Lungo vakti o dizutne tari Šutka si mukhle korkori peste te araken forme e dizjakere buseskoro tranbsporto. Sar faktori si o "rekonstrukcie" e dromenge so nakhen tari Šutka. 

Agjaar sasto nilaj thaj akana da si mukhle o phurem čhave, dovogende romnja, nasvale thaj avera te džan peški nekobor kilometria ko ple khera. 

Aso i dži akanutnu praktika o busia so nakhena ki Šutka (JSP -19) thaj o privatno busia 19 thaj 20 mukhen e manušen kaj o phanlipa Šutka ko than te legaren len dži ki agorutno stasioni ko khujbe e limorienge tari Šutkakiri rig ko Butel. 

Odoela nasvale thaj pherde gonencar te džan po 2 km jali te den po 50 denaria taksake te legaren len dži ko centar e Šutkake.

Sar avena majpaše o lokalno alusariba an i R.Makedonia, agjaar bajron o apetitia e funkciake - Dizjakoro šerutno an o komune. Sar aktuelno top -tema si i funkcia an i jekhutni romani komuna Šuto Orizari.

Aso dži akanutni konverzacia maškar o roma an i akaja komuna sar anava so si liferujme sar buteder anava sar kandidatia.

Saste si pendžarutne kaj o SRM ka notirinel pire kandidate kote o džiakanutno dizjakoro šerutno e komunake Elvis Bajram . Aso desave špekulacie liparel pe o anav da taro aktuelno deputato an o parlamento thaj lideri e partiake SRM - Amdi Bajram.

Ko jekh o dži akanutno koaliciono partnero an o VMRO - DPMNE i partia ROM kamel te promovirinel e Jaše Sefer. Taro OPER sa buteder liparel pe o anav taro eks dizjakoro šerutno thaj ministeri Neždet Mustafa.