Šutka NEWS

O Ginekologo tari Šutka hohavgja sine bašo plo bukjarno džanlipa

I American Hospital tari Tirana, Albania kergja reakcia dži ko makedonikane mediumia so dengje i informacia kaj i d-r Vjolca Mbiara kotor taro plo bukjarno aktiviteto sine la an o odova hospitalo. 

A so American Hospital  i d-r Mbiara nikana na kerel sine buti an o akava amerikakoro hospitalo an i Tirana thaj notirinena kaj seriozno peravena o respekto  olengere kompaniake an o regiono.

Pali akaja reakcia tari Amerikansko hospitalo an i Tirana anel pe dži ko pučiba ko čače kerel buti an i poliklinika ko Šuto Orizari  sar ginekologo , soske olakoro agjaar notirimo "bukjarno džanlipa" sine akcentirime sar jekh taro ošerutne adutia so sine prezentirime kana startujngja bukjaja an o Šuto Orizari kote na sine ginekologo lungo vakti.

„Avava tari Albania kote so agorkergjum o studie an o Medicinakoro fakulteto an i Tirana, startea taro 2000 berš, thaj agorkergjum an o 2006 berš. Kana agorkergjum e medicinakere studie sine man duj beršengiri praktika an i themakiri klinika an i Tirana  thaj odova an o periodo taro duj berša ( 2006.-2008. berš). 

Read more ...

Duj pretovarne stasionia an o Šuto Orizari thaj Vardarište ka resel e Skopjakoro regiono

E Skopjakoro regioni ka resel duj pretovarno stasionia . I jekhto si an o Šuto Orizari , so ka servisirinel o komune Butel, Gjorče Petrov, Karpoš, Saraj, Čučer Sandevo thaj Šuto Orizari.

O dujto ka ovel an o Vardarište , an i Gazi Baba thaj ka servisirinel o komune Gazi Baba, Aračinovo, Petrovec thaj Ilinden.

O komune Aerodrom, Kisela Voda, Centar, Čair, Zelenikovo, Studeničani thaj Sopište ka legaren piro gunoj dži ko centro gunoeske an i "Drisla".

Akale dopherde stasionencar thaj punktia ka šaj te ovel lokheste legardo o sasto gunoj taro komune kote so keren pe o dži ki deponia "Drisla". Legaribaja akale punktoncar ka keren  i diz Skopje, jali prekal themakiri fiorma "Komunalno higiena" - Skopje.

Read more ...

O ginekologo an i ambulanta ko Šuto Orizari sikavel e Romane džuvlen ma te keren abortusi aso religisko faktoria

I doktorka i Vjolce Mbiara, so angleder jekvaš berš kerel buti an i poliklinika an o Šuto Orizari sar ginekologo, phravde vakerela kaj notirinel sine e romane dživlenge so si dovogjende ma te keren abortus aso religiakere faktoria.

I Vjolca si tari Albania kote kergja buti an i jekh amerikakoro hospitalo . An o Šuto orizari angja la o ex ministeri sastipaske . Arben Taravari te faisalkerel lungoberšengoro problemi so nane ginekologo an i akaja komuna.

„Avena džuvlja so kamen te keren abortusi, čorole jali siko berša kana isi len thaj unukia. Amen notirina kaj na trubul odova te keren. Ake 3-4 romane džuvlen kergjem ma te avbortirinen! vakergja i Vjolca.

Read more ...

O Šuto Orizari bizo love bašo likalno alusariba

I komuna Šuto Orizari nane la love te hazrkerel thaj implementirinel o lokalno lausariba so ka oven an o 15 oktomvri akava berš a o džovapu reslo si taro avgo manuša an i komuna „Rodaja fundavutne šartia bukjake numa reslem salde jekh printeri thaj jekh kompjuteri. O TAK bičhavgja depeša dži ki komuna te arakhel šartia thaj thaj e KAK thaj amen odova rodaja tari komuna tehničjo alatke administrativno thaj so si majimoprtantno finansie bukjake taro KAK thaj Alusaribaskere ofisia. Sine amen thaj dikhiba e dizjakere šerutnea tari komuna Šuto Orizari , numa ov vakergja kaj e komuna nane la love" Akana pukjinav taro mire personalno love numa trubul neko te iranel odola amare love" vakergja o Fahri Sali, presidento an o KAK Šuto Orizari.

Read more ...
FaLang translation system by Faboba

I WANT TO SAY

Momentalno Online

       We have 147 visitors watching ROMATIMES.NEWS

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal