Socijala

Srbia: 29 milionia eura bašo majlačho dživdipa e Romane jekhinake

O vicepresidento an o srbiakoro govermento o prof dr- Zorana Mihajlović legarel sine i bešin e Koordinativno ofisoa an i trinto bešin ki oservacia e realizaciake tari Socialno inkluzia e Romenge an i Srbia (2016-2025), kote diskutiringja pe an i realizacia e proektonge an i inkluzia e Romenge thaj keriba nevo Akciono plano thaj implementacia ko saste faisalia ko kherutnipa thaj lačhariba e infrastrukturake an o romane mahale.

Ko jekh diskutiringja pe an o konektiriba regionalno standardia so keren o budđeto an i politika baši inkluzia e Romenge.

I Mihajlović vakergja kaj o Govermento e Srbiake kerel buti an i inkluzia e romane jekhinake an o sasoitnipa so havela lačhe šartia ki buti, socialno protektiva edukacia thaj kherutnipa.

Oj zapendžargja e membron taro Koordinativno ofiso kaj an o akava momenti relizirinena pe proektoa bašo lačhariba i infrastruktura ko kherutnipa an o romane mahale ko 13 dizja thaj komune ko moldipa taro upreder 9 milionia eura thaj ko neve IPA programe ka oven arakhle panda neve dopherde 20 milionia eura bašo socialno, kherutnipa thaj buti e Romenge.

Link: http://romaworld.rs/3-miliona-evra-za-bolji-zivot-romske-zajednice-u-srbiji/?fbclid=IwAR1QeLvFcvAkzopdBZVwmTcb43cGUBAf_rHdpmtsoaj5RSN2SeVIHe3llEw

Germania: O azili e Balkanconge salde telal extra aktia

Tikno numero azilantia taro Pačimalo Balkani ko nakhlo berš resle sar ofental an i Germania, thaj si ola sar "extra akti" hramosarela o “Deutsche Welle”, dopheribaja kote okola so si irame našti nikana resen viza majodorig te aven an i them.

E germaniakoro kanoni granatirinel o niami vash o azili salde politikane aktenge so si persone telal politikano presia, a okola azilantia so avena tari Makedonia, Srbia, BiH, Albania thaj Kosovo ka oven irame soske i Germania taro 2015 berš implementirinel o kanoni thaj si notiurime akala thema sar "Siguritetno" kote nane politikani presia.

E themakiri kancelaria taro odova momenti irangje aplikacie azileske ko 97% manuša taro Balkani.

O azilantia taro Balkani so si irame olengere azilia trubul te džanen kaj an o avutnipa ka ovel olen stop te khuven an i germania, numa na salde odothe thaj ko sa o thema taro Šengeni, hramosarel o “Deutsche Welle”.

26 milijarderia an i lumia, si len love kobor jekvaš taro o majčorole an i lumia

I organizacia Oxfam kergja jekh interesno rodaripa prekal so sikavela kaj an o 2018 berš o majbare 26 manuša an i lumia si len barvalipa jekh a jekh kobor so isi e jekvaš taro majčorole an i lumia.

Aso akava šaj te anel pe konkluzia kaj o milijarderia an i lumia bajrakergje panda majbut piro barvalipa , a o čorolipa aver rigatar bajrola panda buteder.

Targeti akale organizaciake si te kerel o govermentia te bajraren o danokia okole e barvale kompanienge thaj te čhinaven o garaviba taro danoko.

Kerel pe lafi bašo jekh interesantno rodaripa te šaj te trampinel i globalno politika an i lumia, kana kerel pe lafi bašo o danokia.

Aso buteder ekspertia taro akava resoro, but barvale kompanie thaj korporacie na pukjinen but danokia, kobor so čače trubul, a but čorole persone si len but borčia.

O pazardžie iklile an o protesto mujal o Kanoni e kurkenge

O pazardžie taro o Kurke iklile an o rpotesto anglal o Parlamento. Ola si holajme sebepi o nevo Kanoni ko kurke so alo an o takarti ko starti taro 2019 berš thaj maškar o aver olendar rodela pe em te oven olen licence.

Ko majbaro numero ko kurke sine čhivde katancia thaj barikade lepime informacijaja kaj keren protesto.
Ola ko jekh blokiringje thaj o bulevari "Krste Misirkov" ko Bit -Pazar thaj o trafiko sine čhinavdo.
Aso o nevo kanoni o penzioneriam, jali aver persone so desave formaja lena love , honoraria našti te bikinen. I licenca jka del la i Stopansko Komora tari Makedonia.

O licence tezgenge si 60 eura, e dujto tezgake o pazardžie ka trubul te dopukjinen dopherde 40 eura thaj sa agjaar majodoriga.

FaLang translation system by Faboba

Mangava te vakerav

Momentalno Online

       Isi 164 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali