Ромскиот јазик и ромската култура се единственото богатство што Ромите ги донеле со себе од својата татковина Индија. Ромскиот јазик како колективна меморија е единствениот поим од кој би можело да се утврди потеклото на денешните Роми (всушност тоа беше единствената алатка на научниците кои истражуваа од кого и од каде потекнуваат Ромите) што ја имаме насекаде низ светот.

Затоа поповод 5 Ноември Меѓународниот ден на Ромскиот јазик Мрежата за системски и трајни решенија во Петок на 4 Ноември во Владата на Р.С. Македонија ќе организира настан каде на свечен начин ќе се одбележи овој ден.

На настанот планирано е да учествуваат и високи преставници од државните институции како и истакнати ромски интелектуалци кои работат на полето  на зачувување на ромскиот јазик и литература. Исто така ќе се оддржи панел дискусија како и академски час за важноста на ромскиот јазик.

Воедно за време на настанот ќе се доделат и плакети на истакнати и заслужни личности од областа на ромскиот јазик и литература.

Во текот на неделава за тој настан ќе има повеќе информации.

Овој датум е веќе прифатен во другите Балкански земји, а кај нас полека почнува да се афирмира одбележувањето на овој ден.

СВР Тетово информира дека вчера во акција за откривање асоцијални појави, две лица се откриени како питачат и за тоа ќе добијат соодветни поднесоци.

Полициските службеници на СВР Тетово во содејство и координација со тетовскиот Центар за социјални работи вчера од 8 часот и 30 минути до 12 часот во Тетово ја  спровеле заедничка контрола.

– Во контролата, реализирана на неколку улици во централното градско подрачје, затекнати и санкционирани биле две лица, женско на возраст од 48 години од тетовско село и 61-годишен тетовец, кои на различни места питачеле. На двајцата ќе им бидат изготвени поднесоци согласно член 24 од Законот за прекршоци против јавниот ред и мир, соопштија од СВР Тетово.

Кој ќе се затекне да пита, ќе му се изрече глоба во висина од 15 до 50 евра, се вели во членот 24 од Законот за прекршоци против јавниот ред и мир.