Шутка NEWS

I policia identifikujngja thaj akhargja len an o policiakoro stasioni 5 persone bašo leiba than ko mariba an o Šuto Orizari

Pandž persone si identifikujme thaj akharde bašo deiba informacie an i policia sebepi o incidenti thaj mariba so sine an o Šuto Orizari.

-O MAB den informacia kaj pali resli akharin bašo peraviba o sasto tromalip thaj niče lende si aktia te užarel pe saste čipotake.

I identifikacia thaj akharin si bašo 5 persone so lel than an o akava incidenti thaj akti te kheden pe faktia baši majodorigutno leiba aktia tergjol an i vaktavin.

Повеќе...

Kurto Duduš p nevo dizjakoro šerutno e komunake Šuto Orizari

O kandidati dihakere šerutneske taro SDSM o Kurto Duduš legargja i viktoria upreder 1603 vote angleder dži akanutno kandidati Elvis Bajram . Notirime prekal o gende vota sine 4936 vote e Kurto Dudušeske, mujal 3333 we Elvis Bajrameske.

Aso agorutne informacie taro TAK an i dujto rota taro lokalno alusariba so sine an i Makedonia , o SDSM legargja viktoria an o 57 komune, o VMRO - DPMNE ko salde 5 komune.

Taro TAK notirinena kaj o DUI lelja 11 komune,, i Aliansa e Albanconge trinm, DPA -1 a ko 3 komune i viktoria legargje 3 biathinale kandidatia.

Akanaske taro SDSM so anglutne sine deputatia an o Parlamento sar dizjakere šerutne ule bašo Skopje o Ptere Šilegov, ko Karpoš Stefam Bogoev, Šuto orizari Kurto Duduš, an o Kumanovo Maksim Dimitrievski , an i gevgelia Saško Pockov, ani Strumica Kosta Janevski , an o Štip Blagoj Bočvarski, thaj olengere deputatengere thana udžarel pe te len len i Tatijana Lalčevska, Aneta Simeska-Dimoska, Lidija Tasevska, Riste Tašev, Kostadin Kostadinov, Agim Murtezanov thaj Kostadin Acevski.

Повеќе...

Atakujmo thaj ratvardo o Elvis Bajram

E dizjakoro šerutno an i komuna Šuto Orizari thaj kandidati tari i koalicia VMRO DPMNE , Elvis Bajram erati ko mismeri sine atakujmo thaj ratvardo ko vakti kana kerel vizita pe time an i angloalusaribaskiri kampanja an i komuna.

Aso o informacie taro oleskoro šefi e Kabineteske, Adnan Memed so sine olea ola sine atakujme kana ale anglal o štabi taro oleskoro oponenti taro SDSM. O Bajram ratvardo sine legardo an o hospitalo 8-to Septemvri.

Trao ministeriumi bašo sastipako plo oficialno twiter profilo informirinena kaj o Elvis Bajram si avrial dživdipaskoro riziko thaj i ratvarin si leske sanirimi šov e thavencar.

Повеќе...

O srpsko Telegraf bašo Šuto Orizari: Siem sine ki Šutka ko majbaro butiko an i Europa, odothe isi sa, salde jekh buti nane

Akava si o majbaro butiko an o Balkani. Sasto Skopje, makedonia thaj aver thema kinen amende, soske siem majeftino a isi baro numero roba.

Sa isi ko jekh than pa ko mangel neka avel - vakerel o Alil Muzafer, jekh taro but trgovcia so bikinen telel o phravdo ko nilaj em jevend tekstili, jakne menie.

Ki roba so si anglal o dukjania thaj improvizirime tezge o trgovcia udžarena pire misafiren.

-But šubel pe reklame pire robake. Vakeren kaj olengiri roba akate si orginali a na khorani kopia.

An o odola "butikia" thaj dukjania trujal o baro drom isi em improvizirime tezge so isi sakako roba . "Orginal" džuvljane čante bašo 5 eura, patike 13 eura, ,menie 20 eura. odothe isi jakne, - leder, teksas , farmerke, pantalone, gada, telune sostenja, majce, čorape , "galbenoa thaj rupini" , bižuteria em aver džundžuroa kozmetika em aver.

Orothe nane salde čiriklikano thud.

Повеќе...