На 13 август оваа година во Скопје беше одражан состанок помеѓу Мрежата за трајни и системски решенија, преставена преку ХЗР „Месечина и Министерот за внатрешни работи, Д-р Агим Нухиу
Главна тема на состанокот беше Законот за неевидентирани лица во матичната книга на родени , како и подтема Правилник за формата, содржината и начинот на издавање на Идентификациона исправа за фомата и содржината на Барањето за издавање идентификациона исправа на лице запишано во посебната матична книга на родени (Службен везник на РСМ, бр. 158 од 15.06.2020)
Еден од заклучоците од овој состанок беше утврдено дека МВР, ќе го стави на располагање својот човеков и материјален капацитет во секој град и на секое место каде ќе се укаже потреба од помош и законска обврска на МВР во работа со лицата неевидентирани во матичната книга на родени.
Согласно членот 10 точка 6 од Законот за неевидентирани лица во матичната книга на родени, Министерството за внатрешни работи, членовите 2 точка 2 и членот 5 од Правилник за формата, содржината и начинот на издавање на Идентификациона исправа за фомата и содржината на Барањето за издавање идентификациона исправа на лице запишано во посебната матична книга на роден, МВР ги има на располагање, испечатено:
Барањата за издавање идентификациона исправа на лице запишано во посебната матична книга на родени и
Идентификациона исправа
Со сето погоре наведено ние им стоиме на располагање на најмалку 750 лица кои не се евидентирани во матичната книга на родени. Токму затоа ние заедно ги повикуваме лицата кои имаат проблем со пријавувањето на раѓањето да го искористат правото кој им го нуди Законот за неевидентирани лица во матичната книга на родени.
