Дали е можно? Го предвиде катастрофалниот земјотрес во Турција три дена пред да се случи
Истражувачот на Институтот за следење на геометријата на небесните тела поврзани со сеизмичка активност, Френк Хугербетс, пред три дена го предвиде местото и јачината на разорниот земјотрес што се случи на 6 февруари на границата меѓу Сирија и Турција.
- Порано или подоцна ќе има земјотрес со магнитуда М 7,5 во овој регион (југоцентрална Турција, Јордан, Сирија, Либан) - напиша Хугербетс на Твитер на 3 февруари.
-Срцето ми е со сите погодени од големиот земјотрес во централна Турција. Како што кажав порано или подоцна тоа ќе се случи во овој регион, слично на 115 и 526. На овие земјотреси секогаш им претходи критична планетарна геометрија, како што имавме на 4-5 февруари - објасни Хугербетс како го предвидел катастрофалниот земјотрес.
Иако многу веројатно се работи за чиста случајност и шпекулации, значајно е што предвидувањата на Хугербитс, за жал, се остварија речиси целосно, откако катастрофалниот земјотрес со јачина од 7,8 степени според Рихтеровата скала го погоди југот на Турција во понеделникот во 04:17 часот.