Сакам да речам

Majstore aj phrav o udar te ikljovav!

Kaj si o Roma palo 27 berša taro biathinalipa an i R.Makedonia. So reslem dži akana? Te čhivgjem pučiba sa so si e prefiksea "Roma" an i R.Makedonia ka trubul nevi edicia e pendžarutne lileske " Soske, sar, kaske, kote thaj kobor" taro pobuter šel riga hramosardo teksti.

Pučiba taro sa o sfere sar so si civilno dživdipa, politika, ekonomia, sociala, kultura, kanoni thaj panda but aver sfere.
O akanutnipa e Romengoro an i R.Makedonia si akava: But majbaro intelektualno kapaciteto thaj kadart taro baro numero diplomirime Roma, a aemn siem panda an o intelektualno thaj mentalno podrumi an o makedonikano sakodivesa!

Повеќе...

Kobor i them akceptirinel o Romane inicijative ? „O džukela havlajnena, o karavani džala"

Dikhibaja o faktia thaj o numeria sar jekh notacia i R,Makedonia taro piro biathinalipathaj sa dži ko avdisutno dive - 27 berša, trujal olakoro proklamacia sar jekh multietnikani, multikulturikani thaj sa e jekhinenge jekh them, iranel pe i gind kote an i praksa odova nane agjaare "pink" .

An o akava ka akcentirinav o momenti e Romane jekhinake kote aso i Statistikani operacia - Gejnipa (Popis) an i RM taro 2002 berš o Roma si sublimato paše 2,7% (53.879), kote o Roma si štarto an o rango aso etnikano gejnipa sar etnikani jekhin (palo Makedoncia, Albancia thaj Turklie).

Pendžaripaja o saste faktičko deklarativno napia tari socialno inkluzia (civilno inkluzia) thaj bukjarnipa si seriozno momento kote an o kontinuiteto arakhel pe i Republika Makedonia . O bibukjarnipa si problemi so arakhen pe sa o target grupe taro persone bizi buti taro teleperavde kategorie sar so si o : terne, butvakteskiri bizi buti , socialno arka so lena, persone bizi bari edukacia thaj avera.

Повеќе...

Si li piloti an o aeroplano? I statistikani operacia gejniba an o 2020 berš bizo pučiba baši etnikani thaj religiakoro identifikacia

I statistikani operacia gejniba an i Makedonia so ka implementirinel pe an o april 2020 berš . Planirinel pe te oven angažirime paše 5.000 anketaria an o 8 čhibja so ka kerel pe kombinirimi metodologia : informacie taro tereni, informacie taro registria, si notacie an taro brifing e žurnalistencar taro direktori e Themakere ofisoske baši statistika Apostol Simovski.
Ko propozalo taro Themakoro ofiso statistikake an i draft verzia e kanoneske bašo popis rodela pe ma te ovel pučiba bašo etnikano thaj religiakoro preperutnipa te šaj akaja statistikani operacia protektirinel pe tari politizacia , numa te ovel pučiba baši čhib , jali i čhib so kerel ope noramlno komunikacia an o kher thaj sar pli dajakiri čhib.

Повеќе...
FaLang translation system by Faboba

Сакам да речам

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот