Политика

Ексклузивно интервју со Фатима Османовска – Претседател на новоформираната „Унија на Ромите„: „Партијата е формирана токму поради политичката немоќ која моментално ја имаме како Ромска заедница„

Рома Тајмс: Кој е главниот мотив да се формира „Унија на Ромите„?

Фатима Османовска: Како што и самото име на партијата наговестува, политичката партија Унија на Роми ќе делува како политичко тело кое спојува, во конкретниов случај ќе ја спои идеологијата на секој Ром/Ромка која е во насока на целосно уживање на правата на Ромската заедница, а дополнително и стекнување со нови права кои ќе влијаат на подобар квалитет на живот, во сите сфери.

За да се оствари оваа идеологија која ја делиме голем број Роми, независно од политичката позадина или неполитичкото делување на секој од нас индивидуално, се наметна потребата од организирано, политичко делување, што всушност резултираше со иницијативата за формирање на партијата.

Лично сум сигурна дека сме зрели како заедница да бидеме споени во една „унија„ која конечно ќе ги донесе промените кои индивуално и колективно сите ги очекуваме и сме истовремено свесни дека очекуваните промени сами треба да ги донесеме.

Р.Т.: Вие сте прва жена Ромка - Претседател на една Ромска политичка партија во Р.С.Македонија. Кој е главнит мотив?

Ф.О: Верувам и поборник сум на според мене потврдената теза дека полот на една индивидуа не е фактор кој ќе го утврди успехот во било која професија или занимање, туку искуството, знаењето, мотивацијата, социјалните и лидерските вештини. Тоа што сум прва жена Ромка претседател на политичка партија нема да ја направи партијата поуспешна или понеуспешна. Мојата визија, визијата на мојот тим, моите способности да обединам, да преговарам, да застапувам и да говорам јавно во име на моите подржувачи ќе бидат пресудни за успехот пред се на заедницата, а понатаму и на партијата и мојот личен успех.

Таму го наоѓам и мојот мотив за лидерство на Унијата на Роми. Верувам во себе, верувам во довербата која ја имам од заедницата и верувам во позитивните резултати кои можам да ги донесам и да придонесам не само за мојата заедница, туку за целото македонско општество.

Р.Т.: Дали Унија на Ромите планира да има свои ограноци и од кои градови (региони)?

Ф.О.: Секако дека ќе имаме. Ограноците во секој град ќе дадат можност во идеолошкото делување на партијата да биде вклучен секој граѓанин на РСМ, од секој град, село, населено место и затоа сметам дека ограноците се битен дел од политичкото делување на Унија на Роми.

Како на пример би ги застапувале интересите на граѓаните од било која општина седејќи во канцеларија во Скопје? Секако преку делувањето на ограноците кои ќе ни бидат линк со заедницата, а истовремено и ќе бидат застапници на политичката партија на локално ниво, бидејќи сме свесни која е моќта на промените која може да се направи на локално ниво, независно од делувањето на национално ниво.

Р.Т.: Со кого планира да коалицира Вашата партија

Ф.О.:Самото формирање на политичка партија не мора да значи дека истата треба и ќе коалицира со друга партија. Не верувам во тезата мали и големи партии и во тоа дека малите треба да им се „залепат„ по автоматизам на големите за да се добие дел од „политичкиот колач“. Но истовремено верувам во партнерство кое се заснова на препознавање на взаемната соработка која ќе донесе промени обострано и во оваа насока допрва ќе анализираме и ќе утврдиме со кого потенцијално би коалицирале согласно идеолошките определби на нашата партија и другите партии.

Р.Т.: Како ја оценувате сегашната политичка моќ на Ромската заедница?

Ф.О: Партијата е формирана токму поради политичката немоќ која моментално ја имаме како Ромска заедница, наспроти политичкиот потенцијал кој го имаме како индивидуи и тим.

Р.Т.: Кој ќе биде фокуст на делување на Унија на Ромите?

Ф.О.: Фокусот допрва ќе се допрецизира заедно со граѓаните. Јас најавив дека ниту едно прашање нема да се застапува ако тоа не е произлезено од разговори и анализи со граѓаните.

Но генералната цел на Унијата на Ромите ќе биде застапување на принципот на еднаквост, правичност, носење на законски легислативи кои ќе бидат во линија со интересите на Ромската заедница, носење на локални политики кои ќе бидат инклузивни за Ромската заедница и влегување на Ромската заедница од РСМ во Европската унија како еднаква заедница по економски и социјален статус, уживајќи ги подеднакво сите права како мнозинската заедница.

Три години од смртта на Амди Бајрам, единствениот пратеник Ром со најдолг пратенички мандат од 1994 до 2020 година

Денеска 24 октомври се навршуваат 3 години од смртта на Амди Бајрам , кој како пратеник Ром во Собранието на Македонија имаше точно 11 мандати од 1994 до 2020 година.

