Ki Makedonia saste džanela pe kote i mania taro sportsko kladiba si but maškar o manuša. Bizi diferenca taro socialno jali ekonomikano statusi savore len ko vas o kalemi thaj o lil.

Nekaske odova si salde normalno kheliba, taro hobi jali kurkeskoro rituali, a avernege si čačutni thaj alarmantno hazardersko mania.

Numa isi asavke so tikne lovenge thaj sar hobi kamen te khelen thaj te dikhen dali ka ovel olen baht. Numa o problemi si odova so ko nevo kanoni "Khelina ko hazardi" dži kote tuamro tiketo astarela thaj isi astarde love, a nesave čipotaja lena thaj socialno love tari them, odola love notirinen pe ko registro taro UJP thaj ola evdientirinen pe sar ekstra love.

Ko 20 juni, trujal  11:00 o saati ki Šutka ko Centar sine maribe maškar duj terne čhave  palo koleste iklilo pobaro problemi , adaleja so jek taro čhave save so margjape sinele ratvarkeriba ko šero khujbaja čhurikaja tari rig taro javer čhavo.

I policija ali ko than taro akava incidenti kote so phanlja e čhave save kergja o ratvarkeriba dzikote okova palo medicinakiri intervencija sine legardo urgentno ko hospitali kote so ačhilo telal doktorsko opservacia thaj kontrola dži ko sasljariba. O čhavo T.I. si ratvarkerdo ko šero hem ko kan dzikote lesiri daj kote sine thaj oj kana sine o maribe si grebimi ko vas.