Едукација

Jekvaš taro Roma si bizi edukacia - Na džana ki škola palo o jekto jekvašberšeskiri edukacia

O Romane čhave so hramosarena pe an o avgo klaso ki fundavno škola majbut ačhona an i škola o jekhto jekvaš neršeskiri edukacia a plao odova na džana. Paše 50% čhinavena i edukacia taro diferentno faktoria, sar so si napendžariba i čhib, thaj našajdipa te den antvorto ko sa o rodariba tari edukacia:

"Na džana te educirinen pe soske na džanen i makedonikani čhib, thaj našajdipa te konektirinen pe an o edukaciakoro procesi" vakergja Monisnjor Anton Cirimotić - Direktori an o Makedonikano Caritas

Te šaj bajraren pe o šanse o Romane čhave bađo sasti edukacia, o humanitarcia tari organizacia Caritas, finasiko suportoa tari donacia tari Polska , phanle o proekto baši majbari integracia an o edukaciakoro procesi. Učipaja taro 16.000 eura kerdi si kotorvali modernizacia e školsko objektenge taro Caritas kote sikljona paše 100 čhave:

Повеќе...

Havljardo o Konkurso bašo stipendiriba Romane studentia , agorutno roko bašo apliciriba si 28.12.2017

O Ministeriumi baši edukacia an o studentsko 2017/2018 berš konkursea ka den 100 stipendie ko ničale - redovno studentia Roma hramosarde ko džidiplomsko studie taro avgo ciklusi ko themakere thaj privatno univerzitetia thaj učeedukaciakere institucie an i Republika Makedonia thaj pheren akala šartia:

1. Te oven preperutne tari Romani etnikani jekhin;

2. Te oven themutne an i Republika Makedonia;

3. Te na istemelkerel stipendie taro aver institucie jali kompanie.

Повеќе...

E EU ka implementirinel politika te kerel konekcia tari nacionalno thaj EU netvorko baši legislacia thaj netvorko e edukaciakere institucienge ko suportiriba pozitivno aktivitetia

Te šaj konektirinen pe akala politike trubul te implementirinel pe pozitivno diskriminacia.

Te šaj resen pe o resarina tari EU trubul te nakhavel pe i inkluzia e Romengiri , sa o relevantno riga trubul te keren unitariteto thaj te keren pire savale as o lengere mandatia, kompetencie thaj kapaciteto.

Ola pakjana ko majefektno forma te resen pe o majšukare rezultatia prekal i sinergia e Romane proektenge thaj implementacia ko preporake ko istemalkeriba dokumentia sar so si i EU pervazi e Nacionalno strategiake an i Integracia e Romenge - 2020

Повеќе...

OJA - e Romane historiake, čhib thaj kultura te oven materiali sikljojbaske an o lila ki fundavutni thaj maškarutni škola

Faktea o sa majbuter isi lafia tari natolerancia, degradacia, an i konekcia e diskriminaciaja mujal nesave etnikane jekhina, grupa Terne Romane ktivistia akceptiringje peticia te šaj anel pe sekcia tari Romani historia, čhib thaj kultura an o sikljojbaskere lila pali (Historia, Civilno edukacia) an o fundavno thaj maškarutni edukacia resarinaha te kerel pe promocia thaj implementacia thaj akcepcia ko respektiriba, tolerancia thaj aver manušenge thaj o diferencie an o makedonikano multikulturno dživdipa.

Akharen pe sa o zainteresirime dizutne , individue thaj organizacie so hulaven i moldipa taro jekh multikulturakro dživdipa te den piro suporto an i akcepcia akale pučimnaske dži ko Ministeriumo baši edukacia thaj o aver ofisia thaj agencie so arakhena i kultura taro minjoritetia.

O majtikne trampe em ko individualno nivelo majbut rezultirinena bare trampencar an o sistemo. Odoleske majbut kerel i edukacia, thaj odoleske odova trubul te kerel pe an o inkluzivno edukacia kote so amare čhave ka sikljoven jekhe avereske thaj barabutne ka keren majlačho sadživdipa an i Republika Makedonia.

Повеќе...