Култура

I Romani chaj Gilda Sezek nevo Mis an i Slovenia

MISS Romani čhaj - Internacionalno Romani majšuži romani čhaj.

I Redžepovič Ivana tari Srbia MISS Romani čhaj 2015 berš

Ko fantastično ambienti taro nilaeskoro garteni an o Hotelo Kontinental an o Skopje, akava berš anglal pherdo misafiria sine organizirimo o 23-to tradicionalno alusar Majšuži Internacionalno Romani čhaj 2015 berš.

Akava da berš i konkurencia maškar 12 Romane čhaja taro 8 thema sine zorali. Sa o kandidatke prodefiliringje ko 4 rote sar so sine ki tradicionalno romani garderoba, palo odova ko bikini thaj nilaskere fustania, thaj rakjakere toaletia, phari savala sine e žiri so sine kerdo taro modno kreatoria, thaj taro pendžarutne biznismenia alusargje e majšuže romane čhijen.

Majanglal sine kerdo khelibnaskoro - dens performansi kote jekh pali jekh ki barabutni koreografia sine sikavibe ki avgo rota.

Pali 4 rota o žiri angja akaja decizia kote sar Majšuži Romani Internacionalno čhaj akale beršeske i diadema legargja i 20 beršengiri Redžepovič Ivana tari diz Niš - Republika Srbia. Sar dujto thaj lelja i romani čhaj tari Bugarija i 17 beršengiri Magi Georgieva. O trinto thaj astargja i čhaj tari Republika Bugarija i Sara Božidarova Trajanova. O Organizatori akale beršeske MIS majšuži Internacionalno čhaj 2015 berš o rajo Zoran Dimov, thaj o žiri dengje panda trin phursakoja a odola sine Mis majfotogenično i Viktorija [abanova tari Makedonia, Mis majšaramtno i Brikena Kosturi tari Albania thaj Miss Romani Dekada tari Republika Albania i 18 beršengiri Laura Maljo.

O spektaklo te ovel majbarvalo ko jekh kergje o muzikaoro pefomansi thaj o misafiria, i romani thagarutni e giljake i Esma Redžepova Teodosievska, o Feruz Mustafov, thaj o romane giljavutne čerenja o Ramadan Bislim - Ramko thaj o terno Bernarti.

Sumnakaeskiri rota 2015

Akava berš o dokumentarco "Phago traiba" legargja o lauerati ki "Somnakaeskiri Rota" 2015 berš

Akava berš o romano filmeskoro festivalo "Somnakaeskiri rota 2015" so ikergja pe an i Kinoteka Makedonia an o Skopje sine prezentirime pobut dokumentarno filmia taro internacionalno karakteri thaj produkcia.

O phursako Grand Prix akale beršeske gelo ko dokumentarno filmi tari Holandia "Phago traiba" an i re`ia thaj scenario taro Orhan Galjuš.

Ki kategoria majšukar dokumentarno filmi i plaketa Somnakaeskiri Rota 2015 berš prepeli bašo filmi anavea "Kher si kher" tari Slovakia. Majšukar re`ia d`ala e dokumentarno filmeske tari Romania "Paramis maškar duj gava".

Majšukar scenario prekal o žiri taro festivalo havljardo si e filmeske "Pletimo maripa" tari Slovenia.

O phursako Dekada e Romengiri dendo si e dokumentarno filmeske tari Bugaria "An i misia", dži kote majšukar muzika sine e filme "Odoleske so isi pakjiv" tari češko republika.

An i kategoria - jekh minutengoro video phursakerde si sar avgo anavea "Cigara?, Ov sasto namangav!" taro Dejan Sejfula, dujto than e videoske "Ekološko bon toni" taro Nikita Sulejman thaj trinto video si taro Sebo Bajram anavea "I zebra si akate"

Ko phanlipa e festivaleske trujal o filmia so legargje viktoria, promotivno sine sikavdo o dokumentarno filmi tari Produkcia BTR anavea "O mujaljagakoro manuš Muci", filmi kerdo premal jekhutno Rom tari Šuto Orizari so si profesionalno mujaljagakoro manuš so ko pherdo akcie kurtalingja buteder manušikane dživdipa thaj khera.

Ko si o najpendžarde Roma?

E romenge vakerel pe kaj si majbut, naafirmativno narodo, so mangen devlenge, čorele, čora, muzikantia thaj aver. Numa o gadže but hari kaj isi pendžarde Roma so si artistoja, naučnikoja, prezidentia themake thaj aver.

Ake olendar so šaj nadžangjen ko si pendžarutne Roma.

Повеќе...