На 69 години вчера во Скопје почина Данчо Чевревски. македонскиот театарски и филмски актер и продуцент.
Чевревски е роден на 17 мај 1951 година во Скопје. Дипломирал на Факултетот за драмски уметности во Скопје на отсекот за драмски актери. а специјализирал на УКЛА во Лос Анџелес.
Тој е еден е од основачите на приватното претпријатие за производство на филмови ТИРАНГЛ, а работеше и како професор на ФДУ во Скопје и беше декан на Факултетот.
Глумеше во повеќе југословенски и македонски филмови, меѓу кои „Најдолгиот пат“, „Црвениот коњ“, „Хај-фај“, „Трст виа Скопје“, „Тетовирање“, „Џипски меџик“, „Панкот не е мртов“, „Ова не е американски филм“, „Деца на сонцето“…
Добитник е на повеќе награди во текот на неговата плодна кариера, а минатата година на 14. издание на Интернационалниот филмски фестивал „Астерфест“, му беше доделена наградата „Астер“ за исклучителни достигнувања на филмот. Инаку исто така Данчо Чевревски беше близок соработник и неколку изданија и директор на едниствениот Ромски Филмски фестивал „Златно Тркало„ кој секоја година го организира ТВ БТР –Национал и подоцна СП БТР. Тој даде голем придонес за афирмирање на овој филмски фестивал, и со својот огромен ангажман даде голем квалитет на фестивалските содржини и програми. Затоа СП БТР ја изразува својата почит и сочувство до семејството Чевревски.