Socijala

UN: Dži akana si zojrakerde paše 18.000 civilno viktimia ko maripa an I Ukraina

O Unime Nacie angleder 3 kurke notiringje o numero taro zojrakerde civilno viktimia an I Ukraina thaj si paše taro 18.000 havljaren o agencie.

O Ofiso taro Učo Komesarijato ko manušikane niamia ko UN  (OHHR) notirinela kaj o čačutno numero taro ukrainakere viktimia si “but pobaro” numa si but phareste te resen pe čačutne informacie taro o fronti . Taro 24 fevruariu kana I Moskva počmingja I invazia upral I Ukraina , dći ko 26 decembro sine registririme 17.831 civilno viktimia, kote so 6.884 mule, a 10.947 sine ratvarde. Maškar o mudarde isi 429 čhave, vakerel I agencia taro UN.

O deputati Ljatifa Šikovska dengja Inicijativa te ikerel pe nadzorno diskusia ki implementacia e kanonikane aktia ko Kanoni bašo naevidentirime persone ko posebno matično lil taro bijame

O deputati Ljatifa Šikovska dengja dži ko Prezidento e Komisiake bašo politikano sistemi thaj korelacie maškar o jekhina i rajona Sonja Mirakovska Inicijativa te ikerel pe nadzorno diskusia  ki implementacia e kanonikane aktia ko Kanoni bašo naevidentirime persone ko posebno matično lil  taro bijame

Ki inicijativa tergjola: „Aso o membro 21 stav 1 taro Kanoni ko Parlamenti e Republika Makedoniake dava i incijativa te ikerel pe Nadzorno diskusia ki akcepcia ko aktia e Kanoneske taro naevidentirime persone ki posebno matično lil . Faktea taro statistikane informacie taro naevidentirime persone so gejnela paše 700 naevidentirime tari akaja kategoria a majbut olendar si Roma.

Ko 30.06.2021 berš o Parlamenti tari Republika Utarali Makedonia angja o kanoni ki trampa em dopheriba e Kanoneske ki evidencia e naevidentirime persone ko Matično lila bijanipaske kote bajrarel pe o rook ko hramosariba ki akaja kategoria annupa numa na sine but vakti te resel pe I resarin ko ande trampe em olengiri praktično implementacia, Odothe šubikerav kaj čače si kerdo I trampa em implementiringja pe sar so trubul akava kanoni ko punkzto taro membri 4 ko Kanoni bašo naevdientirime persone ki matilno evidencia.

I nadzorno diskusiaja kamav te locirinav o kerde anomalie ki naimplementacia ko aktia taro o Kanoni e naevidentirime personenge soske o persone so si ko thavdipe akale aktieske bašo dopherdo upis ko matično lil startujngja angleder javnoo akharin te del pee m o čhave so si bijame palo agor e javno akharinake a na pheriba o šartia ko hramosariba ko matičlno lila aso oo kanoni panda naefikasno implementirinela pee m nane evidentirime o manuša aso o kanoni . E nadzorno diskusijaja ka kerel pe odova prekal terensko rodaripa odolea so direkktno ka vizitkerel pe o anglutno kerdo akti kote ka džal pe ko thana kote so bešena sebepi majlokheste em majsiga ka evidentirinen pe ko matično lila bijanipaske. Odole ingerenciencar o prezidento e Komisijakoro taro politikane sitemia thsaj koleracia maškar o jekhina mangav te anen decizia te ikerel pe nadzorno diskusia ki avgo avutni bešin e Komisiake., “ tergjola maškar ko javer ki Inicijatibva tari rog e deputatkake I Ljatifa Šikovska.

I Vasilica ko Roma – mit, legenda jali tradicia?

Ko teksti “Historia, kultura thaj tradicia e Romengiri” (https://romadaje.org/istorija-kultura-i-tradicija-roma-i-romkinja) bašo majimoprtantno Romane bare divesa – praznikia esapinel pee m I Vasilica, kote hramonjela: „I Vasilica e Romengoro majbaro prazniko , o Roma notirinena le ko diferentno forme , em oleskoro keriba dikhena sar jekh but specifičnoo kultura. I Vasilica si ko duj segmentoa. OO jekhto segmenti si hazrkeriba sar te udžarel pea kava dive em sar kerel pe o prayniko Vasilica rm si struktuirime ko period taro 12 dži ko 17 januari odolea so o 14 Januari si notirime sar Vasilica , a o dujto segmenti si – leiba o papinja . so kerel sako  familia  ko dive kana kinela pe I papin.

