Socijala

Sar o Rom o Reuf Seferović taro Goražde havljargja I manipulacia em I hohavni sevdža bašo o butipa ko hari Hrvatia

O Reuf Seferovič, 28 beršengoro terno Rom khuvgja ki buti ki komunalno kompania ko Goražde sar kotor e programake Federalno agencia bukjarnipaske. Agjaar ov ulo o avgo romano so khuvgja ki buti tari akaja diz Goražde. Em dikhen paradoksi, informacia so ko akava 21 veko , o avgo Rom khuvgja ki buti ki šerutni diz ko akava region ki Bosna thaj Hercegovina.

O Seferovič ni dužno ni bango ulo sinonimi kaj ov si o čačutno status e Romengoroa ama em avere minjoritetengoro ki Bosna thaj Hercegovina, soske sebepi piri buti ov ulo šerutni informacia ko mediumia ki Bosna thaj Hercegovina,

Akaja ladžavutni informacia bašo“ avgo Rom so khuvgja ki buti avela taro Bosansko podrinsko župania , so ko agorutne masekoa sine sar centro taropolitikane mediumeskere debate ko  alusaribaskere reforme . O paradoksi

Si o fakti so ki akaja diskusia so si fokusea ko niamia sa okolenge sar minjoritetia ko akava regioni, faktea kaj sa okola so nane Bošnakia.

 

Link: https://www.vecernji.hr/vijesti/kako-je-rom-reuf-iz-gorazda-razotkrio-manipulaciju-i-brigu-vecine-za-malobrojnije-hrvate-1611202

I Romani jekhin trujal sasti lumia kamel te sikavel piro solidariteto premal i Turkia thaj Siria palo katastrofalno phuvjakoro tinaniba

E naturakiri katastrofa so uli ko palokurko ko javinakere saatia ko 6 fevruari 2023 berš ko dakšimalo kotor tari Turkia thaj utaralo kotor tari Siria na mukhlja nikaste sar te ovel leske jekh a jekh. Sako dive resena sine informacie , video bašo diferentno  manušikane jazie taro odola regionia kote o numero taro mule thaj ratvarde tari minuta ki minuta bajrola thaj legarela dešencar milje manuša.  I lumia si ko pire thaj kamel te del suporto. Ko majbaro kotor savorenge ki amende džangavgjovela oo humano aspekto. I Romani da jekhin sakote an i lumia ko jekh konektirinela pe ko sa o forme taro humanitarno aspekti em humanitarno akcie.

Prekal o socialno netvorko bičhavena pe informacie thaj vaktavina kote si em o Roma te organoizirinen pe humanitarno akcie a palo odova te bičhaven pe ki Turkia thaj ki Siria.

Bizi diferenca taro socio ekonomikano statusi odole Romengoro majbaro kotor olendar keren akala akcie. Ko momenti majimportantno si te ovel len odova humanitarno sensi . Em odova humanitarno aspekti ko pobuter Roma akana si aktivno.

Importantno si ko akala phare momentia majanglal si te ove manuš te del pe suporto okoleske kaske si majphareste. A odova si akala manuša akana tari Turkia thaj Siria. Oven humano bizi diferenca taro nacionaliteto , rasa . Savore siem manuša !!!

Si li o čorolipa sar konsekvenca taro etnikano preperutnipa?

O čoročlipa nane karakteristika taro nacionaliteto, numa konsekvenca taro but složeno socialno, ekonomikane, thaj politikane faktoria. Konektiribaja em faktoria sar so si naegaliteti , nanipa šajdipa ., nakvalitetno edukacia em sastipaskiri protektiva, nanipa infrastriuktura , buti thaj socialno siguriteti.

O čorolipa šaj ovel em konsekvenca tari bilačhi situacia akana I them na funkcionirinel ko interes e dizutnenge em na anela efektivno politike ko nakhaviba o čorolipa.

Odoleske si importantno te kerel pe buti ko nakhaviba o čorolipa em zojrakjeriba taro ekonomikano thaj socialno jekha jekhipe ko sa o dizutne prekal barabutno aktiviteti an I them sasoitnipe  thaj internacionalno organizacie.

Dopherdo o čorolipa šaj te ovel em konsekvenca tari diskriminacia em najekha jekhipe , kote so nesave jekhina konektiribaja em o minjoritetia , džuvlja, LGBT thaj aver marginalizirime grupe, so si len pohari šajdipa em majhari konekcia dži ko resursia taro avera.

O stereotipoa thaj o predrasude khelen importantno rolja ko panda pohor keriba e čorolipaske em diskriminacia akale jekhinenge.

Te šaj te nakhel o čorolipa, valjani te implememntirinel pe sitemsko trampe ki ekonomikani thaj politikani struktura em konektiriba ko sa o relevantnoi faktoria an o aktiviteti te nakhaven o čorolipa.

Trubul interdisciplinarno akcepcia so ka konektirinen ekonomikane, socialno , politikane thaj kulturakere dimenzie , em konektirina sa e jekhinen ko procesoa ko aniba decizie.

O čorolipa našti nakhel prekal I rakj, numa rodela pe lungovakteskere em zorale aktivitetia ko sa o relevnantno akteria . Importantno sit e startujnel majteleperavde jekhinenge em te kerel pe buti e teleperavde jekhinaja te zojrakeren pe olengere kapacitetia em te bajraren pe o šanse sukcesiale aralkhle pe e čorolipaja.

Importantno si te akcentirinel pe kaj o čoročlipa nane karakteristika taro nacionaliteto, numa konsekvenca taro but složeno socialno, ekonomikane, thaj politikane faktoria. Konektiribaja em faktoria sar so si naegaliteti , nanipa šajdipa  nakvalitetno edukacia em sastipaskiri protektiva, nanipa infrastriuktura , buti thaj socialno siguriteti.

Aleksandar Baurov - Rom so kergja thaj lansiringja I avgo vselensko raketa

O Aleksandar Baurov si rusiakoro Rom tari familia kote soine pendžarde artistoa, muzičaria thaj giljavutne. Ov bašavel sine gitara ko Ansambli , ama em studirinela sine elektromehanika thaj komunikacia  an o Leningrad. Ko vakti tari Dujto lumiakoro maripa sine notirime sar komandanti baši konekcia thaj suporto e Armiake em palo odova ulo komandanti e 1-to havaeskiri divizia. Palo o mariba ov sine phursarkerdo sar nacionalno heroi , em gelo ko sovetsko korpusi taro inžineria so kergje em lansisirngje I avgo sovetsko raketa em khelgja importantno rolja ki programa Sputnik 1.

Ko 4 oktomvro 1957 berš  o Sputnik 1 sine sukcesiale lansisirme ki orbita e Phuvjake sar lipar ki Oktobarsko revolucia. Sine lansisirme taro kosmodromi so tegani sine ko ex SSSR an o Bajkonur , ko avdisutno Kazahstan.

 

Link: https://romskikutak.info/index.php/2023/02/06/rom-koji-je-izgradio-i-lansirao-prvu-svemirsku-raketu/?fbclid=IwAR2F_0Id1AEgwzvU1YFPBbWrd-vAA6MiJrFfcsORl5aFmMk1QFaWUrL1SBg

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 387 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date