Во пресрет на престојниот Попис на население, домаќинства кој треба да се одржи од 1 до 21 Април оваа година ДСЗ го објави конкурост за Реонски инструктори и попишувачи. При изборот на кандидатите кои се пријавиле за реонски инструктори ќе се има предвид етничката структура на населението во соодветниот пописен реон.
Кандидатите кои ќе се пријават на овој конкурс треба да ги исполнуваат следните услови:
а) Општи услови
- да се државјани на Република Северна Македонија,
- да се полнолетни,
- да имаат завршено најмалку средно образование и
- да немаат засновано работен однос.
б) Дополнителни услови
- познавање на работа со персонален компјутер и
- познавање на соодветниот јазик на заедницата според табеларниот преглед .
Електронската апликација за пријавување можете да ја најдете на: https://www.stat.gov.mk/popis/PrijavaPopis2021.aspx (пријава на македонски
јазик) и https://www.stat.gov.mk/popis/PrijavaPopis2021_al.aspx (пријава на
албански јазик), во периодот од 23.02.-28.02.2021 година.
Заинтересираните кандидати кои ќе достават електронска пријава, потребните документи ги доставуваат исклучиво во хартиена форма по пошта до Државниот завод за статистика, ул. Даме Груев бр.4 во Скопје, п.фах 506, најдоцна 01.03.2021 година или на денот на закажаното тестирање во просториите каде што ќе се спроведе тестирањето.
Документите пак во хартиена форма кој се доставуваат преку пошта или лично треба да ги има и следните документи.
а) Доказ за државјанство – фотокопија од: лична карта или уверение за државјанство или важечка патна исправа
б) Доказ дека има завршено најмалку средно образование - фотокопија од: свидетелство или уверение или диплома за завршено образование
в) Писмена изјава дека нема засновано работен однос
г) Писмена изјава дека има познавање од работа со персонален компјутер
Ангажирањето на избраните кандидати ќе биде по основ на Договор за дело. Кандидатите со некомплетни документи нема да бидат земени предвид при разгледувањето.