Едукација

Havljardo o konkursi bašo 752 stipendie an o pandž kategorie e siklenge e Romenge - srednoškolcia an i Republika Makedonia ko sikljojbaskoro 2017/2018 berš

O ministeriumi bašo edukacia thaj uka finansisko suportoa taro Romano Edukaciakoro Fondi tari Budimpešta ko sikljojbaskoro 2017/2018 berš ka del 752 (efta šel thaj pindu duj) stipendie an o pandž kategorie sikle Roma hramosarde ko jekhto, dujto, trinto thaj štarto klasi taro themakere thaj privatno mašarutne škole an i Republika Makedonia.

O kriteriumia so dena pe o stipendie si:

1)Te oven oficialno sikle hramosarde an o jekhto, dujto, trinto thaj štarto klasi taro themakere thaj privatno mašarutne škole an i Republika Makedonia:

2) Te na pele ko anglutno sikljojbaskoro berš;

3) Te na len stipemdia tari aver institucia jali firma;

4) Te oven Roma thaj

5) Te oven themutne an i Republika Makedonia.

Повеќе...

Alvin Salimovski nevo direktori ki fundavutni škola Phrala Ramiz thaj Hamid

Ov si notirime sar nevo direktori an i akaja škola ki komuna Šuto Orizari.

O Alvin si diplomirime filološko fakulteti ko Skopje 2005 berš, thaj taro odova periodi kerel but sar nastavniko ki odoja škola so sikavel sine e čhaven an i Germansko čhib.

Ov ko jekh angleder da sine direktori an o 2007 berš numa an i odoja funkcia ačhilo salde 6 masekoa.

Definitivno palo 10 berša akana palem si notirime sar dikretkori akale školake.

Повеќе...

Ajša Alić: I edukacia e romane čhavenge si majlačho avutnipa sar olenge thaj e themake

I Ajša Alić kerel buti sar pedagoško asistento an i FŠ "Vuk Karađić" upreder 15 berša.

Paše 97% taro olakere sikle si Roma. Sa akale beršenge oj olencar sine barabutne ko olengere jazie so but droma kergje la bibahtali, a sine thaj momentia kana o čhave čačutne keren la sine bahtali.

„Kana avilem an i akaja škola, majangleder kerav sine buti angliškolsko grupa. Me džanav sine kana ka nakhav sine tari mahala, kote me da bešav odori , ka arakhav ččhave trujal o gunoj, ka lav le vastendar, ka anav le khere mande, ka thovava oleskere vasta thaj muj em ka legarav le ki škola.

Повеќе...

Tari higieničarka dži ko Doktoro Naukake

Sa o Romanja trubul te pakjan an i peste, thaj kana ka keren desavo plano odova trubul te keren, numa ma te ačhoven ki avgo blokada, akcentirinel i Maria Aleksandrović Doktoro palo Nauke.

I Marija Aleksandrović nakhlja akava pharo drom taro fizičko bukjarni, bukjarni ko umalja, higieničarka dži ki funkcionerka an o Govermento an i Vojvodina.

I Marija barili ko čorolipa pe diajaj, phralea thaj phenjasa . Khuvgja ki buti ki lokalno ciglana kote legarel sine cigle taro javin dži ki rakj, jekhe gndipaja an i peste: te educirinel pe thaj te kerel sukceso an o dživdipa.

Повеќе...