Socijala

Purane romane adetia: Mangljariba

Ko Roma isi adeti ko čhija so ka ooven mangljarde te vakerel pe “mangljariba”, em akava adeti sii le bur aktivitetia.

O korkoro lafi “mangljariba” na vakerel but akale adeteske, pa ake hari pobari ilustracia, kana o jeria ka anen decizia kaj olengoro čhavo si baro em vakti prandibaske , majanglal pučena kote isi čhaj so reslja prandibaske . Kana ka haven baši asavki čhaj , pučena ko si majšuži em majparni. E Roomenge majimportantno si I čhaj te ovel parni zte šaj olaja frdena baripa. A te sine em uči panda pošurkare.

Odoleske so kana jekhe romane čhaja si parni em bare kale bala  odova sikavela kaj olenge si oj but šuži. A kana asavki šuži  čhaj bi ovel olenge bori odolea si baro o baripa, majanglal olakere jerienge a palo odova em e terne čhaveske soske ka ovel oleskiri romni. A em e khereske kote oj ka avel,, Odothar iklilo em o lafi: Si ma čhori, parni sar rakhlori, jail Si ma bori, parni sar rakhlori.

Kana ka arakhel pe asavki čhaj ola mangljarena la, bizi razlika dali pendžaren jail na olakere jerien. Kana resena anglal o kher kote si I čhaj ola majbut počminen o lafi “ Šukar rat domakjinlar! Šungjem kaj isi tut čhaj mangljaribaske, em odoleske alem., Odola lafia dena dži ko džanlipa e gazdaske soske ale odola manuša ko oleskoro kher.  O dat te mislingja kaj leskiri čhaj alo vakti te prandinel pe akharel olen ko kher te khuven. Am ate miislingja kaj nane vakti oleskiri člhaj te prandinel pee m si tikni tegani ov vakerel e manušenge so ale te prandinen ole kaj našti khuven ko kher te mangljaren ola.

 

Link: https://muzejromskekulture.rs/obicaji/?fbclid=IwAR2XRM2HcHJ2cKVT5IP-AuiP2C527f_avir31OKeuWFYP-QRCW25xbuNaRk

Jekvaš masek palo meripa e 10 beršengeree Ananada tari Zenica, o jeria panda nadžanena sostar oj muli

Ko mediumia sine havljarde kaj ko 15 januari 2023 berš ko Kliničko centro an i Saraevo mzuli dešberšengiri Ananada Šuvaliž so sine lendi tari jeria em thanjardi ki Javno institucia „Familiarno kher“ an i Zenica

O jeria e čhijake Ananada Šuvalič vakeren kaj oj muli ki kantonalno hospitali ki Zenica.

O dat o Ismeti thaj I daj I Almasa bađo sa akava došakeren e Centro socijalno bukjengje an I Zenica.

 

Mangav salde te oven krisime akaleske. Ola arakhen la sine. Lele amender e čhija , a I čhaj muli, Te ovel sine amencar nane te ovel sine odova vakeren bašo portal Crna Hronika o jeria tari Ananda.

O doktorsko kontrole sikavgje kaj si taro meningitis , so astargja I jakh  thaj o šero , kote so I čhaj našti sine te kurtalirinel pe. I čhaj o dive angledervakerel sine kaj si la but dukkha ko šero em čhadela sine em sine la temperature ama na pobari taro 38.

Ki avgo kontrola o doktoria vakergje kaj si la lolo otoko ki jakh, Ama I člhaj vakerel sine kaj dukhalala I upruni vilica. O medicinsko testoa sikavgje kaj si meningitis, Pali dešberšengiri Ananda o dat lakoro sine o Ismet Tahirovič I daj I Almasa Šuvalič duj phenja thaj trin phralja.

 

Link: https://hayat.ba/almasa-i-ismet-roditelji-tragicno-preminule-anandi-neutjesni-samo-zelimo-saznati-istinu-o-smrti-svog-djeteta/851006/

 

Youtube:

Si li neko te kerel protektiva ko niamia e Romenge ko Parlamento tari Federacia BiH?

Ni jekh na kerel lafi bašo trampe so ka legaren ko drumo tari čačutni protektiva e nacionalno minjoritetenge . Akava šaj resel pe relativno lokheste  sar egzamplo te anen pe obligacie ko minimalno numero membria taro minjoritetia ko akava klubi jail implementacia minimalno membria desave minjoriteteske.

Trujal o fakti so o učo reprezento Kristijan Šmit akana sig bajrargja o numeroi taro delegatoa ko Parlamenti e naciengoro  an I Federacia tari Bosna thaj Hercegovina , o Roma nane te oven reprezentirime  ko akava ofisi.

O Parlamentoo e naciengoro si majimportantno ofisi an I Federacia tari Bosna thaj Hercegovina baši protektiva e nacionalno interesenge sar  e trin konstutivno nacie  agjaar da bašo o minjoritetia.

Trjal sa o niamia e Romengere sar majbutnumerongoro minjoriteti nane te oven protektirime prekal akava Parlamenti jekhutne soske ko akava ofisi nane te oven Roma, trujal so si klub anavkerdo sar “Avera”

E Europakiri Komisia akharela e themen membria te prekontrolirinen pire nacionalno strategie e Romenge

O problemia so si anticiganizmi, antiromano rasizmi, segregacua thaj diskriminacia an o EU isi panda, vakergja o komesari Dali.

E Europakiri Komisia akceptiringja I notacia naši nacionalno startegia e Romenge so si kotor taro olakoro plani ko periodi 2020-2030 berš. Kana kerel pe lafi bašo egaliteti, inkluzia  thaj lejbe than an I EU.

Ko masek oktomvri 2020 berš I Komisia prezentiringja dešberšengiri programa bašo lačhariba o šartia dživdipaske ko Roma an o EU thajh suporto baši lengiri integracia an o sasoitnipa. O nevo strateško plano si le odova holistikano akcepcia sar dži akana ama si akana bajrardi em buvljardi te šaj konektirinel pe o  egaliteti em akcepcia.žDiferencijaja taro anglutne runde ko buvljaripa, I integracia e Romenge si jekh taro šartia so valjani te pheren pe te šaj o thema kandidatia bašo EU te pheren o šarti te khuven ki late.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 424 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date