Politika

I Makedonia thaj Srbia kergje majbut ko faisalkeriba e romane problemonge

Sar menadžeri e Romane inicijativake ko FOO Berlin i Neda Korunovska , šukrikeribaja taro šukar kontaktia em kolaboracija e romane NGO sektori so esapinel pe sar šukar džanel akaja tema thaj i inkluzia e Romengoro.

Ko regionalno mitingo e Romane integraciake: Civil Society Regional Workshop persi masek ko Berlino oj notiringja nekobor momentia ko implementirime proektoa an i Romani dekada thaj akcentiringja kaj i uči edukacia , sine jekh taro majimportantno elementia si i romani inkluzia.

Prekal kerdi paralela so implementiringja i Europakiri Komisia thaj drabargje pe o legaripa thaj o raportia dikhela pe kote si o majšukar rezultatia a ko si majbilačhe ko regiono.

Agjaar te trubul generalizacia ka akcentirinel pe kaj i Makedonia thaj Srbia si ko jekh nivelo, palo odova avena i Bosna thaj Hercegovina em o Kosovo si avera problemia, soske odothe i politika si problemi, a ko agor ko trinto rango si čhivde o Montenegro em Albania.

Link: https://www.portal-udar.net/en/neda-korunovska-makedonija-i-srbija-su-najvise-ucinile-na-rjesavanju-problema-roma/

Kejt Meri Brns lelja i funkcia Ambasadori tari USA ko Skopje

I Brns si diplomati pobuter taro 26 berša. Sar ambasadori ki them avel pali olakiri funkcia vice šefi an i misia tari USA ki Atina.

Anglutne sine sathaneskoro repsresento tari Misia taro USA ko OSCE ki Viena.

Ko vakti kana sine presentacia ko amerikakoro Senati i Brns vakergja kaj o aktiviteto ki ambasada ka fokusirinel pe ko trin nukte: promocia taro stabiliteto trujal zorale institucie, ka kerel aktiviteto ko zojrakeriba arakhibaskere protokolia prekal partner aktiviteto thaj motivacia ko prosperiteto prekal pozitivno presia. Olakoro anglutno kolega ki akaja funkcia o Djes Bejli tari akaja funkcia gelo peske ko fevruari masek akava berš.

Si li e Romen piro čačutno represento an o Europakoro parlamento?

Ko alusariba ko 2019 berš ki 9-to akahrin taro Europakoro parlamento tari rig e 751 parlamentarcia , trin (3) deputatia deklariringje pe sar Roma.

Duj deputatoa i Livia Jaroka tari Ungaria thaj o Romeo Franz tari Germania sine palem alusarde sar deputatia , a o Petar Pollak tari Slovakia si nevo parlamentarco. Numa so d\anaja akale deputatonge thaj kaj si ola ko akava politikano spektaro_

I Livia Jaroka si represento tari Ungaria thaj si membro an i demokratsko hristiansko partia FIDES an i Europakiri opoyicisko grupa (EPP). I partia FIDES saste si pendžarde sar partia taro premieri Orban Viktor, kontravezno politikano lidero ki Ungaria.

Ko fevruari akava berš upreder 12 partie ko pervazia e Europakiri opozicia (EPP) akhargja e partia FIDES te ovel suspendirimi sebepi ekstremno antieuropakoro hoši thaj inicijativa.

O Romeo Franz stari Germania si tari Grune Partia a ki koalicia e Green partiencar . Aso odova o represento o Franz but droma lelja than ko hangiba ko parlamento thaj si le majzorali ideologia tari Green Paria ko EU, ko than olekere themakere partiake. O Green partia san o EU si left orientirime thaj interesinel pe bašo pučiba ko minjoritetoa thaj zorale orientirime mujal i Europa. O represento Franz si bašo majhumano tretmano mujal o Roma thaj o migrantoa an i Europa. Majpakjavutne ov si o čačuno pan-europakoro parlamentarco so kerel maripa e Romane niamenge thaj avere minjoritetonge. Ko jekh o Franz dikhel sar majbaro problemi so si ko avera da si o anti romani hoš ko buteder Europejcia so isi len mujal o Roma.

O Peter Polak si nevoalusardo represento an o Europakoro parlamento tari Slovakiakiri nacionalno partia , so ideološki si konzervativno thaj si dikhle sar čačutno centari.
Ko Europakoro parlamento ola si kotor taro Europakiri opozicia (EPP) . Sar nevo membro o Polak si napendžardo e publikake numa taro angle dende intervjuia šaj te dikhel pe kaj oleske si majimportantno i edukacia e čhavenge taro čorole familie, konektiribaja thaj i romani jekhin.
O Petar Polak vakerel kaj pobuter love na faisalkeren o problemia ko romano minjoriteto , numa majlačhi adaptacia em implementacia ko resusrsia šaj kerel i diferencia.
O Polak barilo ko čorolipa ki romani jekhin em džanel but šukar o problemia e romane jekhinake.

Diferencijaja taro Franz em i Jaroka, majpakjavutne o Polak ka ovel majpaše dži ki definicija " čačutno romano represento" so ka ovel ko Europakoro parlamento.
O pučiba so ka ačhol phravdo ko avutno periodo si dali o Roma sar majbaro europakoro minjoriteto ka ovel olen čačutno represento an o Europakoro parlamento?

Link: https://phralipen.hr/2019/06/07/kolumna-roma-zastupnici-u-novom-sazivu-europskog-parlamenta/

Dali amende legaren o nasposobno?

Neko vakergja kaj o nasposobno manuša kana bi ovel olen piri them oj definitivno trubul ko than te anavkerel pe sar Republika Utarali Makedonia, trubul te anavkerel pe sar republika Nasposobno Makedonia?

Odokhare šuži them, šuži natura, bare resursia, bare šajdipaja, a olate te ćhive te dživdinen odokhare nasposobno manuša si saste napakjavibaske.

Si li akava refleksia taro fakti kaj sa okola so sine sposobno, educirime, gogjaver. madro intelegentno gele peske tari makedonia thaj na bešen pobuter akate, mukhibaja o nasposobno than em vakti panda majbut te zijankeren i them em te palden panda hari okola so ačhile sposobno ola da te džan peske avrial.

Paše 30 berša isi amen nasposobno političaria , nasposobno ministria, nasposobno menadžeria, nasposobno direktoria thaj aver.

Te mangljam te da amen godi kobor Premieria, ministria, gradonačalnikia, direktoria, političaria, biznismenia , menadžeria sine ko rakovodno funkcie ki Makedonia ko akala paše 30 berša ka dikha kaj majbaro numero olendar te dengjam amen godi kobor olendar sine len desave rezultatia em pamtinalen sar but šukare , o numero ka ovel jekhcifreno.

Ama odoleske kana sien funkcioneri em odova alusardo - čhivdo prekal partisko amin tegani si tumenge sa mukhlo em te na sine tut nisave rezultatia , ma džan ki buti, bojkotirinen i buti, den hohavne kvitungia, phiren tumenge avri tari them ki lumia ko themakoro harči, geren negativno bilanso ki buti . Odoleske isto face vrtinen pe ko krugo ko funkcie, avdive ministeri, tajsa dizjakoro šerutno, prektajsa direktori ki disavi themakiri firma ili institucia em agjaar sasto vakti.

Prosto našti manuš pakjala kobor nasposobno manuša resen ko kontinuiteti te len peske fiuno thana bukjake em rakovodno funkcie ko sa o sfere ki makedonia, em ačhona odothe kosem si isi len majšukar rezultatia.

Em ko agor te konkretizirina kaj ko faisali e problemeske e anavea ko than Republika Utarali Makedonia trubul sine te ovel anavkerdi sar Republika Nasposobno Makedonia.

 

FaLang translation system by Faboba

Mangava te vakerav

Momentalno Online

       Isi 87 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali