Socijala

E Europakiri Komisia del propozalo te den pe 750 milijarde eura sar sasljaripa tari i pandemia

O baro paketi sar motiv ka ovel 500 milijarde eura ko grantia a 250 milijarde eura sar kreditia , vakeren o informacie so džanen akala planoa.

 

O presidento e Komisiakoro Ursula von der Lejen akava havljargja le akala divesa. Odova putrel o drumo, sar so pakjala pe ko phare dijalogia maškar o 27 thema membrora taro EU so nane kompaktno ki konekcia sar majšukare si finansisko ekonomikano sasljraipa e blokoske.

 

Udžarel pe kaj akava propozalo tari i Komisia te phanen pe okolencar so kheden love ko marketi e kapitaleske, kote garancia ka den o thema so si membrora ki EU kaj barabutne ka pukjinen em ka iranen o love ko nekobor decenie so avena em si kontraverza kote so rodel pe jekhipa te šaj del pe amin akale akteske.

Dži ko agor e beršeske o čorolipa ka bajrol ki Makedonia, a ka tiknjarel pe I maškarutni klasa!

I simulacia tari Lumiakiri Banka percepirinen kaj o procento taro čorolipa ka bajrol bašo paše 17% ko 2019 berš  ko 20 dži ko 30% ko 2020 berš, em taro 55.000 dži ko upreder 130.000 dizutne ki Makedonia ( ko athinalipa taro odova dali I kriza ka ovel jekh jali duj kvartalia во) so ka perel ko čorolipa.

 

Ama akana vakeren kaj o maripa mujal o čorolipa šaj ka ovel panda majphareste taro persi berš kana o nivelo taro čorolipa sine minimalno , ama akava berš taro berš ko berš tiknjarel pe sine ki Makedonia.

Trujal Amari them , o rezultatia den pe rezultatia em taro aver thema sar so si Albania, Srbia, Montenegro, Bi Hem ko Kosovo. I simulacia sikavela kaj trujal e sastipaskere presie , but šaj te bajrol em o čorolipa a te tiknjol I maškarutni klasa ko sa o thema.

 

Ki lumia o čorolipa ko momenti isi paše 1,5 milijarde manuša. Fakti sekiraciake si kaj jekvaš olendar si telal 18 berša.

 

Ko jekh taro raportia taro UN vakerel pe kaj ki lumia isi 820 milionia manuša sako dive si bokhale, jali ko prosek ka ovel sako enjato manuš ki lumia.

Ungaria: Nacionialistikane aktivistoa kergje mars ko anti-romano hoš ki Budimpešta

Grupe, konektiribaja em ekstremno nacionalistikane aktivistia, kergje demonstracie ki Budimpešta ko štartodi te keren sar lipar e viktimenge so sine posavde čhirikaja so o incidenti ulo persi kurko ki ungariakiri šerutni diz.

 

I nacionalistikani partia taro Mi Hazank, kaskere lideria šaj te dikhen pe sine sar sine len piro lafikeriba anglal o demontrantia , ola došakergje e ungarsko romane minjoriteto kaj keren akava bibahtalipa.

 

Jekh 16 beršengoro em aver 21 beršengoro sine mudarde čhurikaja taro aver tinejdžeri ko maripa maškar duj grupe so sine ko centro e dizjake Budimpešta ko 22 maj!

 

O marši ko štartodi kote na sine mukhlo tari I policia te kerel pes sine taro ofiso e Nacionalno romano centro  dži ko ploštadi Deak, kote sine kerdo improvizirimo lipar bašo o duj viktimia so sine mudarde.

 

Link: https://ruptly.tv/ru/videos/20200528-071?fbclid=IwAR1U2UfbsXjIVOkfNGJHQ41lp2Mwgy58uo2AuL0puqu8pxDKcOLZD2whcRA

COVID -19 thaj oleskoro phanlipa ko romane mahale ki Slovakia

I Slovakia dži akana sine la relativno tikno numero aktia taro COVID 19 (notirime 1457 inficirime em 26 mule kote sine kerde  120 645 testia phale datumeja taro 27 aprili).

 

Numa taro notirime avgo inficirime ko 6 mart iklile daravina odova te ovel em ko romane mahale em aver čorole jekhina so si socialno teleperavde em šaj sine te anen but sigate te buvljargjovel o nasvalipa.

 

Ki Slovakia dživdinen jekh taro majbari romani populacia ki Europa em gejnel paše 500.000 , jali 10% taro sa o nacionalnostia ki Slovakia.

Buteder Roma em aver internacionalno grupe manušikane niamenge vakeren kaj isi bari sistemsko marginalizacia em diskriminacia.

 

Paše 33% taro Roma ki Slovakia si segrigirime ko thana kote si baro čorolipa, limitirimi infrastruktura em bilačhi higiena.

 

O sastipa ko Roma ko romane mahale si but bilačhe em isi but infektivno nasvalipa , sar so si hepatit, TBC, em sifilis , soske čače odothe isi but.

 

Link: https://www.thelancet.com/journals/laninf/article/PIIS1473-3099(20)30381-9/fulltext?fbclid=IwAR1iqe9Kj_dgnHyOMZIpBjr2N4r3jXg6RmYPpBtGO8ddxZmpk-CoYKLhhds

FaLang translation system by Faboba

Mangava te vakerav

Momentalno Online

       Isi 115 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali