Socijala

Manušikane kotora arakhel an I deponia ko Toledo kote so rodena sine našavde čhave ko Madrid

I policia arakhlja manušikane kotora an ii deponia ko Toledo kote kurkencar kerel pe sine rodaripa palo o Anhel Fernandes Silva, 11 beršengoro čhavo so našavdilo an o Madrid ko 10 decembro barabutne pire bratučedea o Fernando Fernandez Garsia (17). O ztrupo taro o dujto sine arakhlo ki lenta e deponiake ko  15 decembro , a oleskoro identiteti sine notirime jekh kurko palo odova. Sebepi akava taro odova momenti o agenti definiringje o reoni kaj te roden o trupo oleskere bratučedeskoro em sar so ulo odova rodaripa agorkergja akala divesa  kana sine arakhlo ko trintodi. O iformacie vakeren kaj sine arakhlo oleskoro kotor taro piro em aver kotora taro oleskoro trupo.

Šerutni hipoteza so kerel sine I policia si kaj o duj bratučedia korkoro gele peske taro Madrid ko Toledo te džan kodesave džuvlja tari aver familia. Jekh drom ki diz La Manča e duj e ternenge sine šudro , khuvgjew ko kontejneri em o kamioni legargja olen bizoo te dikhel olen. Agjaar agorkergje ki fabrika baši reciklaža so si dur  taro centria e dizjake em but phareste te arakhen pe.

Ko jekh taro faktoria rodaripaske so sine zojrakerdi soske kana arakhle e avgoo čhave I obdukcia sikavgja kaj ov na mulo taro faktori mariba jail mudaripa numa kaj mulo sebepi so zagušingja pee m na sine le vozduh.

O policiakere rodaripa numa palem kergje pet e na ovel eventualno nesavo “garazi tari avera familia” prekal olengere informacie sar so vakergje. Numa  o manuša so pendžarena len vakerena kaj o principia em faktia akala negirinena em o čačipa ka džanel pe but sigate , bizo te eliminirinen o fakti čhingara da.

“I familia si akana ko baro šok soske sa akava ulo” I paše familia udžarena neve informacie ko olengero kher ko Valjekas.

Agorutno drom sine dikhle ko jekh trgovsko centro ko kvarti Karabančel kote sine pe familiaja ko šoping. Ko jekh momenti vakergje kaj ka džan ola duj džene te han sendviči ko aver objekto ko odova trgovsko centro em gele podur tari piri familia. E policiia si la fotoografie taro o duj džene sar si ko jekh metro ukljena.

Akana trubul te keren pe DNK testia e kotorenge so si arakhle em te vakeren dali si čače olengere . Dopherdo I policia ka rodel majodoriga o aver kotora taro trupo ko odova repono te arsakhen o aver kotora taro Anhel.

Sebepi so o trupo taro o phureder brautučedi sine locirime o agentias notirine o than ki deponia baši recikalaža kote si akmolurine pobuter taro 10.000 tonia gunoj.

Ki akcia si panda duj džikeča sar vodišia ko “ekstremno phare situacie” isi naučno em kriseksre persone em duj buldožeria so randena.

 

Link: https://elpais.com/espana/2023-01-11/hallan-restos-humanos-en-el-vertedero-de-toledo-donde-buscaban-a-un-nino-de-madrid-desaparecido.html

Romano student kergja intervju e kandidatencar bašo šrezidenti an I Čehia em akahrel e ternen te den piri voota

O Pter Banda diplomiringja ekonomia em kergja kampanja so si anavkerdi sar “ Ov šundo” (Buď slyšet) kerdi avgo drom sa okola so ka den piri vota o terne thaj Roma em naRoma . Olengoro intervju sako drom editirinela pe prekal o profile taro socialno netvorko e organizaciake  IQ Roma servis, em ov mangela ko odova način te zapendžarel e ternen e kandidatencar bašo prezidento an I Čehia.

Ko intervju ov pučela sar egzamplo save si o percepcie taro o kandidatoia ko na jekh a jekhipa ki škola jail sar ka nakhaven I polarizacia ko sasoitnipa.

I kampanja džala  majodoriga so dengje o terne ko 2022 berš te den piri vota ko lokalno alusariba editiribaja olengiri vota , a suštinsko ko jekh demokratsko sasoitnipa. Ki akaja kampanja I resarin sit e bajrarel pe o civilno angažmani e roman e terne populaciake thaj olengoro interes sa ookoleske so si an o sasitnipa. O avgo delo tari kampanja konektirinela inforgarfike odoleske soske trubul baš olkenge te del pe I vota so kerel o president em sar te sikavel pe kaj o vakerdo isi le piri funda.

O dujto delo tari kampanja astarel intervjua e presidenteskere kandidatencar  sar so si o Marek Hilšer, Danuše Nerudova thaj Petr Pavel. O Banda kergja zori te kerel intervju thaj e Andrej Babip numa nikana na reslja irameo e mail ko leskere pučiba.

 

Link: https://romea.cz/en/czech-republic/romani-student-interviews-czech-presidential-candidates-calls-on-youth-to-vote

O Roma tari romani mahala Crvena Zvezda selinene pe ki aver parcela, numa ki odoja mahala an o Niš

Pali notacia taro advokati kaj ka tužinen e dizja Niš dži kote o Roma tari mahala Crvena Zvezda na iklile taro imoti e privatno manušenge , e dizjakoro šerutno Dragana Sotirovski vakergja kaj akala Roma ka oven raselime , a apliciribaja ko europakere proektoa ka kheden love te keren apartmania ki dizjakiri parcea ki odoja mahala.

Sar so vakergja e dizjakoro šerutno ko kontrakto e Nacionalno romano konsilo thaj o NGO sektori angje decizia te aplicirinen ko proektia kote ka kheden pe love te keren pe odola apartmania.

Udžarel pet e dislocirinen pe odola Roma tari mahala Crvena Zvezda a oola dćanen kaj valjani te ikljon tari  odoja lokacia , soske si vakerdo lenge em taro advokatia taro o privatnikoa kaskiri phuv si, a I diz ka ovel tužime dži kote na kergjem odova ko sig vakti te ikljon o familie odothare vakerela I Dragana Sotirovska.

I Sotirovska vakergja kaj majimportantno momenti  si o manuša te den soglasnost kaj ka ikljoven peske taro odova than em o than te iranel pe e gazdenge odole  thaneske.

 

Link: https://www.juznevesti.com/Drushtvo/Romi-iz-Crvene-zvezde-sele-se-na-drugu-parcelu-ali-u-istom-naselju.sr.html?fbclid=IwAR2ivkEIWWdg4QFjefe9vQ2-8_bjWhT44-xyAC7xJkp7F7XWqp2oc-_fmJE

E situaciake ki Europa: O socialno netvorko pherdo natoleranciaja thaj diskrimminacia mujal o Roma

Premal o konkluzie taro analitičaria ko proekti, evidentno si kaj o anti romani hoš si ko progresi ko Internet.

„O trendi normalizirinel pe I retorika mujal o Roma džala majodiriga. Asavki natolerantno retorika na keren salde o ultrranacionalistia numa em o vaer politikane partie thaj o manuša da, vakerel I Selma Muhik Dizdareviḱ thaj Jitka Votavova, autori e studiake ko anti džipsaizam.

„Hovavne informacie manipulacie istemalkeren pe sar instrumenti ko buvljaripa anti retorika mujal o Roima, ironia  em o trendi taro humori teleperaviba si interesno e terne generacienge” vakergja o autoria.

Ola dopherena kaj džala majodoriga o trendi tari relativizacia em phravdi negacia ko istorikane faktia so si konektirime e genocidea upral o Roma ko vakti taro Dujto lumiakoro maripa.

„Buteder droma vakeren kaj o roma si posebno sorta, em isi kriminali ko Roma thaj o Roma si priviligirime taro aber nacie, vakerel pe ko raporti akcentiribva kaj o hohavipa si konektirime e bilovengere medikamencar kaj den pe e romenge em isi len pobaro socialno arka e Romen.

 

Link:  https://www.portal-udar.net/analiza-stanja-u-evropi-drustvene-mreze-pune-mrznje-i-predrasuda-prema-romima/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 265 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date