Socijala

O roma tari mahala "Prcorek", Veles dživdinen an o margine dživdipaske

Ko pervazia e proektoske "Mapiriba ko diferencie ko kherutnipa e Romenge" so si finansirime lovencar tari Europakiri Unia , o timi taro ZRDICM taro Skopje sine an i visita e romane mahalake anavkerdi sar "Prcorek".

O Roma tari odoja lokacia si len bare problemia kana si o lafi dromeskiri infrastruktura , thaj tikno napon elektrika .
Ko jekh i akcepcia o droma dži ko oleneger khera si but pharo aso i lokacia kote so ola dživdinena.
But phareste dži olende šaj avela medicinsko arka vordona jali mujaljagakere ekipe.

Tari komuna notirinena kaj kerel pe buti aso odoja lokacia thaj planoi te šaj akala da Roma dživdinen normalno thaj ka keren investicie an o odola problemoa.

I situacia akanaske si sar anglutne berša thaj notirinen kaj akava problemi ko sig vakti ka šaj te faisalkerel pe alternativno propozaloncar.

Smederevo: Netvorko bašo majlačho dživdipa

I romani mahala Mali Krivak an o Smederevo ko nekobor agorutne berša resle thaj kanalizacia. I vakuumska aparatura si kerdi bašo 329 familie thaj si jekh taro majmoderno an i Srbia.

Oj si realizirimi an o pervazia e proektoske "Progresia an i infrastruktura" sar IPA proekti 2013 so dengja 1 milionia eura, thaj i komuna dengja 282.000 eura.

- Akate taro 329 familie dživdinena 2.500 Roma.

O kapaciteti akale instalaciake si duplo majbareste thaj agjaar faisalkeren pe o problemia an i akaja zona. akcentiringja e dizjakiri šerutni Jasna Avramović thaj preciziringja kote trujal 3 kilomteria netvorko , kerdo si buti tari rig i firma" Telekomunikacia " taro Blace so kergja 1.500 metria atmosfersko kanalizacia.

 

O Papa rodingja jertisaripa sebepi e Romenge so kerel pe diskriminacia

O papa Francisk rodingja jertisar taro Roma sebepi i diskriminacia an i historia so sine kerdo akale jekhinake an i Europa  thaj sikavgja respekto e katolikonge an i Romania kote sine telel terori ko vakti taro Komunistia.

– I historia sikavgja amen kaj e hristianenge em o katolikoa keren sine odova bilačhipa. Kamav jertisar akaleske vakergja o papa ko pli trindivesengiri visita e Romaniake.

O papa ropdingja jertisar taro Roma sebepi "but bilačhe aktia" so sine kana kerel pe lafi baši diskriminacia, segregacia thaj terori. Ko agor e visitake an i Romania ko aeroporto ko Sibiu ikergja ceremonia aso oleskoro džajbe kote than lelja o romansko presidento Klaus Johanis.

Palo odova o Papa irangja pe ko Vatikan.

Ka arakhel pe li faisali bašo 24 romane familie so si ki Purani Kasarna ko Kočani? O Roma vakeren kaj si bisterde!

An o 21 veko te dživdinel bizo pani thaj kanalizacia, an o fekalie, deponie thaj than taro infektivno nasvalipa , a si locirime ko pašipa e centroske tari diz. Asavke šartia si upreder 24 berša akale 24 familien so si an i Purani Kasarna ko Kočani. Odothe isi 100 Roma konektiuribaja em 39 čhave.

Ola vakerena bizi diferenca savi politikani garnitura si an funkcia , o dende lafia si jekha jekh a faisali panda nane. Bizo fundavutne šartia dživdipaske akale manušenge so si mukhle korkoro peske. Ola vakeren kaj si bisterde thaj si interesno salde kana isi alusariba, aven o političaria, dena lafi em odokhare!

Tari komuna e dizjake Kočani o dizjakoro šerutno Nikolče Ilijev , ekskluzivno e portaloske Roma Times vakerel kaj i lokacia Purani Kasarna isi la arakhli lokacia thaj satsi dokumentacia te startujnel i realizacia . Te šaj kerel pe o sasto objekti so si an o plani si 350.000 - 400.000 eura.

E komuna nane la odola love thaj planirinena prekal aplikacie ko proektia te kheden love te šaj startujnel o tamikeriba an i nevi lokacia so si anavkerdo sar Kvarto 5. Planirinel pe te oven akomodaciakere objektoa bašo 24 familie thaj plus 4 sar rezerva.

Kana ka ovel odoja realizacia nane nikaste sasto antvorto.

FaLang translation system by Faboba

Mangava te vakerav

Momentalno Online

       Isi 156 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali