Socijala

I familia Ražnatović phravgje e bijavengere bakšišia: Kana genjnge o love – 300.000 eura!

Jekh dive palo o bijav o Veljko thaj I Bogdana Ražnatović gejnge o love, thaj dikhen sine o kovertia sar bijaveskere bakšišia.

Sar so hramonjela o srpsko Telegraf ko glamurozno bijav taro 480 misafiria, o terne reslje sar bakđiši te len paše 300.000 eura thaj javer moldime bakšišia.

Olen isi len da plani sar ka hardžinen o love a šunen sine da sovet tari Ceca so si šerutni ki familia.

-O terne palo o bijav sine but bahtale soske nakhlj a sa sar so valjani em sar so mislingje. Kana alo ko redo te phraven o kovertia lovenge akhargje em e Ceca so barabutne olencar gejnela sine o love. Ko kovertia majbut sine 500 em 1000 eura a sine desave thaj po 2000 eura.

Kana khedingje sa dikhle kaj isi len paše 300.000 eura vakeren o informacie tari familia Ražnjatović em vakeren kaj o terne na pakjana sine kaj ka aven dži ko odokhare baro bakšiši.

-Nane ni čudno so o Veljko em I Bogdana resle odokhar love bakšišeske, soske I Ceca kote te džal sine ko bijava sako drom mukhel sine bare bakšišia. Našti vakerav kaj ola na iznenadingje pe kobor love lele sar bakšiši ama odova lenge nane but importantno.

E Veljkoske em e Bogdanake sar em e Cecake sine importantno te ovel čače “baro bijav” – vakeren o informacie.

O romano aktivisto taro Norčeping, Švedia Almir Sali reagirinela: „ Ma freden i holi taro Zlatan Ibrahimović upral o Roma“

O pendžarutno fudabslko asi tari Švedska o Zlatan Ibrahimović akala dive holjankergja e fanen taro Malme aktea so ulo kogazda e fudabslko klubeske Hamarbi saste 25% akcie

O Ibrahimović plo fudabslko starti sine le ko Malme a posle te resel lumiakoro baripe kote khelgja ko buteder pendađrde internacionalno timia.

Havljarinaja kaj ov sar fudableri pohari agorkergja piro angažamno ko USA o fanoa taro Malme gindingje kaj ka iranel pe odori te agorkerel piri kariera. E fanenge ov sine fudavlsko stari em kergje leske bari statua so sine anglal o stadioni.

O Ibrahimović ko than taro Malme alusargja e Hamarbi sar klubi kote ka investirinel, Odova holjankergja but e fanen taro Malme em thargje i statua a sine hramosarde but bilačhe grafitia sar so si „Meren Romalen“

Odova grafiti ulo sebepi so gindinel pe kaj o Zlatan si Rom, trujal so ov nikana saste em phravdo na deklariringja pe sar Rom.

Ko akava reakcia kergja o romano aktivistio Almir Sali taro Norčeping so akhargja sa e romane aktiviston te reagirinen ko akava grafiti a taro ševdiakoro legaripa rodingje te identifikujnel e manušen so kergje akava akti.

O grafiti nane čače naivno em ilustririnel i natolerancia mujal o Roma tari akaja skandinavsko them.

Dži akana ni jekh nane asatrdo!

Pinda Roma tari Frushe Kruja, Albania bizo hajbe em kebe nakhen o divesa palo phuvjakoro tinaniba.

Premal o romane aktivistia tari Albania, palo katastrofalno phuvjakoro tinaniba so sine ki Albania, pinda Roma upreder 10 romane familie si bizo konkretno arka. Olen nane len ni hajbe ni kebe ko akala phare momentia olenge.

Olenge trujal o hajbe em kebe trubul em šatoria jali aver forma akomodacia soske si avri gtaro pire khera.

Odoleske i organizacia baši integracia Porta Roma akharel sa e Romane thaj naRomane organizacie te den suporto akale familenge so trubul olenge soske si avrial taro khera.

Ola apelirinen em akharena sa e humanitarno organizacien tari Albania em aver te den suporto em te ovel urgentno reagirime odori odole familienge.

Novi Pazar: Amalipe sar egzamplo

I familia taro Ruždi Suljević ko Novi Pazar avili angleder 25 berša. Taro sa vakti sine len čorolikano thaj pharo dživdipa. Ov mulo persi berš em o sasto pharipa e familiakoro prepelo oleskere čhaveske o Jasmin (30) so but phareste resel te parvarel oleskere romnja e Dželjana (27) , oleskiri daj i Jagoda (58) i phen i Semedina (26) thaj o čhave i Ajsel (11), Emran (9) Edin (8) thaj i Darka (5).

Trujal o nanipa em čorolipa ov bukjaja parvarel pire familia bizo te lel socialno jali te mangen devlenge.

Sa taro o čhave džana ki škola. Olen trujal so nane olen pani thaj desavo drom em elektrika, sako drom si uže em namelale. Odova vakeren olengere komšie, so desavo drom den len em materialno arka.

Jekh drom i tikni Ajsela ki škola sine len tema te hramosaren olengere khereske, em oj ko than kartonsko sar so si, oj hramosargja kaj isi len baro ko duj spratia kher, bari avlin pherdi lulugjencar. Kana pučljaja i sikavni agjaar li si čače olengoro kher, oj vakergja oja, ama salde ko olakere sune.

Olate mangen i sasti škola em lakoro klasi taro 4/3 klasi em bizi diferenca kaj si čoroli olaja si sa o čhave em amala, a majšukar amalinja si i Jana Milanović, Ana Acković em i Andrea Ilić.

O novopazarcia džanen i sasti situacia akale familiake em ki akana sig kerdi humanitarno akcia ola e familijake Suljović khedingje em dengje len love 600 eura.

FaLang translation system by Faboba

Mangava te vakerav

Momentalno Online

       Isi 66 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali