Socijala

Analiza: Te aćhol pe jali te džal pe avrial tari them? Tari Makedonia mangen te džan peske 73% taro terne dizutne

An i jekh kerdi analiza anavkerdi sar : " Studia e ternenge tari JIE" kerdi taro FES thaj CeSID an o jekh taro thema ko pašipa aso ekonom,ikano thaj civilno statuso kobor o dizutne taro pire thema ka ačhon te dživdinen jali ka džan avrial ko stranstvo taro ekonomikano jali aver faktori o rezultatia kote majbut isi te džan peske numa pohari si okla so kamen te ačhon.

I analiza sikavela kaj an o kerde analize ko 10 thema tari Utarpurabali Europa majupre si i Srbia kote 75% taro terne dizutne kamen te džan peske , a salde 25% bi ačhoven te dživdinen odothe.

Ko dujto than si i Makedonia kote 73% bi džan peske, a 27% bi ačhoven.

An o aver da thema sar so si Albania, Slovenia, Montenegro, Bosna thaj Hercegovina o procento so kamen te džan peske si maškar 66 thaj 62%ko Kosova odova legarela 58% , a ki Bugaria, Hrvatska thaj Romania o procento si taro 30% dži ko 34%.

O personalno lil bianipaskoro ka šaj te ikavel pe an o diz kote dživdinela, a na kote si biame

O Govermenti an i pli agorutni bešin akceptiringja i iformacia bašo elektronsko konektiriba ko 76 personalno ofisia em regionia elektronsko personalno registrea taro ofiso ko legaripa personalno lila bijanipaske.

Sar sine konektirime o elektronsko personalno registri dži akan elektronsko konektirime si 82 personalno ofisia thaj odoja forma kergja o dizutne bizo fakti kaj si biame thaj than dživdipaske šaj te aplicirinen rodaripa te del pe lenge personalno lil bijanipaske an i diz kote so dživdinela , thaj prekal elektronsko forma te del pe leske tari diz kote si biame i persona.

Akale konektiribaja ka šaj thaj o Diplomatsko konzularno ofisia tari Utarali Makedonia elektronski te konektirinen pe e personalno regionea ko Ofiso baši deiba personalno bijanpiaskere lila thaj aver dokumentia so rodena o dizutne so dživdinena an o stranstvo te šaj len le ko majsig vakteskoro intervali.

I ventralizacia taro informacie thaj optimiziriba e biznisea thaj o procesoa an o Ofiso ka phravel buvlo spektari taro šajdipa an o kotor an i implementacia e Europakere regulative thaj bajraripa o efekti an i administracia si i andi konkluzia e Govermenteske an i nukta olengere Agendake.

Si li nalegalno biznis organencar an i Makedonia?

Bibahtake o biznisi organencar an i Makedonia thaj o aktia taro Kanonia nane inkriminirime sar ekstra došperavibaskoro akti , numa si sar saikerin an o Kanoni ko leiba presadiba kotora taro manušikane organia sebepi sasljariba thaj si elaboririmi prekal kanoneskere mujal aktia sar biznisi manušencar thaj nalegalno medicinakoro tretmano ko manušikane organia.

O mariba mujal nalegalno biznisi organencar, thaj organizirimo kriminali rodela bari sama thaj koorelacia avere themencar kote si akava biznisi thaj o thema so kinena akala artikloa.

Drabaren majtele te haven efta šokantno faktia ko nalegalno biznisi organencar.
1. Phanle - astarde manuša.
Premal o lil taro krisari taro UN maribaskere bibahtenge i Karla del Ponte , o preperutne taro UČK taro Kosovo astargje pherdo manušen kastar zorea lele lengere organia .
Palo odoova odola organia sine legarde ko aver stransko klinike baši transplatacia.

2. Nalegalno Biznis organencar taro čhave.
O rodaripa počmingja ko Mozambik kana nekobor lokalno grupe bašo manušikane niamia thaj e Brazileskiri misia an i Nampula vakergje e legarutnenge kaj but čhavenge nane vitalno organia , a desave čhave mule sar rezultati taro eliminacia taro olengere organia.
Pakjala pe kote buteder taro khedime organia bičhaven pe sine ko pašipa tari Purabali Afrika thaj baši transplatacia taro religiakere adetia. Ko jekh sine buteder raportia čhavenge so si kidnapirime thaj mudarde bašo lengere organia an i Purabali Amerika.

3. Napakjavutni moldi te šaj kinel pe bubrego.
Aso i notacia tari Lumiakiri sastipaskiri organizacia taro 2003 berš i moldi taro bubrego sine taro 700 dolaria an i Purabali Afrika dži ko buteder 30.000 dolaria an i USA., kote buteder thema pukjinen sine maškar 1.000 thaj 10.000 amerikansko dolaria bašo bubregia.

4. Okola so bikinena o organia na sikaven bari samae pacientonge so dengje piro organi Buteder taro bubregia ko nalegalno marketia so bikinena pe sakote an i lumia keren majbut o čorole manuša so valjani lenge but love.
O mušterie pukjinen sine salde kotor tari moldi thaj na sine len nesavi bari medicinsko opservacia sa dži kote na sasljaren pe.
Akala donatoria but droma sine trušale thaj na saljaren pe sine dži ko agor sar so trubul.

5. Khuven ki doktoreskiri kontrola, a ačhovena bizo bubrego.
An o Egipet , jekh metodi taro šverc organencar iranel pe sine trujal ki šema sar bukjarnipa. Terne murša so sine angažirime bukjake sine bičhavde an i medicinakiri kontrola ko doktori.

O terne manuša džangavgjovena sine an o hospitalo bare dukhencar thaj jekhe bubregoa pohari. O viktimia tari akaja šema sine telal daravina taro kana dengje došperavibaskoro akti mujal okola so kergje nalegalno kanonikano akti.

6. O Biznisi organencar si legalno salde an i jekh them.
Trujal o učo numero taro nakontrolirimo narespektiriba o kanonia , o biznisi organencar si nalegalno aktiviteto trujal salde an i jekh them odova si legalno. An o Iran o biznis organencar si legalno thaj bare samaja opservirime.
I praktika taro transakcie e institucionalno organencar eliminiringja i lista taro udžariba sa okolenge so udžarena sine bubrego thaj kergje majbaro numero donacie taro o manuša so mule.

7. Aukcia taro tikne bebia sebepi o organia.
Trin ukrainsko džuvlja sine phanle an i Italia pali kerdi aukcia taro panda nabijamo čhavo jekhake taro akala džuvlja. I daj e bebeskoro bikingja pe panda nabiame čhave bašo 350.000 aura (paše $ 500.000 amerikansko dolaria).
O oficialno persone pakjana kaj akaja banda e džuvlencar kergje asavki transkacie avere bebencar , po desavo drom bikinibaja sar nalegalno posvoiba , thaj podesavo drom thaj olengere organia da.

 

Romani familia sine la dikhiba e Papaja Francis

I familia taro Imer Omerović si kotor taro 14 familie lokaciajaj an o Kasal Brusiato, o than kote so sine o protestoa ko agorutne divesa, sine len dikhiba an i bazilika Sv.Jovan an o Rim e papaja Francis an o margine e mitingoske tari Eparhia.

O dat i daj thaj i tikni čhaj resle ko tikno dikhiba e papaja. Ola ko vakti tari liturgia thaj ceremonialo bešle ko anglune thana an i bazilika.

O Papa Francis dikhlja pe thaj kergje diskusia e romane familiaja an i saste privat ceremonia an i bazilika Sv. Jovan an o Laterano anglal te ovel o mitingo e opatencar thaj o pastoroa tari akaja eparhia.

I familia reslja barabutne e volontersko opersko giljavutno Rom taro hori Patrizia, majanglal reslja len o vice episkopi an o Rim Don Jampero Palmieri so gele ko anglutno kotor taro centralno bloko an i bazilika Sv. Jovan kote bešen sine oleskiri daj thaj o dat, o dat o Imeri em i Senada Omerović barabutne oleskere čhijaja i Violeta thaj o volonteri romano opersko giljavutno taro orkestro "Patrizia".


Link: https://www.ilmessaggero.it/roma/news/casal_bruciato_famiglia_rom_papa_francesco_oggi_ultime_notizie-4480688.html

FaLang translation system by Faboba

Mangava te vakerav

Momentalno Online

       Isi 568 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali