Социјала

Ромите во Северна Македонија тешко си ги плаќаат сметки

Процентот на Роми на кои за време на пандемијата со ковид-19 им се намалиле платите и другите приходи во Северна Македонија изнесува 59, за разлика од регионалниот просек кој е околу 50 отсто. Зголемување на приходите, пак, имало кај само еден отсто

На секој втор Ром на Западен Балкан во текот на пандемијата со ковид-19 му се намалиле приходите, а мнозинството (64 отсто) се плашат и дека ќе ги загубат работните места во наредните 12 месеци.

На секое второ дете од ромска припадност, пак, онлајн-наставата му е потешка во споредба со наставата со физичко присуството, а дури три од четири деца Роми не добиле помош за време на онлајн-предавањата, како од нивните наставници така и од соучениците.

Ова се дел од резултатите на истражувањето презентирано денеска на регионалната конференција за социоекономското влијание на ковид-19 врз Ромите од Западен Балкан, во организација на Проектот за интеграција при Ромите на Советот за регионална соработка (СРС).

Токму образованието и вработувањето се двете области каде пандемијата најмногу ја погодила оваа популација.

Link: https://360stepeni.mk/romite-vo-s-makedonija-najteshko-plakaat-smetki-od-site-romi-vo-regionot/

Словачка: Луник IX - Последното европско гето

Луник iX, градскиот округ во западниот дел од градот Кошице настанал во 1979 година откако бил разурнат тогашниот дел од градот во кој живееле Роми, а од тогаш бројот на жителите три пати се зголемил.

Тоа тажно предградие денес се нарекува „последното европско гето“ или „срамот на нацијата“. Очевидци пишуваат дека меѓу трошните згради лебди комбинација од мириси на свежо испрана облека и смрдеа од канализацијата. Постелнината тажно виси од балконите на зградите кои од 1970-тите години не се обновувани.

Од дотраените згради, без вода во чешмите, висат кабли со кој станарите нелегално се спојуваат на електричната енергија на уличното осветлување.

Луник, првично населен покрај депонија, денес се смета за една од најголемите заедници на Ромите во Словачка.

Здравствените стандарди во населбата се на најниско можно ниво, а болестите како хепатит, дијареја, шуга и менингитис се чести, додека невработеноста достигнала стапка од над 90 отсто.

Youtube

Сторија од Ниш која крши срце: Малата Зејна (10) секој ден ја татко и ја седнува на школската клупа

Малата Зејна Асановиќ е ученик од четврто одделение во ОУ „Радоје Домановиќ„ во Ниш. Таа од своите врсници се разликува по тоа што боледува од атрофија на долните екстремитети. Зејна не е во состојба да се движи а до пред две години немаше ниту инвалидска количка. Нејзиниот храбар татко на раце ја носеше малата Зејна на училиште. Ќе ја донесеше, ќе ја оставеше на клупата, а потоа ќе дојдеше и ќе ја земеше.

Никогаш не можеше да игра со своите другарчиња, да ооди на ужинка. По школското звоно, кога децата радосно се растрчуваа низ школскиот двор, Зејна и понатаму седеше сама.

Кога беше препознаен проблемот, таа добила лична асистентка , за којја вели дека и е сега најдобрата пријателка.

Одтогаш Зејна веќе излегува на голем одмор, и се навикна на количката која и беше донација од Федерацијата на ромските основци , средношколци и студенти - ФРОС.

Link: https://www.espreso.co.rs/vesti/drustvo/649305/mala-senja

Ниш, Србија: Никогаш повеќе ромски советници, но ромските проблеми сè уште нерешени

Голем број членови на оваа заедница претежно живеат во ромски населби, од кои пет во Ниш: Белград махала, Сточни трг, Јеврејско гробље, Црвена звезда, Булевар 12. февруари.

Ромската заедница во Ниш се соочува со многу проблеми:

-вработеност (околу 90% од ромското население е невработено),

-домување (ниту една ромска населба нема детален регулациски план),

- образование (сегрегирани основни училишта, предучилишно образование на деца Роми, статистиката покажа дека од вкупниот број деца во предучилишните установи, Ромите сочинуваат само пет до седум проценти),

- Социјални проблеми,

-здравствена грижа…

Се поставува прашањето - што прават советниците од ромската заедница кои се во градските и општинските парламенти за решавање на овие проблеми? Преку интервју со некои од нив можеме да заклучиме дека всушност тие не прават речиси ништо, бидејќи како што велат дел од нив се на листите на владејачката партија по своја заслуга, а не како припадници на ромската заедница. Има ли можеби одговор на прашањето зошто ништо не се менува во однос на решавањето на проблемите на ромската заедница? Зошто само невладиниот сектор го иницира донесувањето на ЛАП, изработката на детални регулациски планови во ромските населби, како и многу други важни прашања. Затоа, поголем број претставници на ромската заедница во локалните парламенти никогаш не донеле промени или подобрувања во оваа заедница.

Link: https://romaworld.rs/nikad-vise-romskih-odbornika-ali-problemi-roma-se-i-dalje-ne-resavaju/