Тој е роден во Скопје во 1956 година. Амди Бајрам во 1994 станал пратеник во Собранието на Република Македонија како член на Партија за целосна еманципација на Ромите (ПЦЕР), но до крајот на мандатот работел како независен пратеник. Во 1996 го основал СРМ и бил назначен за нејзин претседател. Освен во првиот мандат во следните мандати(1998 – 2002)(2002 – 2006)(2006 – 2008)(2008 – 2011)(2011 – 2014)(2014 – 2016) и(2016 – 2020) беше пратеник од редовите на Сојузит на Ромите од Македонија каде беше и преседател со до неговата смрт . Починал на 64-годишна возраст како последица на срцеви проблеми. Како негоов наследник за Претседател на СРМ е назнален Габриел Бајрам

Интервју со Селвија Мустафи дел од кор тимот на АВАЈА: „ Аваја е во еволуциона фаза во која се случуваат промени во повеќе аспекти којшто е апсолутно здрав процес.„

Рома Тајмс: Аваја изминатиов период додаде и една додавка - Роми за Демократија - Roma for Democracy ? Колку оваа додавка влиаеше на смената од претходното раководство во ова сегашно?

Селвија Мустафи: Фондацијата Ромите за Демократија е новиот ентитет и извор за нова надеж со цел да го зајакне демократското учество на Ромите во општеството, а Аваја е иницијативата која претставува конститутивен дел на фондацијата. Една од целите на фондацијата ќе биде да поддржува индивидуалци, неформални групи, движења како и медиумски портали кои го промовираат придонесот на Ромите во развојот на демократијата.
Формирањето на фондацијата не влијаеше во смената на претходното раководство, напротив отвори простор за еден поширок видик и заедничко работење преку вклучување на луѓе и од други региони во државата кои имаат голем потенцијал во јакнење на моќта на заедницата.

Р.Т.:Кој е сега во раководството на Аваја , и дали има во раководствот од претходниот состав?
С.М.: Аваја е во еволуциона фаза во која се случуваат промени во повеќе аспекти којшто е апсолутно здрав процес. Во раководството имаме луѓе од претходниот состав, но и појачување со активисти кои во текот на овие 4 години имаа можност да водат на локално ниво и да растат во целиот процес за сега да достигнат раководствено ниво.
Тоа што е клучно во целиот процес на работење е нашата волја за работа без разлика за тоа кој води, бидејќи целта на крајот од денот е иста, но само фокусот различен. Од една страна ги имаме брзите подеби во ромските маала во многу општини а од др. политичкото организирање и влијание.

Р.Т.:Кој е сега фокусот на активности на Аваја?

С.М.:Како и претходно, Аваја ќе се фокусира на 3 главни елементи, а тоа се:
политичката едукација, политичкото учество како и репрезентацијата.
Во минатото имавме можност да доживееме секаков вид на манипулации особено кога станува збор за избори. Од сето тоа главната поука е дека ни треба јакнење на гласот на заедницата, политичка едукација (како правилно да гласаме), учеството (зошто е важно секој да учествува и гласа) како и репрезентацијата – за поголемо влијание во креирање на државни политики.

Р.Т.:Кој е главниот мотив Аваја да прерасне во Ромско политичко движење?

С.М.:Мислам дека е крајно време да сфатиме дека мора да бидеме политички силно организирани и да бидеме дел од повисоките политички процеси и вклучени на позиции кои ќе направат промени за нашата заедница.
Мотивот е едноставен, ние немаме своја матична држава и (воена) сила за да демонстрираме таква снага, економски сме најсиромашна заедница во Европа, но тоа што можеме да го направиме е да се организираме политички и да делуваме преку градење на моќ во заедницата. Благодарение на нашите предци и лидери како Фаик Абди, нам ни е овозможено не само да размислуваме за политика, туку да се вклучиме активно во истата.
Аваја има генерација на млади лидери со капацитет да замислат подобра иднина преку заедничките идеи и волјата за подобрување на статусот на ромска заедница.

Вархеји од Тирана: Членството доаѓа на Западен Балкан

Еврокомесарот за проширување, Оливер Вархеји, од Тирана истакна дека на Албанија и се случува членство во Европската Унија, а истото важи и за сите земји од регионот. Тој најави дека Унијата наскоро ќе објави план за раст за земјите од регионот.

„Членството доаѓа во Албанија. Членството доаѓа на Западен Балкан. Допрва ќе чуете што планираме во оваа насока, а тоа ќе биде планот за раст за Западен Балкан, што ќе го објавиме. Со него веднаш ќе се забрза проширувањето од први јануари наредната година, за да можеме да бидеме домаќини на новите земји-членки во најбрз можен рок кога тие ќе бидат подготвени. Ние сме подготвени“, рече Вархеји.

Вархеји планот го најави пред министрите за надворешни работи на земјите од Западен Балкан. Тие се состанаа во рамки на Берлинскиот процес во Тирана, каде за десетина дена ќе се одржи и Самитот на овој процес на ниво на премиери и претседатели. На денешниот состанок се обрати и шефот на дипломатијата Бујар Османи, според кого најавата за новиот План за раст за Западен Балкан, треба да овозможи пристап до заедничкиот европски пазар и финансиска помош за регионот.