskoro centroi e čhavenge so si an o droma sar alternativa si akomodime ko NGO "IRIZ numa panda nane andi decizia kote ka oven thanjarde. Taro ministeriumi baši sociala vakerena kaj keren buti akale čipotake te arakhel pe faisali.

„O Ministeriumi baši sociala sine len dikhiba e legaripaskere timea taro Diveseskoro centari e čhavenge an o droma an o Šuto Orizari so sine astardo e bare jagaja, thaj si an i faza te arakhel pe faisali taro than so trubul akale Centroske e čhavenge so si an o droma an i teritoria e komunake Šuto Orizari vakergja i Žaklina Velkovska legarutni taro MTPS.

Read more ...
FaLang translation system by Faboba

I WANT TO SAY

Momentalno Online

       We have 60 visitors watching ROMATIMES.NEWS

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal