Едукација

Kobor respektirinela pe o ustavno zagarintirimo niami te sikljol pe piri dajakiri čhib?

O informacie taro Popis 2002 berš sikavena kote paše 70% taro Roma an i Makedonia keren i romani čhib sar olengiri dajakiri čhib.

An o utaralo regiono tari Makedonia o Roma majbut keren turkiakiri čhib, a ko paščimalo regioni i albanikani jali turkiakiri čhib , numa na romane a majbut i terni generacia Ekstra ko paščimalo kotor tari them buteder Roma keren thaj makedonikani čhib sar olengiri dajakiri čhib.
Taro havljarde edukaciakere programe sar alusaribaskoro predmeti taro Ofiso e buvljaribaske e edukaciake šaj te dikhel pe dži kote o sikle alusaren o predmeti Romani čhib thaj kultura te sikljoven an o kontinuiteto palo duj saatia an o kurko .E edukaciakiri programa an i Romani čhib thaj kultura legarel o Ofiso buvljaripaske i edukacia.

Повеќе...

Dendo granti e FŠ. Brakja Ramiz thaj Hamid taro Šuto Orizari bašo tikne inicijative suportoske ki maškaretnikani integracia an i edukacia

Ko konkurso e tikne školengere incijative an o suporto e maškaretnikane integracie an i edukacia , O Ofiso taro FOOM dengja grantia bašo 10 fundavne škole ko sasto sublimati taro 37,671 USD.

Maškar odola škole si thaj i škola "Brakja Ramiz i Hamid" taro Šuto Orizari kote dengje lenge 4.000 USD an i realizacia e proektoske telal o anav " Oda e bahtake"

Повеќе...

O Govermento tari R.Makedonia ko utsavalo akto notiringja Lumiakoro dive e Romane čhibjake

O 5 Novembro si notirime sar Lumiakoro dive e romane čhibjake tari rig taro UNESKO.

Ki utsavali ceremonia organizirime taro makedonikano Govermento , o premieri Zoran Zaev notiringja kaj " sasoitnipa savorenge" si fundavutno principi e programake an o Govermento thaj si hazri na deklarativno, numa čačutne em phravde te tamikeren e Makedonia sar inkluzivno sasoitnipa.

An i akaja utsavali notacia piro lafikeriba trujal o premieri Zaev sine e ministere bizo portfolio so kerel implementacia e Strategia e Romenge 2014-2020, Aksel Ahmedovski thaj o ministeri baši edukacia Arber Ademi, o ministeri kulturake Asaf Ademi, o deputati an o Parlamenti an i Republika Makedonia o Samka Ibraimovski thaj avera.

Повеќе...

Konkursi bašo deiba 400 stipendie bašo socialno suportho e siklenge taro maškarutne škole ko sikljojbaskoro 2018/2019 berš

O Ministeriumi bašo edukacia thaj uka ko sikljojbaskoro 2018/2019 berš ka del 400 (štaršel) stipendie socijalno suportoske e siklenge taro maškarutne škole an i Republika Makedonia.

O kriteriumia bašo deiba stipendia si te oven oficialno sikle ko jekhto berš prosekoa tari fundavno škola 4.00 , thaj oficialno sikle ko II, III thaj IV berš prosek majhari 4,00.

te na oven ponavljačia ko periodo tari piri edukacia te na len stipendie avere institucie jali firme thaj te oven themutne tari Republika Makedonia.

Повеќе...