Социјала

Реакција на Иницијатива на жени од Шуто Оризари: „Дали породувањето во нашата Држава - Ромките го плаќаат со живот?!?“

Здружението Иницијатива за правата на жените од Шуто Оризари ја истакнува својата загриженост во врска со последниот случај за кој беше запознаена јавноста, каде почина 26 годишна родилка. Во период од пет месеци во ова родилиште може да се забележи веќе втор случај на почината родилка за време на породување.

Министерство за здравство во самото соопштение наведува дека констатирале со увид во извештаите во електронската база Мој термин дека станува збор за недоволно контролирана бременост, со само една претходно контрола во 30-та недела од бременоста, кога првпат е утврдено присуство на висок притисок.

Ваквите наводи во соопштението од Министерството за здравство се целосно спротивни на нашите информации. Имено, според нашите информации таа редовно ја контролирала бременоста кај матичен гинеколог и тоа не само со еден преглед, туку со седум прегледи од 30-тата гестациска недела до моментот на породувањето..

Ваквите случаеви и контрадикторните информации оставаат простор за сомнежи за третманот, приемот и породувањето во СБГА Чаир.

Ги повикуваме Министерството за здравство, Државниот здравствен и санитарен инспекторат и надлежните институции да спроведат детална истрага за случајот со починатата родилка во СБГА Чаир.

Исто така, го повикуваме Министерството за здравство да спроведе едукации заедно со патронажните служби за важноста на антенаталните прегледи во репродуктивен период.

Воедно ги повикуваме и жените Ромки редовно да ја контролираат својата бременост, односно редовно да посетуваат матичен гинеколог и редовно да ги извршуваат гинеколошките прегледи.

Здружението Иницијатива за правата на жените од Шуто Оризари изразува длабоко сочуство до семејството и најблиските на починатата родилка.

Здружение на правници Роми: Пресудата на Кривичниот суд е со докази за полициската бруталност

Полицијата како дел од Министерството за внатрешни работи и полицаецот како униформирано службено лице врши работи согласно закон и предходно утврдени законски дејствија“, се вели во реакциата.

Здружение на правници Роми остро реагира и ги осудува барањата на Полицискиот синдикат од Битола за поништување на пресудата од Кривичниот суд во Скопје според која нивниот колега Г. П. од Битола е осуден на една година затвор.

„Донесената пресуда на Кривичниот суд во Скопје е врз основа на обезбедени докази во текот на постапка која што траеше една година. Здружение на правници Роми потсетува дека работа и законска обврска на полицијата е да обезбеди заштита на животот на граѓаните, укажување на помош и почитување на основните слободи и права, а не вршење на кривични дела, прекшоци и полициска бруталност. Полицијата како дел од Министерството за внатрешни работи и полицаецот како униформирано службено лице врши работи согласно закон и предходно утврдени законски дејствија“, се вели во реакциата.

Исто така, ЗПР го осудува говорот на омраза и етничкото профилирање од страна некои портали во кои експлицитно се наведува етничката припадност на жртвата Н.Јашаровски.

„Етничкото профилирање во медиумите не е исто што и следење и информирање за настаните затоа што ја вклучува намерата за донесување на одлуки врз основа на етничката припадност. ЗПР јавно повикува на објективно информирање согласно Етичкиот кодекс на новинари без поттикнување на говор на омраза, дискриминација и меѓуетнички тензии“, се вели во сооптението.

Со својата вистина се огласи и Габриел Бајрам

Статсус, РЕАКЦИЈА на Габриел Бајрам:

 

„Почитувани граѓани, Република Северна Македонија е демократска држава која дава можност за слободно изразување на мислата, ставот и јавното говорење во секоја област.

Особено се радувам на македонското новинарство што има можност да истражува и пренесе новини кои го опкружуваат нашето македонско општество, што до пред некое време, слободата на јавното говорење, истржувачкото новинарство како и изразувањето на лични ставови беше анатема и контролирано се со цел да се заштити нечиј личен интерес.

Сакам јавно да упатам честитки до дел од новинарите кои во текот на изминатите денови се однесуваа повеќе како инспектори а помалку како репортери кои имаат задача да известуваат објективно, чесно и непристрасно, согласно Кодексот на новинарите – член 10.

Од аспект на бизнисмен, разбирам дека fake новостите секогаш се поисплатливи и повеќе продадени од вистинската вест, но во ниту еден случај не можам да разберам зошто се користи семејството Бајрам за кревање на репутација на одреден интернет портал, кој според неговата уредувачка политика, може да се заклучи дека шири ксенофобија и етничка ом раза, ако се земе предвид дека информациите поврзани со ромската заедница секогаш ги пренесува со голема доза на стереотипи и предрасуди.

Патем, ова што го говорам не е само алиби, туку и реалност кога уредникот на порталот, за време на локалните избори во Кочани, упатува директни закани и провокации кон Ромите на 30.10.2021 година.

Како и да е… не би сакал да обврнам внимание на личност, која сака со моето име и презиме да крева репутација. Но секако, честитки за неговата храброст и го поканувам да го истражува целиот случај до крај.

Сега, почитувани граѓани, дозволете ми ја образложам за настанот. Градски Трговски центар издава деловни објекти на правни и физички лица. Нашата семејна компанија, која се бави со сервисирање, увоз и извоз на компјутерска опрема, изнајми магацински простор каде се чуваат компјутерски делови неопходни за нашата ра

Најодговорно тврдам и воедно демантирам дека во тие магацински простории се “копаат криптовалути“. Нашата компанија е лиценциран правен субјект во земјата која работи со увоз и извоз на репроматеријали за сервисирање и одржување на компјутерска опрема.

Тоа може да се провери и во списите на Централниот регистар на Република Северна Македонија. Неосновани се лагите дека, јас и моето семејство, нелегално користиме струја од ГТЦ.

Нашата фирма, како и сите останати деловни субјекти во ГТЦ, секој месец, редовно плаќа одржување и струја согласно нашите договори за изнајмување на деловен простор. Не ја разбирам медиумската хајка на новинарите против нашето семејство Бајрам и воопшто против ромското политичко движење.

Имено, кога во мојот двор, за време на локалните избори, беше фрлена бомба, никој од медиумите не се појави на мојата прес конференција пред партискиот штаб, освен ТВ21. Се прашувам зошто?!

Зарем таа вест не била доволно добра за да се продаде и заработи во медиумскиот простор? Или пак можеби, приватниот живот на семејството Бајрам е повеќе интересно за читање отколку добрината и хуманитарната работа која ја прават?!

Министерството за внатрешни работи доследно и целосно ја провери информацијата и утврди дека не се работи за никакво нелегално односно кp ивично дело.

Сепак, семејството Бајрам како и секогаш, знае да биде трпелив и мудар во било какви и да се монтирани настани или нарачани хајки против нас. Но тоа што особено ме тангира е нешто многу поголемо.

Нешто што не може и не верувам дека ќе се среди до недогледно време. Тоа е тенденциозното информирање на медиумите кон Ромите. Со тенденциозното информирање за овој настан, за жал се создаде антициганизам кон Ромите и се нарушуваат добрите меѓуетнички односи.

Ме загрижуваат коментарите по социјалните мрежи кои се повеќе и повеќе личат на лични препукувања по етничка основа. Аналогно на ова, се прашувам дали во рамките на уредувачката политика на медиумите, ќе се даде приоритет на приватниот живот на семејството Бајрам или на некој културен настан од ромската заедница или пак на некоја истражувачка сторија со која ќе се помогне да се реши одреден проблем на ромската заедница?

Затоа, ќе ги замолам сите медиуми а воедно и ги мотивирам да продолжат со истражувачкото новинарство, но исто така ќе ги замолам и уште една работа: Истражувајте и копајте да најдете вистинска вест, без тенденција да политизирате настан или да деградирате цело семејство.

Кадифената револуција во Чехословачка од 1989 година: 800.000 луѓе во Прага извикуваа „Да живеат Ромите„

На 17 ноември 1989 година, тоталитарниот режим на Чехословачката почна да се урива. Како Ромите беа вклучени во она што ќе се нарече Кадифена револуција? Дали знаевте дека на 25 ноември 1989 година, 800.000 луѓе извикуваа „Да живеат Ромите“ на рамнината Летна во Прага?

Најголемиот дел од овој напис за прв пат беше објавен од Romea.cz на чешки во 2014 година. Таа беше ажурирана оваа година за да вклучи информации од книгата на Емил Шчука Јас сум ромски барон

„Во Чешка имаме 20.000 членови во 200 локални организации, во Словачка имаме околу 30.000 членови во 180 организации. Правиме се од себе да им ја објасниме суштината на економските реформи на нашите членови. Не сите ги разбираат, тие велат дека работите биле подобри во времето на комунистите, дека имало пари и не морало ништо да правиме, сега сме во време на транзиција, тоа нема да се случи без проблеми, но реформата има распоред навреме и ако ќе успее, на крајот на сите ќе им биде подобро. Одржав состанок со претседателите на сите окружни организации и денес можам да кажам дека 90% од нив се за десничарска насока. Ние ја отфрламе левицата, која предизвика оваа земја да да бидат уништени економски и морално“.

 

Link: http://www.romea.cz/en/features-and-commentary/reportage/czechoslovakia-apos-s-1989-velvet-revolution-800-000-people-in-prague-chanted-long-live-the-roma

FaLang translation system by Faboba

Сакам да речам

TV BTR NACIONAL

Momentalno Online

Имаме присутни 355 посетители кои го читаат ROMATIMES.NEWS

o Vakti

 booked.net

Најпопуларни

Golden Wheel - Entry Application Form

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот