Србија и регионот сеуште е во неизвесност во случајот со грабнувањето на малата 12 годишна Моника Каримановиќ од околината на Ниш. Главниот осомничен е Нинослав Јовановиќ од Малча, попознат како „Малчански бербер“, кој излегол од затвор во март годинава.
Веќе осум дена како ја нема Моника, родителите, и блиските пријатели сеуште не ја губат надежта дека таа може да биде вратена здрава и жива, но сепакевидентно е дека во оваа потрага има многу недоследности.
Целиот случај беше алармиран веднаш преку социјалните мрежи од страна на засегнатите родители и пријатели. Веднаш и самите граѓани ја споделуваа оваа информација. Во цел тој хаос „најмирни„ беа државните институции и полицијата на Србија како о надлежните институции. Дури после четри – пет дена од исчезнувањето започнаа поконкретна потрага вклучувајќи и 200 полицајци и жандармерија. Деновиве тој број изнесува и 500 вклучени лица, но дали требаше толку да се чека?
Истото прашање треба да се постави и кон големиот број на Ромски организации кои мудро „ќутеа„ се до моментот додека не беше тој „аларм„ даден и од официјалните медиуми во Србија и регионот.
Буквално родителите и индивидуални ромски активисти беа оставени сами на себе во оваа потрага цели четри –пет дена!
Имаше и такви кои во целиот овој случај го таргетираа како случај дека малата Моника можеби и „побегнала и се омажила„ следбено дека таа е Ромка и дека таа варијанта е најлесна.
Со ова се докажа дека кога станува збор за Ромите државата Србија секогаш имаат некои поважни приоритети од Ромите.
Во целата оваа ситуација дури и претседателот на државата Александар Вучиќ се вклопи во сивилото напоменувајќе дека добро е запознат со деталите но не би сакал да изнесува информации.
Дали тие родители на Моника не заслужуваат поголема утеха од страна на државата и институциите, и да ги држат во неизвесност.
Дури медиумите направија реконструкција на целиот случај и укажано е дека ова се случило за само 4 минути и 43 секунди.
Тие фатални минути беа доволни еден обичен педофил цели осум дена да се крие и цела полиција да не биде способна да го лоцира и открие, како да се работи за најпрофесионален воен ветеран и знае како да се крие. Факт е дека има мал милион пропусти и недоследности. Факт е дека државата Србија Ромите не им се некој врвен приоритет.
Дај боже да се заврши се најдобро и Моника здрава и жива да се врати на најблиските. Е потоа ќе се отвори Пандорината кутија кој и каде направил пропуст. А нарочио судските институции кој монстумот Нинослав го пуштиле во март од затвор и знаејќи го за кого станува збор го пуштиле без никаква контрола, следење и надзор со шанса која повторно ја сторил, силување и напаѓање на малолетни деца.
Кој ќе ја поднесе таа одговорност? Во други држави паѓаат оставки на претседатели, министери, но брате ова е Србија ова е Балкан! Тоа на овие простори е невозможна мисија!
