Socijala

Kadiz, Špania: Dali o špansko Rom o Daniel Himenez si panda jekh viktimi taro policiakoro brutaliteto?

Ka kerel li i godi buti? Ka havel pe li o čačipa? Dali o mudaripa taro terno Rom o Daniel Himenez ka ačhol bidikhlo taro narodo?

Akala pučipa dena peske i paše familia, amala em jeria taro Daniel.

Oleskiri familia vakerel kaj o Daniel mulo telal tragično em napendžarde aktia ko policiakoro stasioni ki provincia Kadiz.

 

Ko raportoa tari i policia vakeren kaj ov na mulo taro mariba. Akana sa si ko vasta taro krisoskere institucie em institucie kontrolake. Si li o Daniel viktimi sar ki seria atakoa taro policiakoro brutaliteto so agorkergja meripaja.

 

Liparibaske si o pendžarutno akti taro Džordž Flojd taro Mineapolis kote minorno bukajke sine mudardo taro policajco. Premal i versija ov sine astardo soske manglja te pukjinel 20 dolaria hohavne bankarsko karticaja.

Ko Daniel Himenez o akti si kaj ov sine astardo tari policia soske astarel sine maćčhe, a na sine le sertifikato te astarel mačhen.

 

Saste notiri,e pohari jali majbuteder ko akala da duj aktia isis učharin tari rasizmop so si amenge ki godi em aktia so bajrol I napakjiv maškar o minjoritetoa em o hegemonistikano sasoitnipa kaskoro rezultati dikhela pe kaj nane jurisdikcia ko sa o forme tari diskriminacia.

12 berša taro meripa e thagareske e romane muzikake o Šaban Bajramović

Angleder 12 berša mulo o Šaban Bajramović. A o muzikairi lumia našavgja jekh prependžardo vokali eem energia. O magazini „Time“ notiringja le ko 10 majbare bluz vikalia ki lumia, a ko beršipa taro oleskoro meripa na bistergje em oleskere “Kale mambe” kote I truba đunel pee m avdive da ko Niško kej trujal o monument tari akaja legenda.

 

Taro Nišvil so sako berš kerel o festibvalo em si lipardo o Bajramović. Trujal so o phursako legarel oleskoro anav em o kocepto taro kej, hramosaren kaj o Šaban si jekh taro majbare legende.

O Nišvil ki korelacia e Ministeriumea baši kultura ki Srbia 6 masek palo meriba taro Šabani kergja baro koncerti ko „Sava Centro“ ko Beograd anavkerdo sar o Šaban Bajramović end friend“ kote than lele i Misteria taro Bugarskjo vokalia, Juldis Ibrahimova, Dado Topić, Sounds of South, Lusi, Zoran Predin, Kale Mambe, Diksie pogon em i thagarutni e romane muzikake i Esma Redžepova.

 

O Šaban Bajramović nekobor droma lelja than ko Nišvil, a o Grand Prix so beršencar baši fuzia o jazz em aver muzikaere stilia – so sine akanavkerdi primal o Šaban Bajramović.

 

Link: https://rominfomedia.rs/?p=17684&fbclid=IwAR3p1eOJfZbKgnAhKDlYrOiU-0gHkTxwB7zpsEZmyewPlwPdv-d9H0uXu7M

Miri konkluzia: Soske o COVID-19 „na khuvela„ ko romane mahale?

O Roma saste na trubul te ikeren fizičko distanca ko ple jekhina , soske I them šelberšencar ikeren len dur pester ki izolacia - distance. Na vakerav kaj nasine riziko I korona te avel ko romane mahale ama pobaro rizikotaro virusi sine e manušen so džana ki buti po duj trin džene ki familia, te džan ko marketia em trgovsko centroa,m ko šoping, ko banke te vazden love, ko doktori ko hospitalia soske beršencar o Roma na džana em angleder I pandemia.

 

I poenta “ I korona na avel misafiri, oja avel korkoro “ te dikhlja pe jekhe rigatar te astarel pea kava virusi valjani te pheren nesave stabdardia . Trujal so majbaro kotor taro romane mahale I infrastruktura si ko majminimalno nivelo , akala mahale bukavlno si “phanle” avrutne presiendar.

Okova so kamav te vakerab si akava: Dži kote pak avel bari pandemia te vakereav tumenge jekh vaktui te dđan ko romane mahale tumen so na sien Roma ko desave romane mahale so si tumen trujal tumare dizja.

 

Čače paj nane pani, struja, em tumaro lačho vorda soj oparno ili metalik ka ovel saste melalo taro čika em dromia bizo asfalti em čače ka dživdinen e Romencar ama odoleske saste ka oven izolirime tari resto lumia.

E akana dali čače nane te inficirinen pe taro korona virusi , našti vakerav 100% te garantirinav, ama ma te inficirinen si bare o šanse soske saste si izolirime taro resto lumia, te na vakerav bukvalno bisterde. Po desavo drom šaj ka avel nesavi TV ekipa te sniminen em te keren atrakcia prilog demek o Roma na legaren maske, ama sako čudo trin divesa!

Den pe godi- Tumen anen decizia!

Leskovac: Avgo notirimo akti tari koronavirusi maškar Roma

Palo paše trin masekoa kana sine notirime o avgo akti taro Covid 19 ko Leskovac akala divesa sine notirime o avgo akti tari korona maškar o Roma.

 

O nebojša Dimitrijević , direktori tari Dizjakoro hospitali ko Leskovac, vakergja akaja informacia em vakergja kaj kerel pe lafi bašo phral em phen  kaskere testia iklile pozitiv ko Covid 19.

 

Premal oleskere lafia olende isi tikne simptomia em si ko hopspitalo ko Leskovac. Te uli olengiri situacia majbilačhi ola ka oven legarde ko hospitali ko Niš.

Ko jekh o Dimitrijević vakergja kaj olengiri 80 beršengiri daj si testirime em udžaren pe em olakere rezultatia taro akala testia.

 

Link: https://rominfomedia.rs/?p=17615&fbclid=IwAR0_GxqXzueKGUOM8QCbTcW23M7vljKEo0eieEOtMCn6PUPZrEhav2rzxdg

FaLang translation system by Faboba

Mangava te vakerav

Momentalno Online

       Isi 90 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali