Politika

Nacionalna Partia e Romengiri – NPR– nevo politikano subjekti ko makedonikano politikakoro stejdži

Angleder nekobor divesa ko socialno netvorko FB taro personalno profilo o Gege Demirovski editiringja fotografia kote so dikehela pe lil kaj si dendo dži ko Civilno Fundavno Kriso ko Skopje dendo si rodaripe te evidentirinel pe partia anavea Nacionalno Partia e Romengiri.

Odova sikavela kaj i Nacionalno Partia e Romengiri si nevo politikakoro subjekto ko makedonikano politikakoro stejdži . Kana ka agorkerel odoja registracia majpakjavutne kaj o NPR ko avutne alusariba so si preliminarno notirime ko 12 Aprilo ka lel oj da than.

Premal o Gege Demirovski o NPR si nevi Partia so ka rošarel tumaro avutnipa. Dali o NPR čače ka ovel nevo romano politikano faktori ka sikavel o vakti.

Ko jekh em maškar o simpatizeria taro NPR isi baro optimizmi kaj akaja partia ka anel jekh nevo politikano drumo.

Premal o pae informacie taro NPR olakoro presidenti si o Gege Demirovski, a ko presidiumo si konektirime šukare pendžarde em profilirime anava . Maškar olende si akanaske o Aguš Demirovski, Dilsen Alijevski, Ismail Rasim , Šerafedin Sefer.

 Ko sig vakti udžarel pe oficijaliziriba akale neve politikane subjektoske em ko sig vakti šđaj te havel pe em ko makedonikane mediumia. Trujal so o šerutno ofiso ka ovel ko Skopje, planirinen te keren em pire regionalno ofisoa ko Veles, Kumanovo, Bitola thaj Prilep.

Te ovel šukaripaske em pozitivno momentenge.

Sar o dizutne tari Rijeka sikavgje sar te keren o hrvatsko političaria

Taro 1 Februari 2020 berš garvasialipa sine te ovel pe dizutno e Rijekake . Na salde soske akaja hrvatsko diz uli Europakiri šerutni diz tari kultura , numa sebepi o ruj e dizjakoro so deceniencar buntovno karakterea., maripa bašo jekhipa „ solidariteto“ so telokerel o diferencie em antifašistikano karakteri.

A sar šaj aver čhane tari diz so ko momenti na paririnel e themaja kote si, thaj oleskere trujalipaske . I diz kote majodoriga barabutne dživdinena Hrvatia, Srblie, Italijancia, Albancia, Bošnakia, Čehia,  Ungarcia, Crnogorcia, Slovakoa, Roma, Makedoncia em Slovencia. Barabutne em jekhutne telal i parola e taktoncar tari i gili „Bella Čao“

Odoleske o hrvatsko političaria so propagirinena negativno retorika  so ikaven sine o lafia ko 90-to berša. O Riječania ikergje lenge lekcia so nikana nane te bistren ola, trujal so na sine ko akava akti odothe ko momenti.

Ko agor so te vakerel pe  trujal Bravo Rijeka. Sikavgjen sar šaj em aver čhane , manušikane mujal i natoleranciua so kerel bare daravina em kojrakerel amen.

 

Kobor sine aktivno ko Parlamenti o duj romane deputatia o Amdi Bajram em o Samka Ibraimovski ?

O deputati si le niami em trubul te avel ko Parlamentarno mitingoa em te lel than ko buti e parlamenteske em ko aniba decizie em kanonia.

 

Akala engažmaneske dendo ko parlamentarno alusaribay tari rig e džianeskoro, o deputati lela neto plata , so pukjinen le o dizutne  so si paše 1.200 eura jali paše 60 mile  eura ko thavdipa taro jekh mandate. Numa kobor olendar ikeren pe dži ko akala momentia?

 

Ama odoleske savore, emo kola so but na avenan ki buti ko Parlamenti sako masek  lena peske e deputatengiri plata so si dende taro plo džiani.

 

Prekal “Miro deputati” raporti numero 22 ko periodi juli – decembro 2019 , o romane deputatia ake kobor droma avile ko Parlamenti o Amdi Bajram thaj o Samka Ibraimovski.

 

O deputati Amdi Bajram ko period juli – decembro 2019 berš sine 37 droma ko parlamenti, na avilo 12 drom orpavdano em 6 drom naorpavdano. Ko jekh iklilo 6 drom em dengja deputatsko pučiba.

 

O deputati Samka Ibraimovski ko odova periodi alo ko 55 mitingoa ko parlamenti, bizo te ovel otsutno. Sar deputatengoro pučiba iklilo salde duj droma.

O Roma tari Siria

Barabutne si so si len Domarsko dialekto ki Siria, em si identifikujme sar Dom em Navar jali majpendžarde sar Roma em notirime si kaj ki Sirija isi maškar 100 -250.000 Roma a isi teze kaj olengoro numero si em 250 -300.000 Roma.

 

O butipe taro odola Roma nane nomadia. Isi em jekvaš nomadsko grupe, nesavi em phirena ki them. Ko Alepo I jekhin Dom si majpakjavutne em majbari , a isi baro numero em ko Damask, Homs em Latakeh.

 

Ola si uče marginalizirimeko sasoitnipa em si anavkerde sar Kurba (ko Alepo pendžarde sar ʾərbāṭ) thaj Kareš ko utar em o Navar (buvleste anavkerde sar Levant) ko aver thana.

 

Akala thana istemalkeren diferentno grupe so šerutne si hulavde sar socio – ekonomsko profiloa. I romani jekhin hulavdi si ko klania.

 

Pakjala pe kaj o Domaria migriringje tari India prekal Persia. Ola sine sar indisko nomadsko kasta em sine majbut kovačia jali muzičaria. I čhib si indo – arievsko, phanli e centralno em Utarpaščimali India.

 

I čhib e Domarengiri ko Paše Purav si pendžđarde sar Navari. O Domaria sikaven plo darhi em sar Kurdistania, turkiakiri jali arapsko presia. Sine trampa ki arapsko čhib.

 

O egzinomi “navar” nesavo drom istemalkerel pee m sar teleperaviba, sar namoralno dživdipe manuđšeskoro, so si asociacia taro okola so mangen devlenge, nomadia jali čora.

FaLang translation system by Faboba

Mangava te vakerav

Momentalno Online

       Isi 289 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali