Politika

O Europakoro kriso manushikane niamenge angja decizia mujal I Slovakia sebepi policiakoro brutaliteto mujal o Roma

O Europakoro kriso manushikane niamenge (ESCP), kaskoro ofiso si ko Strazbur , Francia erati angja i decizia kaj i Slvakia phaglja o niamia duj e personenge so sine ratvarde tari i policia ko vakti tari i racia ki romani mahala ki Moldava em Bodvu ki Slovakia ko 2013 berš. O themakere ofisia na kergje baro rodaripa akale akteske  so si phagiba o internacionalno kanonia ki them manušikane niamenge . Akana o kriso rodela kompenzacia taro rodiem love a odova si 20.000 eura.

O incident sine ko juni 2013 berš kana pobuter taro 60 policiajcioa kergje racia ki romani mahala so dživdinen ko droma Budulovska ki Moldava upreder Bodvu e, klerhgje fizičko atako paše 30 Romenge konektiribaja čhave em romnja.

O Centro manušikane niamenge (Poradan) sar NGO kergja jursdikciakiri askepcia em e duj terne Romenge sar svedokoa so sine brutalno marde tari I policia ko vakti e raciake kana sine legarde ko policiakoro stasiono em odori ikerde.

 

Link: http://www.romea.cz/en/news/world/european-court-of-human-rights-rules-against-slovakia-in-case-of-police-brutality-against-roma

O Orban phanlja i Ungaria! O embargo ko takati taro avdive

E Ungariakoro premieri Viktor Orabn angja dekreto kote nane mukhlo khujbe e stranconge ki them salde nekobor momentencar. O Embargo so ka ovel ko takatai taro avdive  sine havljarde panda persi kurko.

O ekstra momentia legaren pe dži ko govrementeskere reprezentoa so organizirinena oficialno aktia, okola so si len medicinsko zarzripa, stransko stidentia notaciaja kaj si ničale studentoa, šoferia taro kamionia so džana peske khere, misafiria taro familiarno utsavalkeriba  sar so si bijava , sprotsko , kulturno em religiozno mitingoa.

Sakoneske so si mukhle te khuvel ki Ungaria ka trubul te džan duj kurke ko karantini em duj droma testirime  em negativno ko virusi.

E dujkurkeskoro karantini trubul te ovel em e Ungarconge so aven ki pi them taro staranstvo.

 

RDS: Kaj si o Romane vote? O Gege Demirovski sikavgja ko muj kaj si „zvero“

O Parlamentarno alusariba si palal amende em o resle mandatoa džanen pes. O SDSM 46, VMRO –DPMNE 44, o DUI 15 i Alijansa 13.... Aklana ačhoven o kalkulacie ko ka kerel o Govermento. Okova so si interesantno trubul te kacentirinel pe a odova si kobor sine o romano politikano faktori  so si hazri te mukhen pe ko parlamentarno mečia. Sar paralela ake egzamplo i komuna Šuto Orizari ko Parlamentarno alusariba 2016 em 2020 berš. Ko akalaberšeskere alusariba o VMRO –DPMNE reslja paše 1.300 vote, ko 2016 ov lelja 4.800- Odova si but „hor minus“taro šae 3.500 vote.

O SDSM ko 15 juli lelja 36060 vote ki Štka a ko 2016 reslja 2.600 vote. „Plus“ 1.000 vote. Ama fakti si kaj o Gege Demirovski korkoro solo lelja 1.200 vote. E akana so si i poenta?. Ko 2016 ki Štka iklile 10.583, a ko 15 juli 2020 paše 8.000 manuša. Odova si minus 2.000 manuša.

Sar luzero si o VMRO DPMNE odova si fakti, ama tegani olenge “prastal sine o “ Amdi Bajram em angja odova numero. Interesno si so ko SDSM ko periodi 2016 bersh prastana sine buteder partie e mange barabutne 2.600 vote. Akana 3.600. em pale savore prastan sine baso SDSM. Ama piri kampanja cacutne kergja o Gege Demirovski. Ov taro SDSM em o VMRO –DPMNE lelja korkoro 1.200 vote. Mursane kheldo. Pohrai o Gege profilirinel pe ko faktori maskar o Roma em pakjal kaj kerel bari progresia.Ov korokoro lelja 1.200 vote a o SDSM barabutne e Dudus Kucoja, Amdi Bajram, Ljatifa, Samka, Nezdet, Ferat sare barabutne khedingje 3.600.

Te hulavgje pe odola o Gege korkoro 1.200 q sa o aver duplo pohari pa[e po 600 sakonestar. Odova si klar kaj I parola taro Gege iklili sar dobitno”De ti vota taro Rom, romeske” Fakti si!

 

 

 

TAK: SDSM – 46 mandatoa, VMRO - DPMNE – 44, DUI – 15

Prekal agorutne informacie em naoficialno rezultatia tari Themakiri alusaribskiri komiai palo kerde 3.421 taro sa 3.480 alusaribaskere thana, I koalicia “Amen Šaj” legardi taro SDSM reslja 46 deputatoskere mandatoa, a o VMRO DPMNE em I koalicia 44.

O DUI reslja 15 mandatia a I koalicia Alijansa e Albancongiri /Alternativa – 12. I Levica reslja 2 mandatia a o DPA jekh mandato an o Parlamento.

Prekal o procentoa em naoficialno rezultatoa o SDSM em I koalicia reslje saste 36.12 procentoa taro vote, a o VMRO-DPMNE 34.85.

FaLang translation system by Faboba

Mangava te vakerav

TV BTR NACIONAL

Momentalno Online

       Isi 537 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali