Шутка NEWS

Ministersko mitingo ko faisalkeriba e dešberšengere problemeske tari ginekologo an o Šuto Orizari

I Ministerka bapi sociala Mila Carovska kergja bukjarni vizitra e ministerea bašo sastipa o Arben travari, o ministero bizo resoro Samka Ibraimovski o presidento tari Unia e ginekologenge Duško Filipovski thaj membria taro NGO. Tema sine kanoni ki prevencia e khamne džuvlenge, ekstra target o Romane džuvlja.

„Ko dikhiba e NGO sektore sine šajdipa te vakeren o problemi so o Romane džuvlja arakhen pe sakodive thaj vakeren kaj majbaro numero olendar vakeren kaj avgo drom dikhiba e ginekologoa si len kana bijanena, a na raritetno isi kote taro ghospitali iranen len soske nane len sastipaskere legitimacie trujal so si urgentno pacientia.

O presidento e Uniake taro ginekologia o Duško Filipovski vakergja kaj akava pučiba trubul savakteske te faisalkerel pe. Ov vakergja kaj ko nakhlo vakti dengje pe but variante te šaj te ovel ginekologo an i komuna Šuto Orizari , numa ni jekh na sikavgja pe sar savakteskoro faisali" notirime si an i vaktavin.

Повеќе...

O vikendi ikergja pe i jekhto prastajbaskoro aktiviteti an i historia e Šuto Orizari

O centro socialno inicijativa "Nadež" suportoa tari fondacia Schuler Helfen Leben thaj i komuna Šuto Orizari an o savati avgo drom organiziringja pe humanitarno prstajbe " Prsataja savore" an o drom Indira Gandi an i komuna.

Ko prastajbe than lele sikle taro lokalno fundavno thaj maškarutne škole ko Šuto Orizaru thaj trujal o čhave - sikle, sine studentia membria taro institucie, NGO, Ambasade tari sasti them.

Itsavalo starti e prastajbaske sine ko 09_30 p časo an i avlin e Centriske socialno inicijativa "Nadež" . O čhave thaj o bare prastandile ko 10 o časo a taro 12 o časo sine organizirimo party thaj dejbe o medajle em diplome.

Повеќе...

Kaste isi majbare šanse te ovel avutno dizjakoro šerutno an i komuna Šuto Orizari

I politikani kriza an i Makedonia panda si bizo agor. O planirime aktivitetia thaj lokalno alusariba akana si nesar an i "učharin" sebepi so panda nane formirio Govermento thaj Parlamento thaj alusar Presidento an o parlamento. Odoleske panda na džanel pe kana šaj te oven o lokalno alusariba.

Numa o partie na bešen tromale. O romano politikano bloko thaj i pozicia dizjakoro šerutno an i jekhutni romani komuna Šuto Orizari . I pozicia thaj i fotelja si interesno sakoneske, numa salde jekh šak legarel i viktoria. Startujngje o kalkulacie thaj e elektoratea. Ki sako forma startujngje agjaar vakerindo "kamljariba" e elektorateske, a akana majaktuelno si - khediba humanitarno akcie e socialno teleperavdi kategoria manuša, o majčorole an i komuna. Bukvalno savore "marena pe" ki savi forma te ovel majpaše e narodoa.

Повеќе...

Pali bari jag an i Čhavorikani gradinka 8-to April an o Šuto Orizari, thaj o čhave taro Diveseskoro Centro e čhavenge an o droma pučena: Em akana sikavnie, kote amen ka sikljova?

E Diveseskoro Centari e čhavenge an o droma thabilo saste thaj sa so sine oleste ando sa si našavde, o čhave so si akomodime thaj chidime taro droma, akana si palem an o droma. A kobor si phare te rese i pativ oleste, te sikave le ko fundavno higiensko tertipia, te konektirine le ko edukaciakoro procesi, te urave le, te parvarele, te legare opservacia oleskere sastipaskere situaciake, te sikave le kaj isi majbut numa o dživdipa po droma... soske nane ko aver te kerel odova !!!

Dukhala but kana dikhea kobor kamel thaj kobor si importantno odova so dikhena le ko Diveseskoro Centaru kaj odova si oleskoro kher thaj akana pučela " e akana sikavnie, kote amen ka sikljova?"

Повеќе...