Ko Roma nane unificirime detail dali akava prazniko kerel pe prekal em sebepi hristijansko religia sar soo si o Sv Vasilij jail si autohtono romano prazniko, Pendžardo si kaj I Vasilica kerel pe sinen em ko muslimansko khera  panda taro vakti e Khoraengoro kana o Roma akceptiringje o Islam sar religia.

Karakteristika akale praznikoske si kaj kerel pe trin divesa , ritualno čhinel pe papin, čurano jail khani, importantno rolja isi e polazniko – manuš so avgo avel em bahtarel o prazniko ki jekh familia ko kher, I sofra si barvali em mukhel pe muzika.

O popurane romane familie keren I Vasilica prekal o adetia em I tradicia so siklile taro phureder ki familia em angleder sar kerel pe sine em si lošale ki atmosfera so kerel akava šprazniko”.

Numa sar o Herdelezi agjaar em I Vasilica pohari našavel o than sar identiteti e Romengoro . O faktoria šaj arakhen pe ko fakti taro stili dživdipaskoro , hulavipa maškar I familia, ekonomsko migracia, o aktivitetia ko religijsko jekhina so si notacia kaj akava prazniko si pagansko thaj ko jekh hulavipa e romane jekhinake, Majbut oo terne na salde tari romani jekhin na keren akava prazniko soske nit džanena soske kerel pe , a o popurane dži kote mangen te arakhen I tradicia tari piri nacia trubul te anen majpaše I suština em I funda e praznikodskiri e poterne generacienge.

 

Link: https://romaworld.rs/bahtalo-vasili/

An i Srbija apel bašo suporto ko sasljariba e tikne šovberšengere Aleksa Milič so si le phari forma taro autizmi. Valjani panda 12.000 eura

„Molisarav tumen sar daj čhaveske so na reslja te lel nisavi terapia , te den le šansa bašo pošukare dživdipa. Sako mesažo, pukjibe kobor so šaj , distribucia e apeleske leske ka ovel sar nevo dživdipa. Si amen paše panda jekh masek , trubul amen panda 12.000 eura. 1278 dži ko 3030. Suporto“, hramosargja I daj e šov beršengoro Aleksa Milić tikni čhavoro so si le autizam.

E Aleks si le phari forma taro autizam, em ko agorutni kontroola sine arakhli em cista ki godi, vakerel I daj ko piro apeli. Sebepi odoja cista šaj te ovel sar čar.

Sar  so vakerel oleskiri daj I Tamara bašo Telegraf.rs. o Aleks trubul te džal ki Turkia ki klinika Liv.

- Bičhavgjem lenge I sasti dokumentacia te  keren kobor trubul te pukjinel pe o tretmani sasljaripaske thaj transšplatacia e matično kletke. Duj doze si 18.000 eura plus trošokia sasljaribaske, medikamentia, akomodacia, dromaripa…. Vakerel I Tamara.

O Aleksa ko mart pherela 6 berš ama panda na kerel lafi.

- Isi le but pohari mentalno buvljaripa em tikni retardacia. Ki specijalno klinika “Cvetko Brajovič” nootirime si kaj oleskoro psihičko nivelo sar ko čhavo taro 19 masekoa.

Sar soo vakerela I Tamara , e Alesk si le cista ki godi so panda opservirinela pe , numa sar so vakerela , ten a gelo ki Turkia majsiga , I situacia ka ovrel panda majbilačhi , soske ka valjani te lel zorale sedativia.

- Tari klinika ki Turkia vakergje kaj kerel pe lafi bašo but agresivno , valjani so majsig te sasljarel pe.

O rook te pukjinel pe ko hospitali si 10 fevruari. Aleksa si čhavo so saaste kerel pe sine kontrola kana oleskiri daj sine khamni., Ov sine dijagnosticirime sar but tikni progresia psihomotorno sastipe thaj tikni retardacia taro trin berša, prekal o notacie ki web site tari Fondacia Be Humane.

Ki specijalno hospitali cerebralno paralizacke thaj buvljardi neuroilogia ki Sokobanja  si zojrakerdi I dijagnoza F 83 (Disordines evolutionis specifi mixti).

 

Link: https://dijasporainfo.net/2023/01/13/preklinjem-vas-pruzite-aleksi-sansu-za-bolji-zivot-majka-decaka-ocajna-ima-autizam-ali-i-cistu-na-mozgu/?fbclid=IwAR0LZ2Ude6cnKEUOaRtcPrzQDOfYL78p-MwPMQtJLheiwwb6ezyN_7d0U4c

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 297 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date