Габриел Ѓорѓевиќ (14) ромско момче по потекло од Србија според порталот bondyblog.fr
во ноќта помеѓу 25 и 26 мај оваа година беше приведен во полициска станица во париското преградие Бонди. Семејството го пронајде во локалната болница со повреди на главата и лицето. Докторите во болницата сеуште се борат за да му го спасат видот на малиот Габриел. Исто така скршени му се и три заба.
Семејството според лекарскиот извештај подготвува тужба против полицијата на ИГПН.
Семејството вели дека критичната ноќ Габриел кој потенцираат не е проблематично дете, до 23 часот не се појавил дома, имајка му помислила дека е со неговиот постар брат заедно излезен на договорена вечера. Околу 23 часот кога постариот брат Шериф се вратил дома забележал дека креветот на Габриел е празен.
Загрижен излегол да го бара низ градот, затоа што Габриел сам не се одалечувал никаде доцна во ноќта.
Ноќта од полициската станица во Бонди се јавија на семејството дека Габриел е притворен за наводна кражба на скутер. Кога мајка му се јавила изутрина во 8 и 9 часот никој не одговараше од полициската станица на нејзиното телефонирање.
Подоцна се јавија од болница дека Габриел е хоспитализиран од полициската станица во нивната болница.
Бил примен со трауматски повреди на лицето и главата, повраќал, три скршени заби и скршеница на левата максиларна коска.
Во својот исказ тој навел дека околу 01:00 часот по полноќ неговиот пријател се обидел да украде скутер, и дека ја забележале полицијата и почнале да бегаат во две спротивни насоки. Полицијата го стигнала и пред да го приведат, прво го бутнале доле, почнале да го удираат по лицето и го тепале, а потоа му ги ставиле лисиците и го привеле.
Во меѓувреме во Бонди се одржа мирен протест од околу 100 луѓе, во врска со случајот и околностите кој им претходеа и да се каже вистината на овој случај.
