Култура

An i Almeria sine prezentirimi8 autentično marginalizacia e Romane tetaroske tari Sevilja prekal o performanso ‘Fuente Ovejuna’

O performanso ‘Fuente Ovejuna’ ko nakhlo vikendi sine skavdo an i stejdžo "Auditorio Maestro Paddila" kote sikavgje klar egzamplo taro zor e teatareskiri thaj kulturakiri sar fundamento e sasoitnipaske so akava proekto sine suportime taro UNESKO sar transvezalno elemento .
Akava si egzamplo sar desave Romane džuvlja resle te ikljon tari anonimnost thaj učahrin tari Sevilja sebepi o teatro.

Повеќе...

Simeon Atanasov an o piro FB demantirinel kaj čorgja o muzei tari Esma: " Na valjani mange - oj dengja man buteder taro so valjani sine mange!"

Akala divesa nekobor makedonikane mediumia iklili informacia kaj o Simeon Atanasov, čhavo tari legendarno Esma Ređepova - Teodosievska. sine legardo an i policia sebepi akcentirimo čorib so kergja ko kher tari Esma, barabutne e Eeleonora Mustafova vokali an o „Esma's Band“ . Akale akteske ov akcentirinela kaj sa akava si baro hohavnipa.

Ov an o piro FB profilo taro 22 aprili hramosargja:
„ Sar čhavo taro hulavde jeria. panda sar čhavoro sine man baro talenti an i muzika. An o 1984 berš palo propozalo taro nesave manuša an i policia an o Kočani thaj mo dajo Brana barabutnee unukoa taro Stevo Teodosievski, Stanislav geljum an o Beograd an o educiriba ki penđarutni škola tari Esma thaj o Stevo Teodosievski.

Повеќе...

Historia e Romenge taro Montenegro

Avdive olengoro numero an o Montenegro aso i statistikani operacia taro 2011 berš legarela 6.215 Roma. Salde an i šerutni diz Podgorica olengoro numero si paše 4.000 Roma.
O avgo aviba e Romenge an i teritoria ki avdisutno Montenegro datirinena taro XIV šelberšipa, kana ko vakti tari Mletačko republika resle an o montenegroskiri kinara tari utarali Italia thaj Grcia sar robia.

Olengoro thanjariba konektirinel pe thaj avipaja e Osmanliencar. Notirime si kaj o Roma si istemalkerde sar bukjarno takati an o Herceg Novi an o 1508 berš. Kana o Bar thaj Ulcinj sine okupirime taro Osmanlie an o 1571 berš o ulcinsko gusaria kinen sine e Romen sar robia an o Tripoli thaj sar robia anen pe sine ko Ulcinj kote so bikinen pe sine.
O Osmanlie istemalkeren sine sar zanaetčie so sine thanjarde ko mahale. Soske jekh grupa hulavel pe sine sar lačhe kovačia odoja grupa si hulavdi sar -Kovačia (tipično e dizjenge Bar, Ulcinj thaj Podgorica).

Повеќе...

Biavengiri sezona: Jekh normalno tikno biav an i Makedonia 200 misafirencar si majhari 4000 eura

Avel paše o periodi e biavengoro an i Makedonia. O restorantia hazrkeren pe sezonake akale periodeske an o berš. Ko jekh em o šnajderia, o butkia, dukania lulugjengje thaj sa o aver biznisia so isi len profiti biavencar. Odola biznisia majbut džan an o odoja sezona.

Majhari 50 milionia eura! Akala si love so sako berš hardžinen pe bašo keriba biava an i Makedonia.
Aso o statistikane informacie taro Ofisi statistikake sako berš an i Makedonia isi po 14.000 prandina. O kalkulacie sikavena kote bašo jekh skromno biav taro 200 misafiria hardžinen pe majhari 4.000 eura. Numa džanel pe kaj isi biava kote hardžinen pe thaj po 10.000 eura. Agjaar avel pe dži ko proseko taro 50 milionia erura an i sezona.

Повеќе...