Ko lačho ambienti e hotelesker Brioni an i Pula ki kinara e jadraneske an o 26 Maj ikergja pe i tradicionalno manifestacija Mis Internacionalno majšuži Romani Čhaj 2018 berš an i organizacia tari SP BTR thaj koordinacia tari Udruga Roma tari Pula.

An i pherdi terasa e hoteleske anglal i publika akava drom prodefiliringje romane čhija tari Croacia, Turkia, Iralia, Srbia, Makedoniqa, Rusia, Kosovo, BiH, Špania, Slovenia thaj Albania.

Ko vakti e defileskeo kandidatke sine ko trin oficialno rote thaj agjaar sikavgje e publikake piro šužipa thaj šarmi e unikatno koreografijaja.

Sar jekhnotirime plania sar sako berš akava da taro 25-27 maj 2018 berš i SP BTR Produkcia akava drom e hrvatsko organizaciaja "Udruga Roma Istre" - Pula Croatia, ka organizirinen o Tradicionalno " Mis Internacionalno Romani majšuži čhaj 2018"

Akaja manifestacia tradicionalno kerel pe sine ko nilaeskoro periodi an o Skopje.
Sebepi o interes thaj atrakcia akale manifestaciake , trujal i SP BTR Produkcia sar koorganizatori ka ovel thaj i "Udruga Roma Istra" tari Pula thaj olakoro presidento Veli Husein sar koorganizator.

I manifestacia ka ikerel peko lačho ambienti trujal i Pula ano hotelo "Verudela"
Odoja rat baši i titula majšuži romani čhaj ka len thaj 15 romane čhija tari Croatia, Makedonia, Bosna, Albania, Bugaria, Srbia, Slovenia, Austria, Slovakia thaj Italia.